استهلاك البنزين والكشف في مركز الصفا للنوبيرا

[وائل فريد]

عربيتى نوبيرا بقالها معايا فترة طويله حوالي 5 سنين بس بقالي فترة حاسس ان اسنهلاكها في البنزين علي شوية حوالي 25% المهم قولت اروح اشوف ايه السبب في مركز الصفا المعتمد هنا في الموقع المهم روحت كشف بالجهاز علي العادم لقي النسبه كويسة قوي قولت للمهندس امال العربية بتاكل بنزين زيادة ليه قالي ممكن يكون الرشاشات قولتله لو الرشاشات كانت بانت في جهاز كشف العادم قالي صح قولتله طب فين المشكلة قالي احنا هانظف حساس مش فاكر قالي اسمه ايه المهم هو موجود في صدر العربية من تحت وفعلا نظفه وبعد تجربة انا مش حاسس بفرق في استهلاك البنزين لسه بردو عالي شوية فارجو الرد هل فعلا ممكن يكون الرشاشات هي المشكلة وميظهرش في العادم وايه ممكن يكون سبب استهلاك العالي للبنزين بدون ما يظهر في العادم ؟

[midooo_119]

العربيه بتغيب فالدوارة ؟؟

[moko_2004]

بص يا برنس علشان تحسب الاستهلاك
اعرف ان تانك العربية للزور يعمل 55 لتر و لو العربية اوتو ماتيك المفروض تعمل 550- 600 كلم للتانك كاملا
لو مانيوال المفروض اكتر يعنى الى 700 كلم في التانك كاملا في الحالة السواقة المتوسطة و الهادية و طرق السفر

وثانيا مش شرط يكون عيب رشاشات ممكن يكون فية تهريب كبس بسيط بيزود الاستهلاك او بلية خشنة او طرمبة خشنة بتعمل حمل على المكنة و تزود الاستهلاك
هات منظف رشاشات و منظف وقود و اعمل غسلة لدورة الوقود على مرتين مرة للغسلة و مرة للرشاشات مع اتباع التعليمات لو متعرفهاش اسأل و اقولك عليها

[koshary]

حساس الشكمان مش بيتنضف هاته استيراد

[ادوارد]

اوعى تجيب منظف وقود هيبوظ الرشاشات كل اللى فى التنك هيطلع على البوابة والرشاشات ويسدها
انتة قيس قوة ضخ الرشاشات وتنظيفها على الالتراسونيك

[وائل فريد]

هاجرب تنظيف الرشاشات علي الجهاز وربنا يسهل

[magdy gaafar]

متاابع..
بس غريبة قوى ان مركز الصفا مش عارف يحدد المشكلة؟!!
امال هو مركز شغال فى ايه بالضبط
عموما من المؤكد ان الزملاء هنا عندهم تصورات للحلول
بالتوفيق

[waley]

فى واحد فى الحرفيين شغلة تمام ممكن يكشفلك عليها انا هاروحلة قريب الى عاوز يجى ممكن يكلمنى للتواصل