أرجو دخوول الأخوة و خاصة MMamdouh

[SABRY1]

امتلك سيارة دايو لانوس موديل 2000
اشتريت السيارة من واحد معرفة و ركبتها علي طووول يعني لم أعمل أي صيانة و قد لاحظت الأتي:
1. السيارة أستهلاك البنزين مرتفع رغم أني بموون بنزين 92
2. السيارة ممكن تغيب مرة أو مرتين في الدوارة بمعني أنك تلف المفتاح في الكونتاكت و العربية ما تدورش لمدة مرتين متتالتين ....بعدها تدور ....و طول اليوم تدور عادي.
3. في مرة دواسة البنزين هربت...بمعني أنها كانت ضعيفة جدا جدا ...و في طريقي للميكانيكي ....الدواسة رجعت شديدة زي الأول و بتمسك كويس ...طبعا لم أذهب للميكانيكي.
4. صووت الماتور تحس أنه عالي شوية و بعدين بيهدي مع العربية لما تسخن.

من فضلكوا اللي يدخل يساعدني ...يكلمني عن تجربة بلاش يبقي في 100 رأي علشان ملفش حولين نفسي.

[waga]

نساعدك في ايه ؟؟؟؟ هو فين الموضوع ؟؟
العربيه عادي كل اللي عنده الدايو ممكن الدواره تاخر وبعدين تدور عادي
الفكره انه انت عندك وسواس العربيه المستعمله الجديده وكلنا تقريبا بيقبي عندنا الشك
في الاول ياتري صاحب العربيه باعها ليه؟؟.. وياتري ايه اللي كان قرفه فيها ؟؟
والوسواس ده باين في موضوع دواسه البنزين.. وصوت الماتور اللي عالي في الاول
وبعدين يبقي كويس
انا شايف العربيه مافيهاش حاجه
بس كله يخش .....وهاتولي محمد ممدوح .. احنا افتكرنا فيه حاجه عايزه لجنه
ياراجل اشكر ربنا انه ما طلعلكش فيها حاجه جامده .. وربنا يسترها معاك ويكفيك شرها

[ahmad--ezzat]

انت عايز تراجع رشاشات الانجكشن لان دي سبب تاخير الدواره وطبعا دي مش حاجه طبيعيه انها تاخر الدواره

بالنسبه لصوت الموتور ....انت عملت صيانه للعربيه ولا لا !!!

موضوع الاكسلتير خلي الميكانيكي يراجع عليه

وعربيتك مفهاش حاجه ان شاء الله

[SABRY1]

المهندس أحمد عزت ...اشكرك علي ردك المهذب ....في الحقيقة لمبة الcheck منورة عندي تقريبا دايما و إن كنت مش متأكد إذا كان دايما و لا لآ ...لا لم أقم بعمل أي صيانة للسيارة حتي الأن
اسف كنت اقصد دواسة الفرامل و ليس البنزين .....معني أنها كانت ضعيفة جدا جدا ...و في طريقي للميكانيكي ....الدواسة رجعت شديدة زي الأول و بتمسك كويس ...طبعا لم أذهب للميكانيكي
أكثر ما يقلقني هو استهلك البنزين .......اشعر إن معدله مرتفع للغاية ....طبعا معنديش امكانية مشوار بعيد و طريق سريع علشان اقيس استهلاك البنزين ...هل يمكن إن عمل اسكان يبين اذا كان هناك مشكلة بالرشاشات أم لا؟ بمعني ما هي درجة موثوقية عمل اسكان للسيارة؟

[gazzar91]

المهندس أحمد عزت ...اشكرك علي ردك المهذب ....في الحقيقة لمبة الcheck منورة عندي تقريبا دايما و إن كنت مش متأكد إذا كان دايما و لا لآ ...لا لم أقم بعمل أي صيانة للسيارة حتي الأن
اسف كنت اقصد دواسة الفرامل و ليس البنزين .....معني أنها كانت ضعيفة جدا جدا ...و في طريقي للميكانيكي ....الدواسة رجعت شديدة زي الأول و بتمسك كويس ...طبعا لم أذهب للميكانيكي
أكثر ما يقلقني هو استهلك البنزين .......اشعر إن معدله مرتفع للغاية ....طبعا معنديش امكانية مشوار بعيد و طريق سريع علشان اقيس استهلاك البنزين ...هل يمكن إن عمل اسكان يبين اذا كان هناك مشكلة بالرشاشات أم لا؟ بمعني ما هي درجة موثوقية عمل اسكان للسيارة؟

أخي الكريم
لمبة ال check....... اعمل سكان
دواسة الفرامل بتهرب...... في الغالب ماستر عمومي
استهلاك البنزين و غياب الدوارة....... نعمل سكان الأول و الله المستعان

[mhi00002000]

اولا مبروك على السيارة - انا راكب لانوس 1 99 المهم
1- لمبة ال check نورت مرة او على طول لازم تروح تحط العربية على اسكانر للكشف على الحساسات ومعرفة سبب العطل نورت يبقى انتا عنك خلل لازم تعرفو
2- تأخيرالدوراة فى موديلاتنا بتبقى من رشاشات ودة عيب فى كل اللانوس القديم
3- الصوت العالى دة لو مقبول ولما بتسخن وفى المشى ناعمة يبقى طبيعى ان شاء الله(متنساش انك راكب مكنة مشيت 14 سنة)
4- استهلاك البنزين بقى هيبقى متعلق بكذا حاجة يعنى مثلا ممكن يكون لمبة ال check بتنور لان حساس ما فية مشكلة ممكن يكون الحساس دة نفسو هوا سبب الاستهلاك العالى (حساس الشكمان مثلا)
5- موضوع دواسة الفرامل خلى حد يشيكلك عليها وان شاء الله تكون بسيطة بس متهملهاش لانها سلامتك.

