سخونه فجاءة فى النوبيرا

[zendo]

النهارده كنت ماشى بالعربية ومن الصبح كده وطول اليوم الحرارة تمام ومشغل التكييف على طول سواء ماشى او على السلانسية لما انزل اجيب حاجة وارجع على اخر النهار لقيت المؤشر رفع على الشرطة اللى بعد النص وثابت عليها وتحس ان العربية مولعة والميه مظبوطة مش ناقصة والزيت يعنى ناقص سنه فى العلامة اللى بعد الماكس بس شغال موبيل xhp بس ماشى بيه حوالى 2800 كيلو وبعد كده طفيت ودورت لقيت الحرارة اتظبطت تانى المؤشر تمام بالتكييف او بدون ورحت ركنتها عند البيت تفتكرو ايه السبب

[OmarAdel98]

ممكن يكون في تسريب بسيط جدا في الخراطيم بتاعة المية او الريداتير بس خدبالك ان التسريب لو كباية مية تولع العربية ها

[عمرولبيب]

إظاهر ان الايام دى الحاله العامه لمواتير دايو كدا
نفس النظام معايا ولكن نزلت ملقتش ولا اى نقطه فى القربه مليتها وغيرت الخرطوم اللى كان بيسرب
بس الغريبه ان العربيه تمام لو شغاله عاديه انما التكييف بيخلى العربيه نار نار نار ومفيش اى تسريب ولا غيره نهائى خالص

[zendo]

العربية تمام ومفيش تسريب والميه مش بتنقص

[عمرولبيب]

ماهو انا نفس الموضوع بس مع التكييف الماتور بيولع نار ليه بقى مش عارف

[moko_2004]

التكييف بطبيعتة بيسخن العربية لانة بيعمل حمل ميكانيكي مش هين على موتور العربية و اوقات لو فية بلي خشن بيأثثر على شحن الدينامو و على اداء العربية اثناء تشغيل التكييف ولذلك بتحس ان العربية بقت تقيلة لما بتشغل التكييف

ان العربية بتسخن اثناء تشغيل التكييف فدة عيب واضح جدا في الريديتر وانة محتاج تسييخ و تغيير مياة ضرورى
وتراجع على كهربة المراوح ولو الكهربا ضعيفة تزود للمراوح كتاوت

[zendo]

يا جماعةاللى بيحصل ان اول لما ادور العربيةالصبح وتسخن المؤشر يبقى فى الوضع الطبيعى بتاعة مجرد ما امشى واشدبالعربية الاقى المؤشر يعلى عن معدلةالطبيعى اهدى يرجع تانى وممكن تفضل كويسه على طول لحدما اركنها واجى ادور يحصل نفس المشكلة تانى ياترى بقى عيب ايه لانالعربية كانت كويسة وعمرها ما عملت كده من اول ما اشترتها من سنة

[moko_2004]

يا جماعةاللى بيحصل ان اول لما ادور العربيةالصبح وتسخن المؤشر يبقى فى الوضع الطبيعى بتاعة مجرد ما امشى واشدبالعربية الاقى المؤشر يعلى عن معدلةالطبيعى اهدى يرجع تانى وممكن تفضل كويسه على طول لحدما اركنها واجى ادور يحصل نفس المشكلة تانى ياترى بقى عيب ايه لانالعربية كانت كويسة وعمرها ما عملت كده من اول ما اشترتها من سنة

اية نوعية المياة اللى بتستخدمها؟؟
اخبار ثرموستات الكوعة؟؟
الريديتر تمام ولا اي كلام؟؟؟
المراوح بتشتغل لما العربية بتسخنو ولا واقفة محلك سر؟؟
دى اللاربع حاجات اللى تشييك عليها ضرورى
السخونية دى بضرب جوان وش السلندر و احتمال تضربلك وش السلندر لا قدر الله

[zendo]

نوع المياة ميه مقطرة
ترموستات الكوعة الاصلى بتاع العربية ومغيرهاش من ساعت ما جبت العربية لانها معملتش معايا مشكلة
الريداتير الاصلى بتاع العربية الفبريكة وزى الفل مفيهوش ولا خرم والميه مش بتنقص وانا مغيرها من 5 شهور
المراوح بتشتغل عادى

[moko_2004]

نوع المياة ميه مقطرة
ترموستات الكوعة الاصلى بتاع العربية ومغيرهاش من ساعت ما جبت العربية لانها معملتش معايا مشكلة
الريداتير الاصلى بتاع العربية الفبريكة وزى الفل مفيهوش ولا خرم والميه مش بتنقص وانا مغيرها من 5 شهور
المراوح بتشتغل عادى

المية تتغير فورا لمياه خضرا وياريت كون مياة مركزة وانصحك بالكاسترول علشان المية العادية و المقطرة بتعمل صدأ الدورة بتعوز 3 كلجم و التزويد مستقبلا بيكون بالمية الخضرا المخففة اللى هو الجركن ب 20 جنية

ثرموستات الكوعة ياريت حد يفكة ويشوفة لو كان قافشو لو فية مشكلة يتغير هو ب 30 جنية

لو بعد كل دة مازالت درجة الحرارة لسة بتزيد يبقى امرك لله هتضطر تكشف على جوان وش السلندر يكون صدى و اتقطع و بيهرب على دورة المية

[truss]

بما ان المشكلة ظهرت مع التكييف:
١- هل المروحة بتشتغل على السرعة العالية و بترجع تانى للسرعة البطيئة ولا ايه نظامها ؟
٢- انت عملت شغل فى التكييف قريب ؟

[zendo]

المروحة شغالة كويس وكنت شاحن التكييف من 3 شهور وكانت عادى وانا كلمت الميكانيكى النهارده وقالى المؤشر بيخرف لان استحالة العربية تسخن وترجع لدرجة حرارتها الطبيعية بسرعة ده كلامة

[moko_2004]

المروحة شغالة كويس وكنت شاحن التكييف من 3 شهور وكانت عادى وانا كلمت الميكانيكى النهارده وقالى المؤشر بيخرف لان استحالة العربية تسخن وترجع لدرجة حرارتها الطبيعية بسرعة ده كلامة

لا بتحصل لما يكون فية عيب في الفتيس مثلا و تكون المية موجودة في دورة الريديتر
الحرارة لما تطلع و مبتنزلش دى تكون المياة نقصت و اختفت من الدورة كلها بسبب تسريب او مشكلة في دورة المية

[Mido Casper]

ممكن يكون الخرطوم بتاع الميه و دا عادي والحقه بسرعه افضل :)

[truss]

المروحة شغالة كويس وكنت شاحن التكييف من 3 شهور وكانت عادى وانا كلمت الميكانيكى النهارده وقالى المؤشر بيخرف لان استحالة العربية تسخن وترجع لدرجة حرارتها الطبيعية بسرعة ده كلامة

بما ان كل حاجة تمام (مفيش تسريب، المراوح شغالة)
احتمال (احتمال) يكون العداد فعلا بيخرف.