نقص المياه في القربة و محدش عارف ايه المشكلة

[A.Elmosallamy]

السلام عليكم ورحمة الله وبركاته
رمضان كريم علينا و يارب تقبل صيامنا

عربيتي لانوس جوليت موديل 99 المية في القربة كل شوية تنقص و ساعات ملاقيش فيها مية خالص ولازم كل كام يوم افتح و ازود ومحدش عارف التسريب جاي منين ورحت كبست هوا كذا مرة و مش باين اي تسريب ؟؟؟؟؟؟
اصحاب الخبرة في اللانوس او اي حد قابل نفس المشكلة فيه اي حل غير تقليدي للمشكلة دي ؟؟؟
شكراااا

[truss]

لو مش باين اي تسريب احتمال جوان وش سلندر.

[borio1704]

احتمال غطا الرادياتير/القربة يكون التسريب منه.. وحضرتك لما بتعمل ضغط الهوا بتشيل الغطا طبعا.. فالسبب ما يبقاش موجود


جرب تشتري غطا جديد

هو صحيح... المية عندك خضرا ولا من الحنفية؟؟



...

[mr.moustafa]

حصلت معايا قبل كده و كانت المشكلة من غطاء القربة

[ahmedamgad18]

احتمال كبير يكون من غطاء الريداتير بينفس ومش حتكتشفه جرب غطاء جديد يكون محكم الغلق ...و لو بتستخدم مياه ملونه وفيه تسريب حتكتشفه من اللون مكان التسريب ...

[A.Elmosallamy]

لو مش باين اي تسريب احتمال جوان وش سلندر.

فيه ناس شكت في كده بس العربية لحد دلوقتي الحمدلله ماشية زي الفل و الزيت كشفنا عليه مش داخل فيه مية

[A.Elmosallamy]

احتمال غطا الرادياتير/القربة يكون التسريب منه.. وحضرتك لما بتعمل ضغط الهوا بتشيل الغطا طبعا.. فالسبب ما يبقاش موجود


جرب تشتري غطا جديد

هو صحيح... المية عندك خضرا ولا من الحنفية؟؟


...

فيه بردو ناس قالتلي ممكن يكون العيب في الغطا بس حتی لو الغطا فيه مشكلة ده سبب يخلي ان المية اللي في القربة كلها تخلص ؟؟؟
و الغطا دة بيتجاب جديد ولا مستعمل و سعره كام ؟
وانا دلوقتي مضطر احط مية من الحنفية عشان بالطريقة دي كل اسبوع هجيب جركن مية خضرا

[A.Elmosallamy]

حصلت معايا قبل كده و كانت المشكلة من غطاء القربة

شكرا عالرد و يارب لما اغير الغطا المشكلة تتحل

[A.Elmosallamy]

احتمال كبير يكون من غطاء الريداتير بينفس ومش حتكتشفه جرب غطاء جديد يكون محكم الغلق ...و لو بتستخدم مياه ملونه وفيه تسريب حتكتشفه من اللون مكان التسريب ...

الف شكر عالرد و ان شاء الله هجرب غطا جديد ويارب المشكلة دي تتحل

[borio1704]

فيه بردو ناس قالتلي ممكن يكون العيب في الغطا بس حتی لو الغطا فيه مشكلة ده سبب يخلي ان المية اللي في القربة كلها تخلص ؟؟؟
و الغطا دة بيتجاب جديد ولا مستعمل و سعره كام ؟

أكيد طبعا.. لو الغطا فيه مشكلة وبيسرب .. المية هتتبخر والبخار يخرج منه.

حضرتك لو سبت شوية مية تغلي على النار هيخلصوا بعد شوية... إنما لو حطيتهم في وعاء محكم وفضلوا يغلوا من هنا لبكرة مفيش حاجة هتنقص

هي دي فكرة غطا القربة



...

[عمرولبيب]

بص ياسيدي
وانت بتغير زيت بتدخل على مجره عند البنزينه اللى بنغيرلك زيت او الراجل اللى بيغيرلك زيت تمام .. هاتنزل تحت العربيه وتبص على تسريب ميه من عند طبب الماتور فيه 4 طبب خلف فرن الشكمان ( الهيدر ) وفيه من الماتور من ورا عند الاسكترا كدا طبب برضو بس مش عارف كام
هاتبص عليهم والعيب مش هيطلع غير منهم ان شاء الله وبالذات الطبب الاماميه
لإما غطاء القربه
لإما القربه نفسها
لإما خراطيم المياه
لإما جوان السليندر
غير كدا يبقى العربيه مسكونه

[A.Elmosallamy]

بص ياسيدي
وانت بتغير زيت بتدخل على مجره عند البنزينه اللى بنغيرلك زيت او الراجل اللى بيغيرلك زيت تمام .. هاتنزل تحت العربيه وتبص على تسريب ميه من عند طبب الماتور فيه 4 طبب خلف فرن الشكمان ( الهيدر ) وفيه من الماتور من ورا عند الاسكترا كدا طبب برضو بس مش عارف كام
هاتبص عليهم والعيب مش هيطلع غير منهم ان شاء الله وبالذات الطبب الاماميه
لإما غطاء القربه
لإما القربه نفسها
لإما خراطيم المياه
لإما جوان السليندر
غير كدا يبقى العربيه مسكونه

يارب يطلع العيب من غطا القربة عشان مش عايز ادوخ كتير

[popahly]

بص عالريدياتير كويس علشان انا لفيت حولين نفسى وغيرت كل حاجة لحد مكتشفت تسريب الميه من الالومنيوم اللى ورا العلب ودا كان بعد محاولات تغير العلب وبرضوا كانت بتسرب بس من الالومنيوم نفسه راجع على الريدياتير كويس... ويارب تتحل مشكلتك لانها قمة الازعاج والقلق موضوع رخم تسريب الميه دا..

[Abdallaramadan]

بعد ما ترجع من مشوار بطل العربية وافتح الكبوت
ضغط المية بيبقى كبير ممكن ساعتها تشوف التسريب منين او تسمع صوته