المروحة الرئيسية مش شغاله

[gergeslotfy]

من فترة التكييف كان بايظ ولما شحنته لقيته بيفصل ويرجع يشتغل تانى وببص لقيت عداد الحراره بيزيد رحت فصلت العربيه وفتحت الكبوت شغلت العربيه وبصيت لقيت المروحة الرئيسية مش شغاله
بصيت على الفيوز سليم
ممكن حد يساعدنى هى دى ممكن تكون ايه المشكلة ؟
ولكم جزيل الشكر

[lutenit030]

تويتا ولا لانوس؟؟ لان التويتا طبيعى انه بفصل و يشتغل كهربيا انما فى الانوس مبيفصلش كهربيا

[gergeslotfy]

لانوس 2011

[truss]

اتأكد ان الفيش واصلة.
بص على الكتاوت، هما ٢ كتاوت.

[gergeslotfy]

الفيشة والكتاوت شغالين جربت اثنين غيرهم

[truss]

فك فيشة حساس الحرارة اللى تحت الموبينة و دور العربية، شوف المراوح هتشتغل ولا لأ.

[Khaled Lanos]

غالبا صباع الحرارة بايظ..دور في مواضيعي هتلاقي موضوع فيه كل حاجة عن صباع الحرارة.

[gergeslotfy]

لما بفك الفيشة بتاعة حساس الحرارة بتشتغل المروحه الصغيره على السرعه العاليه لكن الكبيره لا
صباع الحراره اعتقد مفيش منه مشكلة
ارجوا المساعدة

[gergeslotfy]

فينك يا استاذ طارق ؟!!!!

[lutenit030]

استنانى بس لحد بكره اولك المشكله تنحصلا فى ايه بالظبط من كتالوج الكهرباء عشان داخل انام و الموضوع بسيط ان شاء الله وصفك الدقيق حيقرب الحل =باذن الله

[lutenit030]

بس قولى وصف دقيق للحاله عندك ايه
المروحه الكبيره مش بتشتغل خالص
افهم من كده ان الصغيره مش بتشتغل على السرعه البطيئه نهائى بتشتغل على العاليه حتى منغير لما تشيل صباع الحراره، صح؟؟

[Mahmoud.Fathy]

لو المشكلة في صباع الحرارة المفروض الراجل اول ما يشغل التكييف يلاقي المروحتين اشتغلوا على السرعة البطيئة ... وده مش بيحصل ... هو بيقول فيه مروحة مش بتشتغل ... خلى كهربائي يشوفهالك بسرعة لانها ممكن تعمل مشاكل اكبر من مجرد سخونة الموتور

[lutenit030]

لو توصيله المرواح عندك فابريكه
الفيوزات عندك كده سليمه
لكن اللى يوقف ال مروحة الكبيره بس هما الاتنين ريلاى اللى فى الصوره او لو الفيشه بتاعه المروحه مش راكبه كويس او في قطع فى السلك بتاعها
بس مبدئيا بص على الاتنين ريلاىدول و فى واحد منهم لونه رصاصى تقدر تبدله مع اى ريلاى تانى فى العلبه بس تبقى عارف انت بتبدل مع ايه

http://s28.postimg.org/j9xa40iv1/Untitled.jpg

[gergeslotfy]

انا بالفعل عملت كده والنهاردة ان شاء الله هقيس بالافوميتر لو فى قطع فى السلك
شكرا لتعبكم معايا

[gergeslotfy]

مفيش اى قطع ولا اى سلك فاصل الدايرة كلها شغاله والريلاى اللى بيتحكم فى المروحتين ابو خمس ارجل ده بيشغل المروحه الصغيره بعد ما بشغل التكييف بثوانى وبينقل حركه لانى فكيته وشفته لما بينقل الحركه
هو فى ايه تانى ممكن يتحكم فى المروحه الكبيره؟ وهل الريلاى ده ممكن يكون بايظ بس بيشغل مروحه والتانيه لا ؟