استفسار بخصوص النوبيرا

[mrexpert]

السلام عليكم ورحمه الله وبركاته انا ان شاء الله ناوي اشتري عربيه فى حدود 50 الف و في الاخر رسيت على اختيارين نوبيرا 2 و اوبل استرا 2003-2004 و محتار جدا اللي المشكله فى النوبيرا ان مفهاش اى كماليات عكس الاوبل و كمان اوتوماتيك بس برده النوبيرا قطع غيارها رخصيه واى حد يشاغل فيها يا ريت تساعدوني اختار هي حتبقي عربيه شغل حنقل فيها حاجات خفيفه و عايزها موفره وتستحمل يا ريت تقلولي رأيكم بكل حياديه ورينجات اسعار العربيتين دول وشكرا

[أمجد هووز]

أ
النوبيرا فيها
1- ازاز كهربا
2- وسنترلووك
3- وتكييف
4- وكراسي متحركه لتعديل وضع الجلوس
5- ومسند فخم في الكنبه اللي ورا
6-وعداد ار بي ام
7-وكاسيت ومكان تاني لاضافه مشغل سي دي ومنبه
8-ومسند لعدد 2 كوبايه سحلب
9-ومفتاح ريموت كهربا
10 وجهاز انذار
11 ساعه كوارتز
12- فتح الشنطه وتنك البنزين من الداخل
13 لوك حمايه للاطفال في الابواب

ايه بقي الكماليات اللي انت عايزها ومش موجوده في النوبيرا علشان نكلمهملك
حضرتك متاكد اني اللي شوفتها كانت نوبيرا ؟؟؟

[zendo]

النوبيرا فيها كل الكماليات دى الناس بتجيبها علشان ثباتها وكماليتها

[mrexpert]

فرامل abs و اير باج وامبوليزر كل دا موجود فى اوبل استرا وكمان اوتوماتيك وطبعا النوبيرا الاتوماتيك مشاكلها كتير

[ahmad--ezzat]

أ
النوبيرا فيها
1- ازاز كهربا
2- وسنترلووك
3- وتكييف وساعه
4- وكراسي متحركه لتعديل وضع الجلوس
5- ومسند فخم في الكنبه اللي ورا
6-وعداد ار بي ام
7-وكاسيت ومكان تاني لاضافه مشغل سي دي ومنبه
8-ومسند لعدد 2 كوبايه سحلب
9-ومفتاح ريموت كهربا
10 وجهاز انذار

ايه بقي الكماليات اللي انت عايزها ومش موجوده في النوبيرا علشان نكلمهملك
حضرتك متاكد اني اللي شوفتها كانت نوبيرا ؟؟؟

اضف الي ذلك مرايات كهرباء ونور عند المرايا وسخانات زجاج ولو اوروبي هتلاقي ايرباج وحجات تانيه زي ال abs


اي كماليات تانيه هات سينروين c4 بقي

[mrexpert]

طيب بعيدا عن كماليات النوبيرا ترشحولى النوبيرا و لا الاسترا

[أمجد هووز]

طيب بعيدا عن كماليات النوبيرا ترشحولى النوبيرا و لا الاسترا

لا بقي مش ها نعدي الكماليات .. انت مش داخل علي لامواخذه ناس ...
لا ده في ناس هنا صاحيه وما بتفوتش النمله

انت الاول ببتقول النوبيرا مافيهاش اي كماليات والناس هنا عدت لك 15 كاماليه
دا انا حتي عديت 13 ونسيت المرايات الكهربا والصديق احمد عزت هو اللي فكرني
نوبيرا مين بقي اللي ما فيهاش كماليت خالص
ما هو يا شوت النوبيرا وعارفها يا مشفتهاش خالص
قول sorry الاول وبعدين نعديهالك ماشي ؟

[mrexpert]

يا باشا انا فعلا غلط لما قلت مفهاش كماليات بس انا قصدي ان الاوبل بتتفوق عليها في الكماليات
ولا يهمك يا باشا انا اسف لو يريحك :d

[أمجد هووز]

ماشي ياعم mrexpert
تنزل المره دي... علشان انت بس صديق جديد... بس يكون في معلومك المره اللي جايه
مش ها تنزل تاني ابدا ههههه

بص احنا عندنا النوبيرا العاده والوتوماتيك ... لو ربنا اكرمك في واحده بيتي ومن واحد نضيف
لو راعيتها مش ها تروح لميكانيكي ابدا عيبها الوحيد انها غول بنزين في وسط البلد
العشرين لتر يعملوا 100 كيلو بالمسطره
وماتصدقش اللي يقول لك بعمل جوه البلد 200 و250 كيلو
انما علي السريع ما بتسحبش بنزين خالص موفره جدا
وعلي فكره النوبيرات عندي من الزيرو علشان ما حدش يقول عيب في المكنه يعني موضوع
ال100 كيلو في الصفيحه جوه البلد والعربيه من الاجنس
غير كده عربيه كويسه اهم حاجه تخلي بالك من المطبات علشان العفشه
وربنا يوفققك

[zendo]

النوبيرا الاستيراد سواء كورى او اوروبى فيها كل الكماليات بلا استثناء دور على النوبيرا 2 اوروبى وارد المانيا وفتيس الاستيراد مالوش مشاكل ومعمر بيبقى فتيس كهربا زى العربيات الحديثة بالنسبة للاوبل عربية محترمة بس موديل الاسترا ده هيدوخك على قطع الغيار ولو حصل فيها عطل قليل اللى بيفهم فى الاوبل غير كده هى عربية محترمة وعلى فكرة انا كان معايا اوبل قبل النوبيرا لازم علشان تجيب اوبل لازم تكون بحالة الزيرو لاالا بقى هتفعد تغنى ظلموة

[mrexpert]

طب حد يقدر يقلي معدل استهلاكها للبنزين مقارنه بالعربيات ال 1600 و ايه اخبار العفشه اسمع انها عامله مشاكل

[MMamdouh]

النوبيرا مشكلتها حاجتين... جلب مقصات و رشاشات

الرشاشات بيركب مكانها رشاشات BMW و شكرا على كدة... جلب المقصات مفيش حل جذرى ليها حتى الان

MMamdouh

[Eng.Geo]

النوبيرا مشكلتها حاجتين... جلب مقصات و رشاشات

الرشاشات بيركب مكانها رشاشات bmw و شكرا على كدة... جلب المقصات مفيش حل جذرى ليها حتى الان

mmamdouh

المقصات الأسباني سنتين فحت وردم ماشتكتش

[MMamdouh]

معايا واحد فى الشغل مركبهم و بعد 6 شهور باظوا... علما بانة مركب مستعدين مونرو و شغالين معاه زى الفل

واضح انها ماشية عكس عكاس معاك يا جورج

MMamdouh