يبقى خطواتك كالاتى :
فلتر بنزين-فلتر هوا-بوجيهات ngk- فلتر زيت مع تغيير الزيت لزيت مناسب - طقم رشاشات اكسنت استيراد
هتركبهوم وتطلع على الكهربائى وتعمل اسكانر للعربية وتعرف النتيجة اية وتابعنا وان شاء الله خير.

[SABRY1]

الأخ الفاضل mhi00002000
اشكرك جزيلا علي ردك الكريم
كل اللي قولته مفهوم إلا شيئ واحد موضوع الرشاشات
لنفترض ان الرشاشات بايظه .....هل اشتري رشاشات أكسنت إستيراد و لا أشتري BMW M40
أيهما أفضل في توفير البنزين و سحب السيارة؟
هل السيارة فعلا اسمها كده BMW M40 يعني لو رحت لواحد بتاع قطع غيار استيراد BMW و قولتله رشاشات سيارة M40 هيعرف و لا في أنواع من ال M40
مرة أخري شكرا لك

[lutenit030]

قوله عايز رشاشات m40. 1600 cc

[mhi00002000]

الأخ الفاضل mhi00002000
اشكرك جزيلا علي ردك الكريم
كل اللي قولته مفهوم إلا شيئ واحد موضوع الرشاشات
لنفترض ان الرشاشات بايظه .....هل اشتري رشاشات أكسنت إستيراد و لا أشتري bmw m40
أيهما أفضل في توفير البنزين و سحب السيارة؟
هل السيارة فعلا اسمها كده bmw m40 يعني لو رحت لواحد بتاع قطع غيار استيراد bmw و قولتله رشاشات سيارة m40 هيعرف و لا في أنواع من ال m40
مرة أخري شكرا لك

رشاشات ال bmw بتشتغل عادى
ورشاشات الاكسنت هتشتغل عادى برضو

بس لو عاوز نصيحتى انزل مكان يكون بيبيع استيراد نضيف ودور على رشاشات تكون بتاعت الاكسنت 2001-2002 - اللى احنا بنسميها فى مصر فيرنا 1500 - دى رشاشات رفيعة بس ليها نفس الفيشة بتاعتنا وتكنولوجيا تصنيعا احدث من التخينة بتاعت الاكسنت القديم واحدث كمان من بتاعت ال bmw اهم حاجة يكونو على مسطرة واحدة ويسلام لو توديهوم الترا سونيك يتنضفو يبقى انتا كدة عشرة على عشرة - دى صورتها وممكن تبقى لونها لبنى عادى يعنى:


- لو ملاقيتهاش هات رشاشات الاكسنت ال 1500 التقليدية التخينة:

[SABRY1]

أخ الفاضل mhi00002000
مشكور كتير علي ردودك الهامة " برجاء الاجابة علي هذه الأسئلة
1. الرشاشات اللي في السيارة دايو لانوس موديل 2000 من النوع التخين اللي بيبوظ بسرعة....صح؟
2. هل انت تقصد إني أشتري رشاشات تكون بتاعت الاكسنت 2001-2002؟ لماذا هذا الموديل بالذات؟
3. هل ممكن أشتري رشاشات لموديل أحدث لنفس السيارة الأكسنت..و ليكن 2005 مثلا؟
4. هو أنا لازم أشتري المسطرة معاهم؟ و لا ممكن الرشاشات فقط؟
5. هل ممكن رشاشات رفيعة ذي بتاع الأكسنت 2001-2002 تركب مكان رشاشات تخينة ذي اللي في دايو لانوس 2000 بدون مشاكل؟
6. اخيرا اهم سؤال..بأمانة هل حضرتك جربتهم في سيارتك؟ هل بيوفروا في البنزين؟
برجاء استمرار التواصل للاهمية

[mhi00002000]

