افيدونا افادكم الله بالنسبه لتكيف الانوس

[kinbergo29]

انا لسه مشتري لانوس ٢٠٠٢ من شهر كده وواخده علي عيب التكيف الي مش عارفين مشكلته ايه المهم رحت شارع دمشق عند عشم نوار قلي الكباس بايظ الي هوه كومبرسر وده الاصلي ب١٨٠٠ جنيه وفي مشكلة في التوصيلات وغالبا هتكلفك ٢٥٠٠ قلي اشتغل قلتله فكك مني المهم قعدت اخد وادي معاه منجيب استيراد قلي مش هيعيش معاك قلتله غاليه جداا ولو كده مش هصلح التكيف المهم كلمت واحد صاحبي عنده محل في الحرفين وحكتله هوه مش شغال في الانوس سألي وقلي الكباس ده ب ٦٠٠ جنيه استيراد وفكك من عشم نوار ده حرامي انا دلوقتي اعمل اركب الاستيراد ده ولا مش هيعيش

[hateeem]

الكباس الاستيراد فعلا بـيتراوح 550 : 600 وبيبقى كويس بس خلى صنايعى كويس يجيبهولك

او حاول اللى تشتريه منه تقوله انك هاتجربه مثلا يديك عليه كام يوم تغيروا فيه لو طلع بايظ

والاهم من ده كله تلاقى صنايعى نضيف يعمل الشغل ده

[kinbergo29]

شكرااا

[aelmohamady]

هى المشكلة فى الاستيراد انه انت ونصيبك والمشكلة انك مابتعرفش هو كويس ولا وحش الا بعد مابتركب وتشحن وبالتالى هاتغرم مصنعية وثمن شحن الفريون انا رايي الشخصى انك تجيب للكمبروسر بتاعك طقم اصلاح مش هايكلفك كتير ولو باظ بعد كده مش هاتكون غرمت كتيربس نصيحة سواء جيبت كمبروسر او صلحت اللى عندك تروح لواحد يكون بيشحن بالكمبيوتر مش يدوى علشان يحطلك كمية فريون مظبوطة وكمية زيت مظبوطة لا للاسف كل اللى بيشتغلوا يدوى بيحطوا زيت بالفهلوة وده السبب الرئيسي لبوظان الكمبروسر تانى حاجة لازم تغير الفلتر و المكثف علشان بيبقى فيهم رايش من الكمبروسر القديم فايبوظولك الشغل اللى اتعمل

Sent from my samsung GT-I9152 using Forum Runner

[emad6610]

يعني ايه يشحن كمبيوتر؟ و يا ريت اسم حد يكون مضمون و ثقة

[aelmohamady]

جهاز بيتوصل بالعربية وبتختار ماركة العربية والموديل وهو بيعمل فاكيوم وينضف الدايرة ويتاكد ان مافيش تسريب وبعدين يحط الفريون وبعدين الزيت من غير تدخل العامل البشرى انا من اسكندرية فامش هاقد افيدك فى المكان

Sent from my samsung GT-I9152 using Forum Runner

[shur3000]

الصراحة تكيف اﻻنوس زفت اشحنة يبقى زى الفل لمدة اسبوع بعدها يرجع صعيف فحت نفسى فى حد كويس فى المنصورة

[shur3000]

هات اﻻستيراد وامرك لله وسيبك نن اللى انت رحتله ﻻن شكله مش وﻻ بود

[Eng.Geo]

http://www.nilemotors.net/Nile/420289-a.html

جرب ده وهتدعيلي
ناس كتير راحوله من هنا في المنتدي وأكدوا علي امانته وانه بيفهم جدا
انا جايب من عنده كباس جديد ب 1500
خد بالك فعلا الأستيراد بتاع الكباسات في الدايو لازمله في الغالب طقم اصلاح .... انا اشتريت دماغي وجبت جديد
انا ممكن اوريك 3 كباسات عندي استيراد وكلهم محتاجين اصلاح واللي منهم محتاج بلية عشان خشنة

[ahmad--ezzat]

عشم نوار يعني النصب والتحوير وعنده شويه صنايعيه عايزين الاعدام رميا بالبوازيك

[kinbergo29]

http://www.nilemotors.net/nile/420289-a.html

جرب ده وهتدعيلي
ناس كتير راحوله من هنا في المنتدي وأكدوا علي امانته وانه بيفهم جدا
انا جايب من عنده كباس جديد ب 1500
خد بالك فعلا الأستيراد بتاع الكباسات في الدايو لازمله في الغالب طقم اصلاح .... انا اشتريت دماغي وجبت جديد
انا ممكن اوريك 3 كباسات عندي استيراد وكلهم محتاجين اصلاح واللي منهم محتاج بلية عشان خشنة

شكرا يا باشاا
بس انا ليه واحد صاحبي في الحرفين زي مقلت لحضراتكم ممكن يخدم في واحد استيراد يكون حالته حلوه ربنا يسهل

[dedi]

جرب طقم اصلاح موش هايكلف واهو بردة كباسك الاصلى
لو مانفعش هات استيراد وربنا يستر ويطلع كويس بس اشترية تحت التجربة

[Abo Yasso]

السلام عليكم
بص يا باشا
طالما ليك واحد صاحبك شغال فى الاستيراد خليه يظبطك مع حد هناك بس يكون معاك بنفسه ويفهم الراجل انك صاحبه مش شغل وتتفق معاه ان الكباس على التجربه ويطول باله معاك شويه وتروح لصانيعى وتخليه يكبس ويجرب كذا مره قبل الشحن
نصيحه منى استنى بقى شهر ونص كده او اكتر لما الحر يعدى عشان تعمل الحاجه بمزاج سواء عند قطع الغيار او عند بتاع التكيف وكمان التكلفه هتقل 100 جنيه مثلا
لو ربنا كرمك وعطرت على حد بتاع استيراد محترم احسن 100 مره من كباس جديد صينى (ده رائى ) والله اعلم
ابعد عن عشم نوار تماما
ممكن تروح لمطراوى ده قدام قسم مصر الجديده بس ده زحمه السنين (عشان كده يفضل تروحله بعد شهر ونص)
ربنا معاك وطمنا عملت ايه ومتنسناش لما تخلص ان شاء الله عشان اخواتك يستفيدوا منك