هل لودهنت السيارة بالكامل ده يعيبها (خصوصا لو رشيت السقف)

[hfarouk]

هل لودهنت السيارة بالكامل ده يعيبها (خصوصا لو رشيت السقف)

[Sherif Khalifa]

اة طبعا
التجار بيتلكيكو على اى حاجة ذى دية
انا مرة شفت واحد خسف بتمن عربية الارض عشان ال اية صحبها رش اعدت البطرية علشان باظت من مية النار فا كدة بئت رشة دواخل !!

و بينى و بينك اى حد فينا و هوا بيشترى هيتلكك بردة على اى حاجة :lol:

[mohamed ismail]

والله يا جماعة انا شايف ان احنا شعب بيتلكك علي اي حاجة
يعني لازم اسيب العربية تعفن علشان ام اجي ابيعها تبقي مش راشة دواخل
واحد زميلي اشتري عربيه
فيها برومة ورفرف مهري وسعرها كان غالي لما سالته قالي بس ايه؟
مش رشة خالص
مهي جايالك انته بقي علشان ترشها

[hazem_khidr]

لو العربيه موديل حديث طبعا يعيبها انها تكون راشه من الخارج يعني مثلا مش حروح انهارده اشتري عربيه موديل 2004 ملا و تكون راشه يبقي اكيد في حاجه غريبه و لو موديل 2000 كمان ايه اللي يخليها تر علي الاقل تكون راشه جوانب بس(متحزمه زي ما بيقولو في السوق)انما ايه اللي يخلي عربيه موديل حديث ترش.
اه انا لو جاي اشتري عربيه موديل 95 او 94 عادي انها تكون راشه بره كلها
الخلاصه
1.عربيه موديل من 2003 لحد انهارده ما تشتريها الا لو كانت فابريكه بالكامل او واخده خبطه في باب او رفرف حاجه بسيطه يعني
2.من موديل 97 مثلا لحد 2002 ممكن تكون راشه جوانب لكن السقف و الشنطه و الكبود فابريكه
3.اقل من موديل 97 عادي انها تكون راشه بره
4.عربيه راشه دواخل لالالالالالالالالالالالالالالالالا و مليون لا العربيه اللي راشه دواخل مالهاش اماااااااااااااااااااان

[Karim_Monir]

انا كان معايا اكسيل 96 خضراء ولونها اكلح من الشمس
رشتها كلها اسكينز نزل من تمنها 5 الالاف جنية
عن ما كنت سيبتها
يعني خسرت 3 الالاف حق الرش و5 من تمنها
وانا لو بشتر عمري ما اشتري اقل من موديل 2000 رشة سقف ابدا
انا ساكن جنب الحرفيين وبشوف بيتعمل ايه في العربيات
وشوفت كرولا 2006 مقلوبة ومتغيرلها سقف ونص امامي ومش ممكن تعرف الا لو فكيت الفرش الداخلي او سمكري استاذ
عشان كدة ببعد عن اي عربية رشة سقف او قوايم
اما لو رشة دواخل ممكن اقبلها في 128-بيجو قديم -حاجة مويلات 80

[hazem_khidr]

انا كان معايا اكسيل 96 خضراء ولونها اكلح من الشمس
رشتها كلها اسكينز نزل من تمنها 5 الالاف جنية
عن ما كنت سيبتها
يعني خسرت 3 الالاف حق الرش و5 من تمنها
وانا لو بشتر عمري ما اشتري اقل من موديل 2000 رشة سقف ابدا
انا ساكن جنب الحرفيين وبشوف بيتعمل ايه في العربيات
وشوفت كرولا 2006 مقلوبة ومتغيرلها سقف ونص امامي ومش ممكن تعرف الا لو فكيت الفرش الداخلي او سمكري استاذ
عشان كدة ببعد عن اي عربية رشة سقف او قوايم
اما لو رشة دواخل ممكن اقبلها في 128-بيجو قديم -حاجة مويلات 80

