نقص المياه

[HanyManssy]

السلام عليكم
المياه بتنقص جامد و بحط مياه خضراء
فيه رشح بين الموتور و علبه سير الكاتينه



عند الوصله المتصله بالخرطوم رقم 2
الوصله ده هى ابه؟

[HanyManssy]

ديه بتتلحم و لا بتتغير
الاسبوع ده مزود 4 لتر مياه خضراء نوع سعودى ب 25 جنيه
بس انا عاوز اصلح السبب نفسه

[عمرولبيب]

لاما التسقيط من الكوعه اللى واصله بين كوعه الثرموستات والريداتير
لإما التسريب من طرمبه المياه اسفل سير الكاتينه
راجع على الاتنين وغير التالف فيهم

[عمرولبيب]

ثمن الكوعه الكاوتش الكورى 25 جنيه لسه شاريها امبارح
ثمن الطرمبه يتراوح من 100 لـ 150 على مااعتقد
لو الكوعه اللى جواها الثرموستات اللى واصل فيها الخرطوم رقم 2 مش هتعمل كتير هتعملها بتاع من 20 لـ 40 على مااعتقد

[Abdallaramadan]

ومتحطش ميه مضروبة

[Mahmoud.Fathy]

ماشاء الله ... انت ازاى الحوض عندك نظيف كده :) :) :)

[HanyManssy]

شكرا على الرد
مش صوره من الواقع
معرفتش ارفع الصوره الحقيقيه فاستعنت بصوره من جوجل و عليها الرقم
الكوعه الموصله بالخرطوم رقم 2 ده معدن و هى بتسرب مياه خضراء
استخدمت النوع الرخيص علشان مستخدمش المياه
ربنا يستر هروح للميكانيكى غدا ان شاء الله
ذهبت الجمعه الماضيه كان اجازه

[عمرولبيب]

صاجه الفرن لو نضيفه بتحس الماتور بيلمع
لو صاجه الفرن زباله هتحس ان الماتور زى الهباب
انا عندى بقى الماتور هباب اساسا والصاجه اهبب منه والدنيا فى الماتور عندى مزبله مابعدها مقلب زباله
وبيني وبينك احسن من غسيله علشان الموبينه والحساسات

[HanyManssy]

فكوعه الترموستات بتسرب
قربه المياه لسه شاريها من البنا بتسرب
حسبنا الله و نعم الوكيل

[HanyManssy]

اشتريت القربه من عزيز سليمان ب 55 جنيه
الكوعه من غير ترموستات 30 جنيه
اويل سيل الموبينه ب 10 جنيه
و اشتريت تيل فرامل جولد من البنا ب 60 جنيه و قلت لهم القربه لسه شاريها منكم و باظت
كان فيه راجل جالس مع الميكانيكى بيقولى الغى الترموستات قلت له لا
بيقول ديه اللى سخنت المياه و سمعت فى القربه

قلت له لا ركب الترموستات مش عاوزين مشاكل
و ربنا يسهل و الميكانيكى يلم العربيه

[أمجد هووز]

ماشاء الله ... انت ازاى الحوض عندك نظيف كده :) :) :)

.

الله اكبر الله اكبر الله اكبر
من شر حاسد اذا حسد
خمسه وخميسه والحارس الله
وحصوه في عيينك يللي ما ها تصلي علي النبي
الحمد لله طلع طابعها من جووجل
والنبي كل واحد يخلي باله من حوضه ... ماحدش يفتح حوضه قدام حد
حد عارف ... النوبه دي من جووجل المره اللي جايه يمكن تكون حقيقي
انا مره واحد صاحبي ورا حوضه لواحد صاحبنا برضه قام صاحبنا قال له
دا حوضك نضيف
الحوض بقي اتكسر والميه الخضرا غرقت الدنيا
وكل سنه واحواضكوا طيبه

.

.

.

[ضى القمر]

روح لميكانيكى مفهاش شغل بايدك دى