ظبطت اللانوس بتاعتى والخطوات. My Lanos. بالصـور

[عمرولبيب]

بسم الله الرحمن الرحيم

الموضوع باين وهفصل الشرح بالصور وكله ولكن أحب أن أبدى الشكر والإمتنان لأعضاء المنتدى عامه
والاستاذ مصطفي ظريف خاصه .. والاستاذ محمد ممدوح خاصة
ولم يظهر ذلك العمل بذلك الشكل لولا فضل الله وفضل الاعضاء عامه وخاصه من تم ذكرهم والصنايعيه اللى بصراحه عاملوا واجب جامد .... ( ودا نادرا لما بيحصل ) ههههههههههههههههههههه
بداية اشتريت السياره فى شهر واحد اللى فات واشتريتها من شخصصادق وامين بصراحه
نوع السيارة دايو لانوس 1 موديل 2000 عامله 180000كيلو الوضع وقت الشراء كان معقول إلى حد ما

ودى الصورة السياره بعد التوضيب


بعد الشراء قمت بتسقيط العفشه كامله رغم انها كانت تمام شويه بس غيرتها نضافه كدا ( ونصيحه بلاش الشراء من الزقازيقى .. غالبيه شغله تعبان شويه )
مصنعيه العفشجي بتركيب كل حاجه جلب ومسامير الميزان والمساعدين والبيض والجلب والكوبيات والبطاحات 180 جنيه
للعلم العفشجى ركب البطاحات غلط .. فى خلال اسبوع غيرت البطاحات الجديده تانى عند عفشجى أخر وركبها وظبط المساعدين بـ 50 جنيه

وبعدين اشتريت شويه سيور كامله اصلى مع ثرموستات كوعه وركبتهم كلهم وغيرت المياه لمياه ايديا اسبانى وزودت كانز ابرو كل دا الميكانيكي 100 جنيه

ثم بدأت اشتري كماليات هتبان فى الصور اللى جايه ان شاء الله

الميه عندى كانت بتنقص وبعد فحص ومحص طلع من الطبتين اللى قدام فى الماتور خلف الفرن واتغيروا والميه تمام مش بتنقص

تم تغيير الاضاءه بره فى السياره من لمبات صفراء للمبات زرقاء فى الفوانيس الكبيره وايضا فى فوق النمر

تم تغيير نور الصالون كارت ليد 36 لمبه لون ازرق وتم اضافه اضاءه لدرج التابلوه زى ماظريف عمل والحته اللى فوق الطفايه لون ازرق .. وتم تغيير نور العدادات ليد أبيض كلها .. وتغيير نور الشنطه كارت ليد اللى فيه 28 لمبه والاضاءه بقت تمام

تم تغيير الرشاشات من رشاشات زرقاء رفيعه معرفش بتاعه اكسنت باين إلى رشاشات بى أم دابليو بـ 170 جنيه وكشف وتنضيف بـ 50 جنيه ومالهومش اى لازمه التنضيف او الكشف

سمكره 500 جنيه شويه بارومه فى العتب وتم القص ولحام من عتبه اخرى ورد العتب على خفيف وتظبيط العربيه كلها كامله والرفارف من تحت وتظبيط الفوارق كامله

بوهيجى 1600 جنيه رش لون العربيه عادا السقف

نيجي بقى للفرش تم شراء جلد ارضيه كامل مكمل وجلد كراسى نوع امريكي نضيف جدا بلوازمهم وشراء 2 متر لباد مستورد تقيل ونضيف جدا وشراء 5 متر لباد اللى فيه الحته الالمونيوم دا اللى هو عازل حرارى سيلفر كل دا بـ 650 جنيه ومصنعيه السروجى 400 جنيه بس شغل عالى جدا جدا جدا

تم شحن التكييف بـ 150 جنيه وعدم وجود تسريب نهائى وتم اضافه الكفاءه زى ماظريف بك عمل وزادت الكفاءه فعلا بفضل وجود العوازل اللى اشتريتها وكمان الفوم اللى مليت بيه العتب والارما فيليكس اللى عملت بيها المواسير بتاعه التكييف

تم تغيير اللمبات وركبت نيرفا وكتاوت والاضاءه بقت فوق الوصف 40 جنيه مصنعيه التركيب واللمبات والكتاوت ولوازمهم بـ 150 جنيه تقريبا
العربيه فيها جنط 13 بسشكله شيك وكنت عايز اغيره لـ 14 ولكن مستنى لما الكاوتش يجيب أخره لانه يعتبر جديد لسه

