استفسار لحل مشكلة الكلاب وسقف السيارة مجننانى

[attyasat]

استفسار لحل مشكلة الكلاب وسقف السيارة مجننانى


العربية نوبيره الكلاب بهدلت السقف من النوم والتنطيت علية فى الجراج وكل مارفعة يعندونى ويطبقوة تانى


المشكلة ان فية اماكن مش بتترفع والباقى معطعط بطلت اغطيها وحطيت فردة كوتش على السقف


وفية سمكرى قال ممكن نفك السقف ونردة بس هيسخن ودة يبقى هارش والعربية مارشتش من قبل

وسؤالى افك فرش السقف اذاى ولو امكن فيديو وهل هناك طريقة للاستعدال السقف بدون فكرة السمكرى

ولكم الشكر وبالنسبة للسقف حتت بسيطة ومش ملحوظة هية المطبقة لااكن معقدانى

[ARKOON]

kill all the dogs :)

[محمد يوسف]

غرق الغطا شطة سودانى ونشادر

[attyasat]

شكرا للردود

[waga]

في الايام السوده دي انا من وجهه نظري نوم الكلاب علي السقف حمايه للعربيه
احسن بعد الشر تصحي متلاقيهاش....

من رايي سيب السقف زي ما هو بس اذا الموضوع معقدك زي ما بتقول
ظبط عربيتك ورشها خمسين مره ولا حد له عندك حاجه وكله بيتباع
وسيبك من العقد اللي يقولك رشه واللي يقولك ولا قلم بويه فيها
انا ارش عربيتي واصلحها زي مانا عايز ...
عغندنا في العماره عربيه نوبيرا نوفي بتاعه واحد بيشتغل في السعوديه
بيجي يركبها شهر في السنه ... الصيف اللي فات ياعيني ميكروباص دخل في
البابين الشمال قدام وورا بتوع السواق واللي وراه البابين ادمروا بس الحمد الله
القايم سليم
راح اشترا بابين ايستراد بس حالتهم كويسه ورشهم لون العربيه بس بتاع الدوكو اسطي
ماتفرقهمش عن الاصلي بعد الدهان مستحيل حد يقول دول مش بتوع العربيه الاصليين
ا العربيه دي انا ممكن اخدها وبسعرها... المعقد بس اللي يقول رشه وسعرها يقل
العربيه فبريقه كلها بره وجوه ما مشيتش انا ادفع فيها اعلي سعر

[popahly]

اضم صوتى لصوتك ياريت حد يقولنا طريقة فك فرش السقف ازاى

[elpasha1]

روح لسروجي احسن
هو عارف هيعمل اية

[S O P H O S]

غرق الغطا شطة سودانى ونشادر

اتصدق يا باشا فكرة
بفكر اجرب

[الاسد المهاجر]

الكلاب بنت الكلاب سيبالي ذكرة في السقف

[lutenit030]

اما ولاد كلب صحيح

[mohamed abass]

السلام عليكم ورحمة الله وبركاتة
انا ايضا عربيتى نوبيرة وكان عندى نفس مشكلتك ان الكلاب كانت بطلع فوق السقف بردة فى الجراج بس انا لاقيت عربيات كتير جنبى جايبين سبت اللى بيتحط فية الفاكهة وحطينة فوق سقف العريبة قولت اجربة وجت سبتين وحطتهم واحد فوق السقف والتانى على الشنطة عشان مافيش كلاب تطلع فوق وفعلا بعد منها مافيش كلاب بقت بتطلع وشكرا

[محمد يوسف]

السلام عليكم ورحمة الله وبركاتة
انا ايضا عربيتى نوبيرة وكان عندى نفس مشكلتك ان الكلاب كانت بطلع فوق السقف بردة فى الجراج بس انا لاقيت عربيات كتير جنبى جايبين سبت اللى بيتحط فية الفاكهة وحطينة فوق سقف العريبة قولت اجربة وجت سبتين وحطتهم واحد فوق السقف والتانى على الشنطة عشان مافيش كلاب تطلع فوق وفعلا بعد منها مافيش كلاب بقت بتطلع وشكرا

أول مرة أسمع عن حكاية السبت دى.... ودى ايه نظريتها ؟ يعنى الكلاب حاتخاف ليه من السبت مثلا؟

وللأسف ده حل ماينفعش للى بيركن فى الشارع طبعا