فعلا معاك حق يا باشمهندس المودديلات القديمه زي ال 128 و ال 132 اوك علشان بتبقي الرفارف بتاعها لحام مش مسامير ف لما بتتشال ف بكده بيقولو عليها سقطط رفارف و بكده تكون رشت انما البيجو و ال 131 مثلا بتبقي رفارفها مسامير ف بالتالي الرفرف بيتشال و يركب من غير لحام ف مش بيضطر انه يرش.يعني لو فابريكه حتبقي حلوه فعلا .
انا بشوف عربيات فيات موديلات سبعينات لحد انهارده دواخلها سليمه و بيجو برضه لسه زيرو من جوه .
احلي عربيه شفتها و مش قادر انساها عربيه اوبل ريكورد موديل 71 تفتح الكبود بتاعها تحس انها لسه خارجه من المصنع من يومين!!البويه نضيفه جدا جدا و الموتور مش عليه لا زيت ولا تراب فعلا اندهشت من حالتها و كانت علي الطريق ناعمه بطريقه غريبه لدرجه اني فكرت اني اشتريها علشان نضافتها بس

[Karim_Monir]

انا كان معايا اكسيل 96 خضراء ولونها اكلح من الشمس
رشتها كلها اسكينز نزل من تمنها 5 الالاف جنية
عن ما كنت سيبتها
يعني خسرت 3 الالاف حق الرش و5 من تمنها
وانا لو بشتر عمري ما اشتري اقل من موديل 2000 رشة سقف ابدا
انا ساكن جنب الحرفيين وبشوف بيتعمل ايه في العربيات
وشوفت كرولا 2006 مقلوبة ومتغيرلها سقف ونص امامي ومش ممكن تعرف الا لو فكيت الفرش الداخلي او سمكري استاذ
عشان كدة ببعد عن اي عربية رشة سقف او قوايم
اما لو رشة دواخل ممكن اقبلها في 128-بيجو قديم -حاجة مويلات 80

احلي عربيه شفتها و مش قادر انساها عربيه اوبل ريكورد موديل 71 تفتح الكبود بتاعها تحس انها لسه خارجه من المصنع من يومين!!البويه نضيفه جدا جدا و الموتور مش عليه لا زيت ولا تراب فعلا اندهشت من حالتها و كانت علي الطريق ناعمه بطريقه غريبه لدرجه اني فكرت اني اشتريها علشان نضافتها بس

ها ها ها
وتخرب بيتك في البنزين وقطع الغيار ده لو لقيت
خاصة انها 2000 سي سي
بس انا لما ركبتها لقيت ثباتها خرافي
فعلا الناس لما بتحافظ علي عربياتها بتجيب حقها واكتر
انا الكرولا موديل 80 اللي كانت مع ناس معرفتي وبيبعها كانت خرافية
اول يد نضيفة موووت
لما سوقتها كان معايا الاكسيل جبت بيها 140 علي كوبري اكتوبر ثبات خرافي وعزل ضوضاء وهمي احلي من الاكسيل موديل ال 96 وناعمة جدا في المطبات
اصله كان محافظ عليها جدا
بس ربنا يكفينا شر الحوادث المفاجأة واخطاء الغير

[احمدعبدالعزيز]

والله يا جماعة انا شايف ان احنا شعب بيتلكك علي اي حاجة
يعني لازم اسيب العربية تعفن علشان ام اجي ابيعها تبقي مش راشة دواخل
واحد زميلي اشتري عربيه
فيها برومة ورفرف مهري وسعرها كان غالي لما سالته قالي بس ايه؟
مش رشة خالص
مهي جايالك انته بقي علشان ترشها

[Michael_Lanos]

انا شارى العربيه اغلى ب 2500 علشان موديل 99 ومارشتش دواخل ولا خوارج

[saifsaadmohamed]

انا شايف ان رش الخوارج مش عيب فى العربية لانى بحب النضافة مش تبقى العربية زفت من برة و فرحان بيها عشان مرشتش
طيب مانا هارشها كده كده
و الله اعلم

[ahmedezzat78]

لو ناوى تركبها كام سنه رشها و استمتع بشكل جميل

لو ناوى تبيع سيبها عشان المشترى يصدق انها مش عامله حوادث

[msobhy]

انا رشيت العربية بتاعتى والسقف كمان بسبب انها اكلحت وعملت زى بقع بيضاء من كتر المسح وتنظيفها لكن فى النهاية ديه عربيتى ولازم احافظ على شكلها - بالاضافة ان فى واحد صاحبى قال كلمة حكمة علشان تركب لازم تخسر / مفيش حاجة ببلاش يعنى ادفع دم قلبى فى العربية علشان انظفها وفى الاخر يقل تمنها

[wesam_salom]

هو ميعيبش العربيه الا وقت البيع
بس صدقنى
ركوب عربيه كويسه تبقى فرحان بيها ومبسوط من شكلها مش ببلاش
يعنى لو مفيش نيه البيع
رشها واركب عربيه كويسه
ووقت البيع ربنا يحلها