أخ الفاضل mhi00002000
مشكور كتير علي ردودك الهامة " برجاء الاجابة علي هذه الأسئلة
1. الرشاشات اللي في السيارة دايو لانوس موديل 2000 من النوع التخين اللي بيبوظ بسرعة....صح؟
صح ودة مش عيب فى عربيتك حتى لو اشتريت الرشاشات دى زيرو برضو هيبوظ بسرعة
2. هل انت تقصد إني أشتري رشاشات تكون بتاعت الاكسنت 2001-2002؟ لماذا هذا الموديل بالذات؟
عشان الموديل دة موتورة 1500 sohc واحد كامة ودى تقريبا مواصفات موتورنا بالاضافه ان رشاشاتة بتركب على الفيشة اللى فى الضفيرة عندك ومقاوة الرشاش ومعدل بخ البنزين ينفع مع اللانوس
3. هل ممكن أشتري رشاشات لموديل أحدث لنفس السيارة الأكسنت..و ليكن 2005 مثلا؟
لأ مينفعش لأن الفيش هتكون مختلفة دة غير قياسات الرشاش كمان
4. هو أنا لازم أشتري المسطرة معاهم؟ و لا ممكن الرشاشات فقط؟
لأ المسطرة مش هتركب عندك اصلا هو الهدف منها ان الاربع رشاشات يكونو اخوات - لكن ممكن تسيبها لبتاع الاستيراد لو هيحسب عليك تمنها
5. هل ممكن رشاشات رفيعة ذي بتاع الأكسنت 2001-2002 تركب مكان رشاشات تخينة ذي اللي في دايو لانوس 2000 بدون مشاكل؟
ايوة ينفع عادى لأن بوز كل رشاش بيدخل شحط مكان القديم والفيش بتركب عادى جدا من غير ادنى مشكلة
6. اخيرا اهم سؤال..بأمانة هل حضرتك جربتهم في سيارتك؟ هل بيوفروا في البنزين؟
برجاء استمرار التواصل للاهمية

تم تجربة رشاش الاكسنت القديم وشغال كويس
وتم تجربة رشاش ال bmw وشغال كويس
تم تجربة رشاشات الشيفرولية افيو وبرضو شغالة كويس
بالنسبة للنوع الرفيع بتاع الفيرنا 1500 جربو صديق لى لست انا ولكنة بيشكر فية قياساتو متناسبة معانا تقريبا هى هى النوع القديم بس زى ما قولتلك تصميمة احدث

بالنسبة لموضوع توفير البنزين بالتأكيد الرشاشات اللى سبق ذكرها كلها مش هتاكل بنزين(ادام كانت سليمة) لأن كنترول العربية بيتحكم فى زمن الفتح والقفل وبالتالى بيبخ البنزين اللى لازم للمكنة - اهم حاجة يكون الرشاش سليم ومش بيسيل عشان هيهدر البنزين ويأخر الدوارة ويهبب البوجيهات(زى الرشاشات الاصلية المعيبة)

[MMamdouh]

1. السيارة أستهلاك البنزين مرتفع رغم أني بموون بنزين 92

حسبت الاستهلاك ازاى؟

2. السيارة ممكن تغيب مرة أو مرتين في الدوارة بمعني أنك تلف المفتاح في الكونتاكت و العربية ما تدورش لمدة مرتين متتالتين ....بعدها تدور ....و طول اليوم تدور عادي.

.

رشاشات... هات طقم بتاع BMW M40

3. في مرة دواسة البنزين هربت...بمعني أنها كانت ضعيفة جدا جدا ...و في طريقي للميكانيكي ....الدواسة رجعت شديدة زي الأول و بتمسك كويس ...طبعا لم أذهب للميكانيكي.

معرفش دة ايه... لو العيب اتكرر روح للميكانيكى

4. صووت الماتور تحس أنه عالي شوية و بعدين بيهدي مع العربية لما تسخن.

عادى

MMamdouh

[MMamdouh]

في الحقيقة لمبة الcheck منورة عندي تقريبا دايما و إن كنت مش متأكد إذا كان دايما و لا لآ

لازم تحط العربية على سكانر عشان تعرف اللمبة منورة ليه

...لا لم أقم بعمل أي صيانة للسيارة حتي الأن

كدة غلط.... أ ب شراء عربية مستعملة انك تعملها صيانة

اسف كنت اقصد دواسة الفرامل و ليس البنزين .....معني أنها كانت ضعيفة جدا جدا ...و في طريقي للميكانيكي ....الدواسة رجعت شديدة زي الأول و بتمسك كويس ...طبعا لم أذهب للميكانيكي

دى مصيبة... روح للميكانيكى حالا... الفرامل مش هزار

أكثر ما يقلقني هو استهلك البنزين .......اشعر إن معدله مرتفع للغاية

مشكلة الفرامل اخطر... ركز فى الاخطر و بعد كدة نشوف حوار الاستهلاك... اصلا انت بعد ما تغير الرشاشات و تعمل الصيانة هتلاقيها مضبوطة

طبعا معنديش امكانية مشوار بعيد و طريق سريع علشان اقيس استهلاك البنزين

كدة يبقى انت متعرفش العربية بتستهلك قد ايه بنزين اصلا فا متشغلش بالك بالموضوع دة خالص الا لما تجرب على طريق سريع

هل يمكن إن عمل اسكان يبين اذا كان هناك مشكلة بالرشاشات أم لا؟ بمعني ما هي درجة موثوقية عمل اسكان للسيارة؟

عيب الرشاشات بيبان فى الغياب فى الدوارة... السكان هيطمنك على حالة الحساسات كلها و هيقولك لمبة التشك منورة ليه

MMamdouh