مرايات الجنب

[Ahmed-SAMIR]

ليا سؤال يا جماعة عن عيب اظن انه واجه ناس كتير عن الصباع اللي بيحرك سوست توجيه مرايات الاجناب في اللانوس وتعرضه للكسر من القاعدة اللي بتربطه في جسم المراية نفسها يا تري ممكن اجيب الصباع ده لوحده ولا لازم اشتري المراية كلها لوكشة واحدة

شكرا ليكم

[aelmohamady]

لازم المرايا كلها

Sent from my samsung GT-I9152 using Forum Runner

[أحمد عثمان]

أنا حصلت معايا مشكله قريبة من المشكلة اللي عندك دي, و هي كسر في قاعدة أحد الوايرات المسئولة عن تحريك المراية و الحقيقة كانت مشكلة سخيفة جداً جداً, و سخافتها مش في إصلاح الكسر و اللي لزقته بالأمير و بقى تمام أوي, إنما المشكلة في الفك و التركيب لأنك لازم تفك الوايرات كلها و بعدين تصلح الكسر و بعدين تركب تاني, و ياسلام أوي لو نسيت حاجة برة وتضطر لأنك تفك تاني و تركب من الأول, و عاديك من تركيب الوايرات ده, فعلاً مقرف.
المهم الكسر ممكن إصلاحه, حترجع زي الفل بس بشوية مجهود.

[dr wael ghanem]

استفسار

للاسف لازم تتغير كلها

[Ahmed-SAMIR]

أنا حصلت معايا مشكله قريبة من المشكلة اللي عندك دي, و هي كسر في قاعدة أحد الوايرات المسئولة عن تحريك المراية و الحقيقة كانت مشكلة سخيفة جداً جداً, و سخافتها مش في إصلاح الكسر و اللي لزقته بالأمير و بقى تمام أوي, إنما المشكلة في الفك و التركيب لأنك لازم تفك الوايرات كلها و بعدين تصلح الكسر و بعدين تركب تاني, و ياسلام أوي لو نسيت حاجة برة وتضطر لأنك تفك تاني و تركب من الأول, و عاديك من تركيب الوايرات ده, فعلاً مقرف.
المهم الكسر ممكن إصلاحه, حترجع زي الفل بس بشوية مجهود.

والله يا استاذ احمد انا لحمتها بالانبوبتين وما استحملتش اكتر من يوم واحد لأنها منطقة ارتكاز وعليها تحميل جامد

[أحمد عثمان]

والله يا استاذ احمد انا لحمتها بالانبوبتين وما استحملتش اكتر من يوم واحد لأنها منطقة ارتكاز وعليها تحميل جامد

معلش أعتقد كده مفيش غير التغيير.
ربنا يعوض عليك و يباركلك في الجديدة إن شاء الله.

[tarek_2005]

ليها حل لو الصباع فقط الي لتقطم استعوض عنه بمسمار سن صاج اسود واربطه في القاعدة وغطيه بشريط لحام او هيت شرنك وهيشتغل احسن من الاصلي

[JAM]

عندى نفس المشكلة وانهاردة هحاول فى حل كدة.. ولو نفع.. هرفعه إن شاء الله

[esam_refaat]

؟ما هو هيت شرينك وما استخداماته

[tarek_2005]

الهيت شرنك هو عازل كهربي بيستخدم في عزل الاسلاك الكهربائية وميزته انه لما بتسخنه بيتقلص حجمه وياخد شكل الجسم الموجود بداخله

[lutenit030]

حصل معايا الموضع ده اول ما جبت العربيه كان الجزء اللى ما سك فيه الصباع متكسر من عند ال 3 مسامير فى المرايتين و عملت ح كويس جدا بش شغلانه غلسه و هو انى جبت صاج نص ميليى و فصلته على الشكله المطلوب و طلعت منه ودان مكان التلات مسامير و الباقى واخد الشكل الاسطوانى طبعا كنت عامل ماكيت ببكرتون الاول و قصيت عليه الصاج و لفيته باشكل المطلوب بس خد وقت طويل و اتعورت من الصاج بس النتيجه هايله انا اجزم ان اقوى من الجديده و الحمدلله بحركها بقوه و انا مطمن

[Ahmed-SAMIR]

ليها حل لو الصباع فقط الي لتقطم استعوض عنه بمسمار سن صاج اسود واربطه في القاعدة وغطيه بشريط لحام او هيت شرنك وهيشتغل احسن من الاصلي

لللأسف يا استاذ طارق اللى اتكسر هو القاعدة نفسها اللى بتتربط بتلات مسامير فى جسم المراية علشان تثبت الصباع