تم تعديل الشبكه اسبور ... تم تركيب دواسات حديد ..وتركيب هوايات وبلمه على الزجاج كله وتم رشهم لون العربيه ... تركيب فواجات .. عرقات بلون ازرق فوق الجلد .. فرش طبلوه خلفى وامامى .. دواسات جلد جديده نوع تقيل جدا .. شماسات على الزجاج الامامى من الداخل . تركيب كسوه جديده للطارة.. ستاير كبس زجاج خلفى والاربع بيبان بس شايل اللى قدام فى الصور علشان مش شايف منهم .. مرايه صغيره على مرايات الجنب ..طقم ريش مساحات جديد .بها سرينه شرطه فيدرالى اصلى 53 صوت جايه مع العربيه . سموك للفوانيس الامامى . تغيير غمازات الجنب بلون ازرق وكريستال.. غالبيه الشغل بنفسى بدون مساعد الا السمكرة والبوهيجى وتفصيل الفرش وتركيب سير الكاتينه والشحن الفريون

العلامات ركبتها التلات علامات اللى ورا تانى يوم بالظبط اتسرقوا هههههههه كويس اتهنيت بيهم يوم واحد

وبعد كدا بقى تركيب جميع الكماليات واليكم الصور
بسم الله ماشاء الله






















































الصور تتبع فى الرد التالى على طول
ماشاء الله

[عمرولبيب]

باقى الصــــــــــــور

[ahmedelrayan]

بسم الله ما شاء الله ربنا يباركلك فيها بس انا عندى ملحوظة واحدة ان ليه حضرتك مدهنتش المرايات واكر الباب بنفس لون العربية

[عمرولبيب]

بسم الله ما شاء الله ربنا يباركلك فيها بس انا عندى ملحوظة واحدة ان ليه حضرتك مدهنتش المرايات واكر الباب بنفس لون العربية

ربنا يخليك يااباشا
بس اللون الاسمر فى الشامبين جميل جدا جدا .. للعلم العربيه مفهاش شغل كتير بس انا كسرت اللون بس وحبيت اعمل الهوايات نفس لون العربيه شكلها شيك .. انما لو كله لون العربيه هتبقى كلاسيك اوى مش هتبقى لايقه
كسر اللون دا شئ اساسى فى الالوان واللى بيبين الالوان انما الساده دا مبيظهرش اى حاجه

[J A G U A R]

شغل جميل بجد ما شاء الله

[ahmed.Elashy]

شغل حلو ماشاء الله وعاوزه بال رايق
بس لما تيجي تبيع هل هتخسر ف العربيه عشان واضح انك صارف عليها

[FAR!D]

الله ينور و مبروك علي العربيه و ربنا يهنيك بيها

[rotanamasoud]

ربنا يباركلك فيها

[ادوارد]

بسم الله ماشاء الله حلوة اووى ربنا يباركلك فيها ويكفيك شر الطريق

[baherhassan30]

ما شاء الله ... شغل عالي عالي عالي ومزاج عالي جدااا
ربنا يباركلك فيها ويكفيك شرها

[Ahmed-SAMIR]

ربنا يباركلك فيها

[عمرولبيب]

شغل حلو ماشاء الله وعاوزه بال رايق
بس لما تيجي تبيع هل هتخسر ف العربيه عشان واضح انك صارف عليها

هو اللى اتصرف عليها فى حدود 5000 جنيه والحمد لله .. وعلى تمنها مانا شاريها 42500 يبقى عامله 47500 لو فكرت ابيع هبيع على 50000 .. لان فى السوق بقيت باسمع اسعار عجيبه ( علما العربيه مش راشه السقف فبريكا دواخل كامله .. 185000 كيلو انا اللى عامل اخر 5000 كيلو دول .. مش محتاجه اى شئ نهائى والحمد والشكر لله .. كما بالصور .. المكنه حلوه ولا خفيفه ولا الهوا .. العفشه زيرو والحمد لله ومش محتاجه اي حاجه .. تكييف تلاجه بمعنى الكلمه ماشاء الله . كقليه السرينه اللى فيها شئ خرافى اللى هى سرينه الفيدرالى دى كذا صوت . فيها نور اللى هو قلاب ازرق فى احمر زى النجده دا بس على صغير زى شرطه البلاد الاوروبى. عزل كأنك راكب تيوتا واحسن من اللانسر فى العزل الصراحه مكتومه صح عن اللانسر .. كوتش بحاله الزيرو يعتبر .. طبعا الكماليات بالصور
بس النهارده بقى حاجه غريبه ( لمبه من لمبات الفانوس ضعفت لإما الكتاوت اتهز لإما اللمبه اتحرقت .. خير والحمد لله )

[عمرولبيب]

ربنا يباركلك فيها

ربنا يبارك فى حضرتك يافندم

[Mohamedmaree91]

الف مبروك يا عمور وربنايديك خيرها يا رب زىما وصفتلى الشغل اللى عملته بالضبط

[عمرولبيب]

الف مبروك يا عمور وربنايديك خيرها يا رب زىما وصفتلى الشغل اللى عملته بالضبط

الله يبارك فيك يامحمد بك وربنا يخليك يارب
وابعد عن التكييف يامحمد بياكل وبيشرب البنزين بطريقه غبيه جدا جدا هههههههههههه
التفويله مبتقعدش معايا حاجه يعنى ممكن الـ 20 لتر يعملوا معايا بالتكييف 150 كيلو بالعافيه