بأذن الله حط بنزين 80 لانوس2014

[sameh1982elola]

ان شاء الله ناوى اشترى لانوس 2014 زيرو وحطلها بنزين 80 وده قرار نهائى وان شاء الله ناوى ابيعها بعد 5 سنوات واجدد ......فبالتالى مش ناوى استقر عليها للابد...الاستفسار هنا احط بنزين 80 بعد 5 الاف كيلو وفى الاول احط 92 اثناء فترة التليين والا احط من الاول بنزين 80 ...وفيه ناس بتحط النصف والنصف فرأيكم ايه ؟؟؟؟
وياريت اللى هيجاوبنى يكون عن تجربة سواء تاكسى او ملاكى او كانت العربية مع حد من اصحابه وشاف العيب بعينه او شاف انها تمام بعيمه يعنى مش كلام منتديات .....وقرارى نهائى علشان الظروف المادية وانا جايب العربية مخصوص علشان موضوع بنزين 80 وقطع غيارها رخيصة ومش هسافر بيها ولا محتاج السحب العالى اوى...فى انتظار خبراتكم يا شباب

[ahmedelrayan]

بص يا باشا انا من رأيى ان حضرتك تحط92 فى فترة التلين وبعد كدة حط 80 عادى بس ابقى اغير فلتر البنزين على فترات اقصر وابقى استخدم عبوة منظف الرشاشات بأستمرار

[jojojojo]

حرام تحطلها بنزين 80 بس لو حضرتك مصمم وده باين يبقي تحط صفحية 92 وصفيحة 80

[mr_sese]

حرام تحطلها بنزين 80 بس لو حضرتك مصمم وده باين يبقي تحط صفحية 92 وصفيحة 80

لو حطيت 80 هاتحس انك راكب كراكة او جرار زراعى

[hlluk]

هات شاهين مو ديل 2010 ولا 2011 اوفر وارخص بكتير من الزيرو وحط 80 براحتك وركبلها تكييف

[ENG.MaRk]

مش قادر عليها ماتشتريهاش أصلا

[waelelsayed]

لانوس 2007

السلام عليكم عيد سعيد انا معايا لانوس 2007 من سنه 2010 وثابت على بنزين 80 كل الموضوع انك تظبط فيشه الاوكتان وده موجود على المنتدى انا بعمل التالى تغيير فلتر بنزين كل 5000 ك وتنظيف البوابه بالاسبراى المخصص لكده الفرق الملاحظ طبعا او العيوب انك عدد نقلات الغيار فى السرعه القليله او الزحمه هتبقى زياده شويه من الاول والتانى وطبعا السحب هيقل مع استخدام التكييف انا شايف ان كل ده عادى جدا ومش مشكله بس فرق الفلوس كبير بين 80و92 على الفكره العربيه شغاله تمام الحمد لله وفى السرعه جميله اوى وكل قطع غيارها متوفره سعرها معقول جدا وفكك من اللى بيقولك اركب شاهين اوعربيه موديل قديم اما بالنسبه للتليين امشى بيها 5000ك على بنزين 92 وبعد كده غير ل80 على فكره انا عربيتى ماشيه 260000ك وبعمل كل الكلام السابق بنفسى يارب اكون افدتك ولو عايز اى حاجه عن الانوس موجوده على المنتدى المحترم او ابعتلى رساله

[kantofanto]

هو مكتوب فى الكتالوج بتاع السيارة ايه ؟؟؟؟

[sameh1982elola]

الف شكر يا استاذ وليد والف شكر لكل الاعضاء

[eslam atia]

ركب غاز وريح دماغك
وكل شهر هتفولك تفويلة 92

[أمجد هووز]

.

فيه مره واحد رجع البيت قال لمراته تعرفي كنت ها جيب للعيال لبشه قصب وانا جاي
ردت وقالت له ليه بس يابو سعيد تغرم نفسك ما احنا عندنا برتقال
قال لها ياوليه خلي العيال يمصوا ..!!!!

..

...

[kantofanto]

طيب مسش ده بياثر على الماتور على المدى الطويل و يقصر عمره و لا لا؟؟ حد يفهمنى ياجماعة ؟؟؟

[ahmedabutaleb]

ياباشا انت كده بتوفر دلوقتى بس قدام هتدفع كل اللى انت وفرته فنصيحة ملهاش لازمه وخليك فى 92

[modyegypt]

.

فيه مره واحد رجع البيت قال لمراته تعرفي كنت ها جيب للعيال لبشه قصب وانا جاي
ردت وقالت له ليه بس يابو سعيد تغرم نفسك ما احنا عندنا برتقال
قال لها ياوليه خلي العيال يمصوا ..!!!!

..

...

ايه علاقة دة بالموضوع ..؟

[sameh1982elola]

انا كلمت سواق تاكسى بقاله 4 سنين بنزين 80 وقالى بظبط البوجيه وقالى على خاجة تانية بينظفها دوريا واقسم لى ان الدنيا ماشية مغاه تمام..وسألته الميكانيكى بيبص فى عربيتك قالى ايوه وبيأكدلى ان مفيهاش اى عيب وموضع البوجيه والتنظيف بسائل تنظيف الرشاش دوريا محافظ على الماتور.....وعلى فكرة انا مش ناوى اخلى العربية 15 سنة ....ان شاء الله ربنا يوسعها اكتر ماديا واجيب فى المستقبل حاجة اعلى