ايه سبب سخونية العربيه مع تشغيل التكييف

[karimbow1]

السلام عليكم يا جماعه من يومين كده لاقيت امبير الحراره بيرفع وكنت مشغل التكييف بقالي شويه طفيت التكييف ولما العربيه بردت بصيت عالميه لاقيتها كويسه النهارده الموضوع اتكرر تاني ، في حد عنده فكره السخونيه دي ليه
في حاجه كمان عايز اقول عليها من فتره كنت نضفت التكييف والتلاجه من بعدها لما كنت بشغل التكييف كان عداد البنزين بيعلى لفوق وبيعدي التدريج بتاعه بيس امبير الحراره مكانش بيتأثر
ياريت يا جماعه تفيدوني اروح للكهربائي ولا لبتاع الردياتير

[lutenit030]

شوف المراوح عندك شغاله بشكل طبيعي ولا لأ و اتاكد انهم شغالين علي السرعتين

[karimbow1]

معلش ايه هما السرعتين وهل ممكن اعرف انا الموضوع ده ولا لازم اروح لكهربائي

[waga]

حرام تشغيل التكييف في مصر جو البلد التكييف اصلا معمول في دول الالعربيه بتجري في مسافات طوالي
بس احنا هنا غاويين انتكه ولو عرفنا تكييف العربيه بيشتغل ازي ها نقفله خالص بس تقول لمين

[karimbow1]

حرام تشغيل التكييف في مصر جو البلد التكييف اصلا معمول في دول الالعربيه بتجري في مسافات طوالي
بس احنا هنا غاويين انتكه ولو عرفنا تكييف العربيه بيشتغل ازي ها نقفله خالص بس تقول لمين

معلش انا سائل السؤال ده للناس اللي غاويين انتكه زيي فياريت توفر على نفسك الرد وتسيب الناس في امراضها النفسيه وتخليك في حالك

[waga]

معلش انا سائل السؤال ده للناس اللي غاويين انتكه زيي فياريت توفر على نفسك الرد وتسيب الناس في امراضها النفسيه وتخليك في حالك

صديقي عذرا انا مش قصدي الومك ولا اتهكم عليك لسمح الله ولا اوجه لك الكلام
انا كاني بتكلم مع نفسي عن المشاكل اللي بيعملها التكييف في العربيات واحنا هنا جو مصر معتدل ورغم كده احنا جميعا ومش انت لوحدك بنشغل تكييف العربيه رغم انه بيبرجل العربيه وبيقصر عمرها

اما عن معني كلمه انتكه في القاموس :
كلمة عامية ، وربما تكون لاتينية الأصل ،
1- وتعني الزينة والأبهة ،
2- ويقال : فلان انتيكا بمعنى خفيف الدم ، يعني ظريف ،
3-وأحيانا تقال لمن خف عقله .
هذا استعمالنا لها .
ليه انت بقي سبت المعاني 1و2 و اخدت المعني التالت علي نفسك ؟؟؟؟

علي كل حقك علي

[moko_2004]

السربنتينة مكتومة مش بتوصل هوا للرديتير لازم تظفها خارجيا و تعدل الريش المقفول اللى بيقفل مسار الهواء الى الريديتير

[karimbow1]

صديقي عذرا انا مش قصدي الومك ولا اتهكم عليك لسمح الله ولا اوجه لك الكلام
انا كاني بتكلم مع نفسي عن المشاكل اللي بيعملها التكييف في العربيات واحنا هنا جو مصر معتدل ورغم كده احنا جميعا ومش انت لوحدك بنشغل تكييف العربيه رغم انه بيبرجل العربيه وبيقصر عمرها

اما عن معني كلمه انتكه في القاموس :
كلمة عامية ، وربما تكون لاتينية الأصل ،
1- وتعني الزينة والأبهة ،
2- ويقال : فلان انتيكا بمعنى خفيف الدم ، يعني ظريف ،
3-وأحيانا تقال لمن خف عقله .
هذا استعمالنا لها .
ليه انت بقي سبت المعاني 1و2 و اخدت المعني التالت علي نفسك ؟؟؟؟

علي كل حقك علي

لا يا سيدي العفو انا مقصدتش حاجه انا بس مكنتش عايز الموضوع يطلع من المقصود منه عشان الفايده تتم بس دي كل الفكره

[karimbow1]

السربنتينة مكتومة مش بتوصل هوا للرديتير لازم تظفها خارجيا و تعدل الريش المقفول اللى بيقفل مسار الهواء الى الريديتير

شكرا يا باشا بكره هجرب ان شاء الله وشوف قبل ما اروح اصلح

[karimbow1]

المشكله طلعت في الترموستات اللي بين الردياتير والموتور شلته من مكانه بس مش عارف ليه لازمه ولا لا الميكانيكي قالي انه محطوط عشان ظروف الطقس البارد قوي ومش لازم في جو مصر ، عموما هشوف لما الشتا يجي ايه اللي هيحصل

[MMamdouh]

لما الشتا هيجى العربية مش هتعرف تسخنها و لو سخنتها و طلعت على السريع هتبرد... طبعا دة هيبقى معاه استهلاك بنزين عالى و برجة فى الموتور و على المدى الطويل جوان وش السلندر هيتلف من تكرار البرودة و السخونة

MMamdouh

[karimbow1]

لما الشتا هيجى العربية مش هتعرف تسخنها و لو سخنتها و طلعت على السريع هتبرد... طبعا دة هيبقى معاه استهلاك بنزين عالى و برجة فى الموتور و على المدى الطويل جوان وش السلندر هيتلف من تكرار البرودة و السخونة

mmamdouh

طب ايه الحل اجيب الحته دي منين والقديمه دي انضفها ازاي عشان لو اضطريت اركبها

[lutenit030]

قديمه ايه خلاص اشتري الثرموستات الاصلي gm من مكان موثوق فيه و ركبها كانت ب 55 تقريبا

[lutenit030]

و متصدقش كلام الميكانيكيه لانهم حبه جهله فتايين

[karimbow1]

قديمه ايه خلاص اشتري الثرموستات الاصلي gm من مكان موثوق فيه و ركبها كانت ب 55 تقريبا

شكراً ، انا كنت فاكره مش بيتباع جديد عشان كده كنت بسأل