مشكلة محيرانى فى الفرامل

[ahmedabady2005]

السلام عليكم
حاسس ان الفرامل بقت ضعيفة و استجابتها بطيئة اكتر من الاول (لانوس 2 اوتوماتيك) مع العلم ان التيل الامامى كويس و الخلفى و الطنابير لسه مغيرهم (لنفس السبب) و ما مشيوش 5 الاف كيلو
النهاردة بتاع الفرامل قالى حرجلشها و اسحب منها هوا و هو بيسحب منها هوا قوة كبس الزيت فى الناحية شمال امامى كويسة و مظبوطه نفس قوة الدفع مع كل ضغطه لكن الناحية اليمين ضعيفة لازم يقعد يكرك 20 مرة عشان تطلع سرسوب زيت ضعيف و صغير (هو ما سحبش هوا من الخلفى فماشفتش دفع الزيت)
بتاع الفرامل بيقولى ماستر عمومى انا بصراحة مش عايز اجيب ماستر غير اما اتأكد لانه خلانى قبل كدا اغير طنابير و تيول خلفية بدون اى تحسن يذكر فى اداء الفرامل
الى كمان محيرنى ان الفرامل قوتها ثابته يعنى هى ضعيفة على طول مش بتقل و تتحسن و تقل تانى (الشكوى التقليدية اما الماستر بيفوت)
ولو الموضوع طلع ماستر فعلا هل فى مجال اجيب ماستر تيوانى ب 250 جنية و لا لازم الجى ام الى ب 600 جنية ؟
ياريت الافادة من اعضاء المنتدى المحترمين و شكرا

[gassarian]

متابع

[ahmedabady2005]

يا جماعة رايكم ايه فى الموضوع ده ؟

[MMamdouh]

دة غالبا انسداد فى خط الزيت اللى رايح للعجلة دى... الماستر ميعملش كدة

MMamdouh

[tefa22m]

شوف خرطوم الفرامل بتاع العجله اليمين
و حلى بالك لو مسمار سحب الهواء مسدود يعمل كده برضو

[lutenit030]

ممكن يبقى الخرطوم

[mikalos]

اخى العزيز انا معايا نوبيرا 1 و المشكلة قائمة عندى فى ضعف الفرامل و الكل قالى هات ماستر جديد استيراد يعنى المهم فى حالة انسداد احد مخارج الزيت من العجل لازم تعمل الاتى :
1- اغلق كلعصافير فتحات الزيت كويس .
2- افتح عصفورة الزيت للعجلة اللى مسدودة و كارك من جوة الفرامل بقوة .
لو الزيت نزل كويس يبقى اتحلت و لو محصلش لازم تفك الخرطوم و تكارك فرامل لو الزيت نزل من الماسورة جامد يبقى خط المواسير سليم و الخرطوم عايز يتغير لو غير كدة يبقى لازم تغير الماسورة كلها .