فلتر زيت

[elpasha1]

كل سنة وانتم طيبين وعيد سعيد عليكم
في عندي مشكله في السن اللي بيركب فية فلتر الزيت وبالتالي الفلتر بيتربط بصعوبة جدا وخايف انه مع الوقت يفوت
هل السن دا بيتباع وبكام واجيبة جديد ولا اسيراد افضل
شكرا

[أً با تا ثا جح]

-
-
وحضرتك طيب....

اولا اشكر حضرتك تشريفك لي في موضوع تايلاند

ثانيا : مشكله السن بتاع فلتر الزيت مشكله شائعه الصنايعي اللي بيركب الفلتر
ساعات بيقرط عليه جامد ومع السخونه المعدن بتاع الفلتر بيعشق جامد في السن
ويجي صانيعي غشيم يفك الفلتر فا بدل ما يحاول سنه سنه بالجنزير المخصص لفك
الفلتر يقعد يدق عليه ويجيب مفتاح انجليزي ويحله وطبعا السن بيبوظ
انا اسمع ان الجزء الي فيه سن الفلتر ممكن يتخرط ...

ثالثا : بالنسبه لصوره محمود شكوكو الفنان الجميل... انا كان لي الحظ اني اشوفه علي
المسرح في اواخر ايامه وانا كنت طفل كان بيجي حفلات بتتعمل في مسرح
البالون كل يوم ثلاثاء وكان يجي يقول منولوجاته الشهيره وفاصل الاراجوز اللي كان
كان موهوب فيها .. وكان الله يرحمه معروف عنه انه ابن نكته وقفشاته حاضره وسريعه
واذكر له واقعه طريفه له

كان والدي واخدنا نحضر حفله و كان شكوكو له نمره فيها
معروف ان شكوكو اهلاوي متعصب جدا بس مش زي تعصب اليومين دول
وكان فيه فريق درجه تانيه بيلعب في الكاس اسمه فريق البلاستيك وكان اغلب لعيبته
من بتوع الكره الشراب الحريفه
المهم كان فيه لعيب من البلاستيك اسمه حمكشه جاب جون في اكرامي وطلع
الاهلي من الكاس
فا لما شكوكو كان بيقول النكت علي المسرح واحد من المتفرجين الزملكاويه
حب يغيظ شكوكو فا قال بصوت عالي يا حمكشه
رد عليه شكوكو وقال له اصلهم ما حمكشي
ده كان اقصي خروج علي النص ومن مين من شكوكو ملك النكت والقفشات
الله يرحم الفنان الجميل شكوكو ويرحم زمن فن العمالقه دول
وكل سنه وانت طيب يا باشا

..
..

[elpasha1]

للتذكرة

[elpasha1]

اية يا جماعة محدش عارف السن بتاع فلتر الزيت بيتباع ولالا

[elpasha1]

هو العيد اثر على الناس ولا اية
74 مشاهدة ومحدش عارف السن بيتباع جديدولااستيراد

[waley]

ماتخلى خراط يبص عليه افضل وهو هايقولك الصح

[MMamdouh]

انا معرفش بيتباع جديد ولا لا بس اكيد هتلاقية موجود فى اى مكنة استيراد او خلع او حتى مكسرة عند اى ميكانيكى

MMamdouh