بمشي حوالي 6 الي 7 الاف كيلو سنويا استخدم زيت ايه؟

[lutenit030]

السلام عليكم

انا عربيتي موديل 2000. لانوس 2 عامله 75000 و بمشي في السنه بمعدل 6000- 70000. كنت ناوي احط زيت تخليقي علي اساس انه بيحافظ علي الموتور اكتر و كده و بعدين عرفت ان. الزيت ليه صلاحيه سنه او 10000 ايهما اقرب فدلوقتي محتار اني احط زيت 50000 ولا 10000؟ انتوا ايه رايكم؟؟

[Adnfalcon]

الزيت التخليقي بيحتفظ بخواصه لحد 15000 كم أو سنه فالموتور ايهما أقرب وبالنسبه لعربيتك ممكن تخليك فالأمان وتحط تخليقي او تحط نصف تخليقي ودا ارخص والاختيارين صح فوجهه نظري واللي ترتاحله نفسيا اعمله

[DODGE2013]

بتمشي 7000 بس كل سنه ماشاء الله انا في السنه بعمل 30 -35 الف كيلو d: وسنه من السنين زمااان ايام الكليه واللف والدوران قفلت 43 الف كيلو في سنه واحده

بالنسبه لموضوع الزيت طالما بتمشي 7000 كيلو بس في السنه

يبقى انا رايك خليك في ال 5000 كيلو وابقى غيره مرتين في السنه

[MOODEE_848]

متابع

[lutenit030]

انا عارف ان زيت ال 5000 اوقع بالنسبالي طبعا و لكن انا بسال عشان كان عندي اعتقاد ان زيت ال 10000. بيحافظ علي المكنه افضل من زيت ال 5000. حتي لو تم تغير كل منهم في. ميعاده
الكلام ده مظبوط ولا ايه؟

[MMamdouh]

عندى نفس الحالة فى عربية الوالد رحمة الله و بقيت بستعمل معدنى توفيرا للنفقات

MMamdouh

[lutenit030]

يعني التخليقي مش بيحافظ علي الموتور. اكتر من المعدني حتى. لو. غيرهم في معادهم؟

[Sameh samy]

التخليقي افضل لو حالة الموتور سليمة

[MMamdouh]

التخليقى افضل طبعا... بس احنا هنا بنتكلم فى ناحية اقتصادية بحتة

MMamdouh

[S O P H O S]

ممكن حل وسط تستخدم نصف تخليقي
زي castrol magnetic

[lutenit030]

و ده موجود في مصر؟ و سعره كام و بيمشي قد ايه؟

[S O P H O S]

و ده موجود في مصر؟ و سعره كام و بيمشي قد ايه؟

موجودة يا باشا وليه فروع السعر 250 جنيه تقريبا
اهم شئ تجيبه من مصدر موثوق ويكون انتاج حديث
عموما انا هغير فخلال ايام ان شاء الله وناوي عليه
شوف التقيم ده ليه http://www.nilemotors.net/Nile/427296-sir.html
وده تقيم تاني بس للاعلي منه http://www.nilemotors.net/Nile/428121-a.html
واي سؤال اتفضل ..

[lutenit030]

متشكر جدا يا باشا اللينكات فادتني اوي و ابتديت اقتنع بالكاسترول بعد ما كنت حجيب فيسيكو
المهم دلوقتي يفرق ايه النص تخليقي. عن التخليقي بالكامل؟ مش التخلقيقي 10000 برضو طيب ايه الفرق؟

معلش. طيب ممكن تقولي ايه هي انواع كاسترول و الفروق ما بينهم

[S O P H O S]

متشكر جدا يا باشا اللينكات فادتني اوي و ابتديت اقتنع بالكاسترول بعد ما كنت حجيب فيسيكو
المهم دلوقتي يفرق ايه النص تخليقي. عن التخليقي بالكامل؟ مش التخلقيقي 10000 برضو طيب ايه الفرق؟

معلش. طيب ممكن تقولي ايه هي انواع كاسترول و الفروق ما بينهم

سامحني يا باشا عالتأخير فالرد
بص حضرتك سواء ال EDGE او الماجنتيك 2 ممتازين
وفي ال gtx وده معدني مستبعد
فرأي الماتور الكويس الماشي كتير شوية استخدم الماجنتيك
الايدج تخليقي وهيبقي افضل لو من الزيرو انما احنا نستخدم الخيار التاني
وعموما انا شايف ان كويس يتغير 7000 مش 10 بس ممكن المسافة تزيد حسب الاستخدام
يعني الماتور كويس ومفيش مشاكل فالزيت كمستوي او لزوجة ممكن تكمل بيه شوية كمان
الزيت ده مش جديد ده بي ام واودي وميني وسيات وغيرهم recommend كاسترول
تقريبا عربية حضرتك ماشية 60 الف فرأي تجرب الماجنتيك
وده رابط بالارقام ربما يفيد حضرتك Castrol Arabia : Egypt
وان شاء الله اول ما اشتري الزيت سواء من الموزع او بنزينة هبقي اطمن حضرتك واقولك الي حصل
كلامي مجرد رأي فالنهاية
تحياتي ليك ..

[lutenit030]

المكان الوحيد المناسب هو
مركز زيوت الاسكندرية
Tel.: 033303491


اسمهما شركه الموافي للزيوت
موجود نمرته في الموقع اللي حضرتك بعتهولي بس بكلمه بيقولي احنا بنبيعه بس مش التوكيل احنا توكيل موبيل
بس غالبا حشتري منهم لان ده المكان الوحيد المناسب بالنسبالي بالنسبه للمواعيد