ضروري زيت شل ولا موبيل للانوس

[رامي مصطفى]

من اول ماجيبت العربيه وانا بحط شل الاصفر 5000 كيلو حطيته اربع مرات مع كل صيانه دوريه باعملها في مركز منصور ايللي في العاشر من رمضان (القاضي)
عند صيانة 25000 اضطريت اعملها في مركز منصور في المنصوره ماكانش عنده الا موبيل فحطيته 5000كيلوا بردوا
بعد 4500كيلوا مضطر اغير الزيت وانا فى العاشر من رمضان يعني هغير عند القاضي عندو شل بس- حطيته بس ماعملتش الصيانه عشان عايز اعملها في المنصوره
و انا عايز اعمل الصيانات بعد كده في المنصوره ارجع احط موبيل تاني عندهم ولا افضل زي مانا احط شل واعمل الصيانه بس بدون زيت في المنصوره
واي زيت احسن شل ولا موبيل (لما مشيت على موبيل وبعدها حطيت شل حسيت الماتور صوته اعلى شويه عن موبيل الكلام ده صح ولا انا متهيلي)
توضيح عايز اعمل الصيانه في المنصوره لأن مراكز منصور الرئيسيه بتعمل صيانه كامله مجانا مصنعيات وزيت وفلتر بعد 4 صيانات عندهم (لازم في نفس المركز) القاضي مش مركز رئيسي مابيعملش كده

[hateeem]

هو عموما اللانوس الافضل ليها موبيل زى ما مكتوب ع حوض العربية

فا انا بحط شل وماشى تمام وزى الفل مفيش مشاكل

[عمرولبيب]

موضوع الزيت دا بقى مشكله كبيره وبتواجهنى على فكره
بالنسبه للفرق بين موبيل وشل .. فيه ناس بتشكر فى موبيل جدا جدا جدا وانا من الناس اللى بتشكر فى شل جدا جدا جدا جدا
وفيه فيسكو وحاجات غريبه بس بصراحه شل بيهدى المكنه عندى جامد لدرجه انك لو واقف جمبها متحسش انها دايره الا لما تحط ايدك على العربيه ولو واقف فى مكان هادى ومافيش صوت خالص
الصيانات بقى ماليش فيها احنا معانا وان وعند ميكانيكي وعفشجى ورركب بس بنضافه

[mahmoud_ali]

زيت شل

[mr_sese]

سل افضل بكتير

[neel]

العربية في الصيانةوبتحط لها زيت 5 الالف
عربيتي ماشية 100 الف كيلو وبحط 10 الاف

شل الترا عشرة الالف
او زيت فيسكو 5000 ده بيقعد 10000 كيلو

وهتحس بفرق كويس

[OmarAdel98]

احنا بنحط موبيل xhp بصراحة ممتاز مع العربية

[agaty1st]

هو عموما اللانوس الافضل ليها موبيل زى ما مكتوب ع حوض العربية

موضوع تجاري بحت
و المزاد رسي على شل اليومين دول
هتلاقي نفس نفس العربيه اللي كان مكتوب عليها موبيل بقى مكتوب عليها شل

[tarek_2005]

انا مبحبش شل ولا موبيل الاتنين اسواء من بعض ودي وجهة نظر شخصية علشان محدش يقولي انا جربت وانا مشيت وانا عملت

انا مجرب فيسكو 5000 بيمشي 10000 كم وزي الفل وقبل طقم الشمبر كنت بحط امارات مصر 3000 كم وكان فل الفل

[FAR!D]

انا بميل للشل ولكن بحط كاسترول للاسف عشان الشل مبقاش مضمون

[رامي مصطفى]

الف شكر يا جماعه ليكو جميعا