استفسار عاجل

[amir2014]

انا اشتريت لانوس 2013 عامله 23000 كم مكان عربيتي اللي عملت حادثه اللي كنت مشير صورها كانت شيفروليه لانوس 2009
المهم العربيه اكنت بتحدف روحت فضيت العجل ومليته نيتروجين ورصصت عند واحد مع ان اشرفكو اللي في السادس قالي العجل مش هينفع يترصص لانه في عالي و واطي ومش حلو المهم رصصت وظبطت زوايا بدلت العجل اللي قدام ورا بس لسه بتحدف
كده لازم اغير الكاوتش؟
وانا كنت مركب في القديمه مقاس 14 185/60 بس كنت حاسس العربيه تقلت ده صح
ثانبا
ايه المفروض يتغير مع 30000 لان اللي اشتريتها منه مراحش التوكيل الا في 3000 بس
ثالثا
في صوت عالي مع تشغيل التكييف بالذات لو كسرت الدركسيون شمال ع الاخر
واسف ع الاطاله

[mo7eb elrasol]

طبعا لازم الكاوتش يتغير طالما فيه عالى وواطى
الكاوتش والفرامل مفيش فيهم هزار

[hardmind_doc]

مبروك على العربية الجديدة وربنا يحفظهالك
انا اقدر افيدك بالنسبة للكاوتش فى المقاس ده انا لسه مغير امبارح من توكيل كومهمو اربع فرد
kumho ecsta spt ku31 ده تقريبا احسن حاجة فى كومهو بتنزل مصر نقشة رياضية ومريح برضو
وكان عامل 400 بالتركيب
ولازم فى اقرب فرصة تغيره علشان العالى والواطى ده خطر جدا
انا الكاوتش اللى غيرته فرقع منى لولا ستر ربنا انى كنت طالع مطلع وكنت فى حتة زحمة كانت بقت كارثة
فى المقاش ده جى تى اندونيسى وكومهو فيتنامى اللى هو kh17 و مارشال كورى و بريدجستون يابانى وتايلندى
الرينج معاك من 380 لحد 700 ودى اغلى حاجة اللى هى bridgestone turanza gt90 يابانى
بالتوفيق واى استفسار انا فى الخدمة