اغير من بنزين 91 الى 95 للافيو ولالا

[يونـــس]

السلام عليكم ورحمه الله
العربيه اللى معايا افيو 2005 والموتور بتاعها هو بتاع الدايو لانوس
وموجود بالسعوديه
طبعا العربيه من يوم ماجت وهى شغاله على بنزين 91 الاخضر
وبقالها فتره مش مظبوطه وغيرت لها فلاتر وبوجيهات واسلاك وصفايه بنزين بس عزمها ضعيف ومش كويسه فى الطلعات واحد قالى حط بنزين 95 بيبقى حامى وينظف معاك الرشاشات والبواجى ونظيف وهيزود عزم العربيه
السؤال
لو حطيت بنزين 95 هياثر على الموتور ولاانضغاط بتاعه ولالا .. لان فى الكتالوج مكتوب 91
انا عايز اجربه واشوف هيفرق ولالالا
رايكم ايه

[Omar2017]

جرب حط 95 و شوف بس مع العلم ان الافيو اساسا سحبها ضعيف

[mhemoo_sale]

فين ايامك يا سعودية دا الي يجي مصر يبقى غلطان

[د.عماد صلاح]

االافيو سحبها ضعيف اصلا

[J A G U A R]

بالنسبه للعربيات اللى فى السعوديه تعتبر بطه بلدى وتقريبا ده العادى بتاعها

[lutenit030]

اذا كان موتور الانوس انتاج 1997 كان فيه فيشه يتظبط منه على 95
اذن ال 95 مش عالى عليها ولا حاجه و بعدين حد يلاقى 95 و يتأمر عليه يا راجل حرام عليك

[hon]

انا كنت بستعمل فى اللانوس بنزين 95 من حوالى 6 سنين ايام مكان 185
وفعلا ماتور حاضر وشد براحتك ومفيش تقطيع وحرق تمام
توكل على الله ولا تخف

[يونـــس]

جربت وحطيت 95 والعربيه تمام والسحب ممتاز
ياريت الواحد جربه من زمان

[lutenit030]

شكلك عامل الموضوع ده مخصوص عشان تحرق دمنا صح
d:

[يونـــس]

شكلك عامل الموضوع ده مخصوص عشان تحرق دمنا صح
d:

هههه . لا طبعا مقصدش بس قريت قبل كده موضوع ان الموتور له نسبه انضغاط معينه يتحملها
وعشان كده مصانع العربيات بتحدد نوع البنزين فى الكتالوج
فممكن يكون ال95 احتراقه اعلى وضغطه عالى فيضرب الموتور
بس

[lutenit030]

هههه . لا طبعا مقصدش بس قريت قبل كده موضوع ان الموتور له نسبه انضغاط معينه يتحملها
وعشان كده مصانع العربيات بتحدد نوع البنزين فى الكتالوج
فممكن يكون ال95 احتراقه اعلى وضغطه عالى فيضرب الموتور
بس

دايما الاوكتين الاقل هى اللى ممكن يضر مش الاعلى عشان التصقيف انما الاعلى حتى لو العربيه مش نازله عليه بتلاقيه ريح الموتور و صوتة وطى شوية و بتلاقى عربيات زى ال 28 و الادا مثلا اللى هى كانت نازله على بنزين 70 اصلا مش حتى 80 بتحطلها بنزين 92 و بتشتغل احسن بفرق طفيف

[S O P H O S]

بلاش سيرت ال 95 دلوقتي
لو علينا نتكلم علي ال 70