نوبيرا ولا اوبترا محتاج رايكم

[Ahmed_gamal02]

الاخوة الاعزاء السلام عليكم

معروض علي نوبيرا 2009 قابريقة يرة و جوة و اوبترا 2007 بحالة مقاربة و السعر 61000 للنوبيرا و 65000 للاوبترا

ارجو الافادة اي السيارتين اشتري من حيث اقتصاديات التشغيل و توافر قطع الغيار و قلة المشاكل حيث ان الوقت محدود للغاية لظروف عملي


ارجو النصيحة لعدم المعرفة و قلة الخبرة

كل عام و انتم طيبين

أحمد جمال

[ARKOON]

الاوبترا هيا الشكل الجديد بتاع النوبيرا وبعدين ازاي نوبيرا 2009 المصنع قفل 2005 اساسا المهم دا مش موضوعنا النوبيرا عربية واسعة وجميل في السفر وثابتة بس طويلة شوية عن الاوبترا لما تيجي تركن وكدا العربية وزنها اتقل من الاوبترا .. والابترا احدث واشيك من النوبيرا وتعتبر الاجدد زي ما قولنا انها نوبيرا بس باسم شيفي والعربية الى انا ارشحها لحضرتك هيا الاوبترا لانها الانسب والفرق بينهم مش كبير اوي .
وربنا يكرمك ان شاء الله وتختار الأحسن .

[a_mohamedsamir]

ممكن تقول لنا
كل عربيه ماشيه كام كيلو
مانيوال ولا اوتوماتيك
الحاله العامه لكل واحده ايه
و على حسب معلوماتى آخر الدايو ٢٠٠٨ دى معلومه اكيده لانى معايا دايو لانوس ٢٠٠٨

[a_mohamedsamir]

نسيت اقول لحضرتك من تجربتى للاثنين
الاوبترا احسن
الا لو كانت المعروضه عليك حالتها اقل من النوبيرا

[ahmedelrayan]

الاوبترا بلا شك بس يشترط الحالة

[hesham fawzy h]

انا كان معى اوبترا 2008 اوتو عربية جميلة جدا .. و بفكر اشتريها تانى

[hesham fawzy h]

كيف اكتب موضووووع [size="7"سعر السيفيك 2008 ضروري جدا ... وهل هى بياعة ولا مش بياعة[/size]

[J A G U A R]

اوبترا طبعا بس تكون حالتها كويسه

[amirock]

اوبترا طبعا

[Omar Mahmoud]

الاوبترا هيا الشكل الجديد بتاع النوبيرا وبعدين ازاي نوبيرا 2009 المصنع قفل 2005 اساسا المهم دا مش موضوعنا النوبيرا عربية واسعة وجميل في السفر وثابتة بس طويلة شوية عن الاوبترا لما تيجي تركن وكدا العربية وزنها اتقل من الاوبترا .. والابترا احدث واشيك من النوبيرا وتعتبر الاجدد زي ما قولنا انها نوبيرا بس باسم شيفي والعربية الى انا ارشحها لحضرتك هيا الاوبترا لانها الانسب والفرق بينهم مش كبير اوي .
وربنا يكرمك ان شاء الله وتختار الأحسن .

في مصر كان في دايو لانوس و نوبيرا 2009 و الكلام ده اكيد من خلال مجلات عربيتي و عالم السيارات
النسبة لصاحب الموضوع الاوبترا افضل

[Sameh samy]

علي فكرة انا معايا نوبيرا 2008 وعارف ان فية نوبيراا 2009 وسقت اوبتر كتير وشخصيا افضل الاوبترا عن النوبيرا واتمني من كل واحد في المنتدي مايتعصبش لعربيتة لان قيمة الانسان موش العربية بتاعتو وهاعمل لحضرتك مقارنة بين العربيتين لان الاوبترا مع اخويا
ثبات النوبيرا افضل علي السرعات العالية
سحب اوبترا افضل ومعدل تسارع افضل
اسعار قطع الغيار وتوافرها لصالح النوبيرا
وسع الصالون النوبيرا اعرض
نعومية الموتور الاوبترا احسن
شكل خارجي الاوبترا
لو اتوماتيك انسي النوبيرا تماما
التكييف الاتنين حلوين
الصاج ال2 زبالة

[J A G U A R]

ثبات النوبيرا افضل علي السرعات العالية

بعد اذنك يا باشا حضرتك متأكد من النقطه دى ..

[mahmoud_ali]

الاوبترا طبعا

[Sameh samy]

متاكد تماما لو بتعمل غرز علي سرعات عالية هتلاقي النوبيرا اثبت لان المسافة بتاعة قاعدة العجلات اكبر ولاحظ ان ركبت النوبيرا والاوبترا من الزيرو يعني مينفعش تجيب نوبيرا جلب مقصاتها بايظة وتقولي بتعوم

[hisham343]

انا معايا نوبيرا 2009 و الموديل ده اخر النوبيرا