قواشيط البطارية

[haimaN]

السلام عليكم
كل سنة وانتم طيبين

هو ليه قواشيط البطارية بتملح تقريبا كل يوم ولازم احط عليها ميه علشان العربية تدور هو القشاط الارضى هو اللى بيملح بس
ده عيب اى بالضبط

[aymanshebl]

شحن زيادة و الله اعلى و اعلم طبعا

[محمود السيد]

متابع ....

[a_mohamedsamir]

فك القطاش
حات صنفره ونظفه بيها من جوه كويس من ناحية الاقطاب
نظف الاقطاب كويس
ركب القطاش وتأكد انه مربوط كويس ومحكوم على الاقطاب
حط حتة فزلين او شحم على القطب اللى بيملح
التمليح غالباً بيكون مع البطاريات السائله
لكن معرفش ايه سببه

[hisham343]

التمليح بيحصل من تفاعل الحمض اللي موجود في البطاريه مع الصوابع الرصاص او القواطيش ، وعلشان يحصل لازم يكون فيه تسريب او تبخير لحمض البطاريه و ده ممكن يحصل نتيجة الشحن الزياده ، والموضوع بيزيد مع زيادة الرطوبه والحراره وعدم ربط القواطيش جيدا ، الحل هو وضع طبقه عازله بين الحمض و الصوابع والقواطيش بعد تنظيفها طبعا ويستحسن استعمال محلول بيكربونات الصوديوم علي قطعة قماش ثم استعمال فرشه سلك ( ويراعي لبس جوانتيات لحماية الجلد) ويتم ربط القواطيش جيدا ثم وضع فزلين طبي او شحم علي القواطيش بدا من الاسفل للاعلي .