حساسات مؤلمة

[هيثم الشرقاوى]

السلام عليكم ورحمة الله وبركاته
من فترة كدة لمبة التشيك طانت بتنور وتطفى المهم روحت اول امبارح اعمل سكان عشان اطمن لقيت اية بقا
حساس كامه
حساس شكمان
حساس تسقيف
حساسtps البوابة كهرباء على فكرة
موبينة
طبعا قلبى متحملش الصدمة هههههه
المهم الراجل دلت كل حاجة وقالى تعالى بعد اسبوع نكشف تانى ونشوف هتقرى اية
طيب الحجات دى تعمل فى حدود كام
وايه اعراض تلف حساس الكامة عشان انا كنت شاكك فى حساس الشكمان عشان باظ فبل كجة وجبته استيراد وشكلة باظ تانى
وحساس الشكمان الجديد بكام 2 طرف زى بتاع اﻻوبترا
وفى اﻻخير ﻻتنسونا بالدعاء
وربنا يسترها على الجميع ويكفيكو شر الحساسات

[kantofanto]

ربنا يصلح حالك و يسير أمرك و يكون فى عونك دائماً. و يجزيك خيراً

[hon]

ربنا يصلحك الحال بس كل دى حساسات بايظة؟ الله المستعان

[ayman hamdy]

اللى عندك دى اعطال مسجلة قديمة ممكن فيشة مهزوزة تسجل عطل ويرجغ يظبط تانى حساس عايز ىتنظف وممكن يشتغل تانى ولوحده فدى مش شرط تكون كلها حساسات بايظة ممكن متلاقيش ولا واجد بايظ وكلها اعطال قديمة
تحياتى

[virus459]

ربنا يكون في عونك بس ازاي كل الحساسات دي بايظه والعربيه ماشيه ده حساس واحد وتلاقي العربيه متلخبطه ممكن يكون الكمبيوتر هنج او حاجه بس لو هم فعلا بايظين المفروض بعد ماتمسح الايرور بمجرد ماتبدأ تمشي تاني تلاقي اللمبه نورت

[mhemoo_sale]

انا اول مرة اسمع بكل الحساسات دي ممكن حد يقولي فايدة كل حساس اية

[aelmohamady]

السلام عليكم ورحمة الله وبركاته
من فترة كدة لمبة التشيك طانت بتنور وتطفى المهم روحت اول امبارح اعمل سكان عشان اطمن لقيت اية بقا
حساس كامه
حساس شكمان
حساس تسقيف
حساسtps البوابة كهرباء على فكرة
موبينة
طبعا قلبى متحملش الصدمة هههههه
المهم الراجل دلت كل حاجة وقالى تعالى بعد اسبوع نكشف تانى ونشوف هتقرى اية
طيب الحجات دى تعمل فى حدود كام
وايه اعراض تلف حساس الكامة عشان انا كنت شاكك فى حساس الشكمان عشان باظ فبل كجة وجبته استيراد وشكلة باظ تانى
وحساس الشكمان الجديد بكام 2 طرف زى بتاع اﻻوبترا
وفى اﻻخير ﻻتنسونا بالدعاء
وربنا يسترها على الجميع ويكفيكو شر الحساسات

حساس الكامة لو بايظ العربية تقطع وساعات تقف خالص
حساس الشكمان مابيتجابش استيراد علشان بيبقى مستهلك
لازم يتجاب جديد بس بكام مش عارف انا كنت جايب الاصلى بتاع اللانوس من سنة ب 200

Sent from my samsung GT-I9152 using Forum Runner

[MMamdouh]

مينفعش عربية يبقى فيها كل الحساسات دى بايظة و تبقى بتمشى... ولا الموضوع محتاج اسبوع مشى عشان يبان اى حساس اللى تالف فعلا

لوح لحد بيفهم يسكان العربية و يقولك مشكلتك فين تحديدا

MMamdouh

[lutenit030]

يمكن يكون حد كان شغال فى العربيه و خلع فيشه الحساسات ديه كلها و فتح الكونتاكت فبل ما يركبها فا سجلت كلها و هو مسحها دلوقتى و واضح انها قبلت مسح معاه و ان شاء الله مش حتظهر معاك تانى خلاص

[mr_sese]

انا اول مرة اسمع بكل الحساسات دي ممكن حد يقولي فايدة كل حساس اية

مش معقول كل كم الاخطاء دى ..هتلاقيها حاجة بسيطة

[m.akram]

بعد ما مسح اللمبه نورت تانى ولا لا
لو منورتش يبقى دى كانت اعطال متسجله وبخ خلاص

[هيثم الشرقاوى]

شكرا لكل الأعضاء
وجزاكم الله خيرا على الدعاء
المهم بعد ما دلت الاعطال اللمبة نورت حوالى 4 او5 مرات على فترات متفاوتة ساعات وانا ماشى عادى على 70 مثﻻ تنور لوحدها وساعات اركن واجى ادور تانى متدورش من اول مرة وتبطل ولما ادور تانى تدور بس الاقى اللمبة منورة وتقعد شوية وبعدين تطفى لوحدها وساعات متطفيش اﻻ لما ابطل وادور تانى الحمد لله على كل شئ
بإذن الله هروح اعمل سكان بكرة واشوف اية اﻻخبار وربنا يستر
وجزاكم الله خيرا
وتقبل الله منا ومنكم صالح الأعمال
واللهم بلعنا ليلة القدر واعتق رقابنا من النار

[هيثم الشرقاوى]

الحمدلله عملت سكان انهاردة وطلع حساس كامة فقط
حد عندة خلفية سعرة كام
طيب اجيب جديد وﻻ استيراد
ولو كبرت دماغى شوية في مشكلة ممكن يعملها وﻻ عادى اتعايش معاه لحد اما اغيرة
والسﻻم عليكم
وتقبل الله منا ومنكم صالح الأعمال

[aelmohamady]

الحمدلله عملت سكان انهاردة وطلع حساس كامة فقط
حد عندة خلفية سعرة كام
طيب اجيب جديد وﻻ استيراد
ولو كبرت دماغى شوية في مشكلة ممكن يعملها وﻻ عادى اتعايش معاه لحد اما اغيرة
والسﻻم عليكم
وتقبل الله منا ومنكم صالح الأعمال

لازم تغيره علشان ممكن العربية تبطل منك وانت ماشي

Sent from my samsung GT-I9152 using Forum Runner

[MMamdouh]

انت عربيتك استيراد ولا ايه؟

النوبيرا المصرى مفيهاش حساس كامة

MMamdouh