اسعار الجوليت

[strikebaby]

السلام عليكم

ممكن اعرف لو عربية جوليت موديل 2000 حالتها كويسة جدااااا تعمل كام بما يرضى الله

وهل هى اغلى من اللانوس موديل 2000 ؟؟؟؟

[aymanshebl]

متابع

[Abo Yasso]

الجوليت اغلى اعتقد

[star mido]

مافيش رد ولا ايه !!!

[waga]

يا صديقي الجولييت هي عربيه لانوس بس هاتش باك... برضه لزوم الانتكه لا اكثر ولا غير
حضرتك بتقول موديل 2000 وحالتها كويسه .. المهم الماتور مشي اد ايه .. بص علي حوض العربيه شوف ملعوب فيه ولا لا . شوف فيه تسريب زيت ولا لا .. سيبك من تفاهه رشه حزام ولا رشه رفرف ان كانت عامله لغايه 150 الف كيلو بيتي يعني وحاله الحوض كويسه تساوي من 40 -42 الف

[Mahmoud.Fathy]

الجوليت المحترمة تعدي ال 46 الف .... 40 ل 42 دي جوليت مش محترمة :) :) :)

[waga]

الجوليت المحترمة تعدي ال 46 الف .... 40 ل 42 دي جوليت مش محترمة :) :) :)

لا انسي يا حاج محمود .. ( مع الاعتذار ويارب ينولهلنا كلنا نحج )

جولييت 2000 ده توبها

[Abo_Mazen]

الجوليت المحترمة تعدي ال 46 الف .... 40 ل 42 دي جوليت مش محترمة :) :) :)

هههههههه...جولييت مش محترمه ..يعني ماشيه كتير ..ولا دايره على حل شعرها ...مع إن جولييت دي مؤدبه من أيام روميو

معلش أنا آسف إن أنا هزرت ..بس القافيه تحكم

[أمجد هووز]

هههههههه...جولييت مش محترمه ..يعني ماشيه كتير ..ولا دايره على حل شعرها ...مع إن جولييت دي مؤدبه من أيام روميو
معلش أنا آسف إن أنا هزرت ..بس القافيه تحكم

ايوه كده ... مساء العنب يا m-m... ياعم اسف علي ايه فكها خلي القسم يحلو
والله فكره نعمل جوه قسم الدايو رابطه للقافيه اللي بتحكم ... واهو احسن من القعاد علي القهاوي في الشارع واهو برضه نتعلم كلمتين يمكن حد فينا يفلح ويفتح ورشه لتصليح الدايو لانوس
انا عضو .. وانت اللي نكشت ها تدخل الرابطه يعني هاتدخل كده 2 ومحمود فتحي شكله
اكيد جاي

[Abo_Mazen]

ايوه كده ... مساء العنب يا m-m... ياعم اسف علي ايه فكها خلي القسم يحلو
والله فكره نعمل جوه قسم الدايو رابطه للقافيه اللي بتحكم ... واهو احسن من القعاد علي القهاوي في الشارع واهو برضه نتعلم كلمتين يمكن حد فينا يفلح ويفتح ورشه لتصليح الدايو لانوس
انا عضو .. وانت اللي نكشت ها تدخل الرابطه يعني هاتدخل كده 2 ومحمود فتحي شكله
اكيد جاي

بس أنا ألتاوي (أقصد يعني من مالكي سوزوكي ألتو) وعضو في رابطة ملاك السوزوكي ألتو اللي أسسها أصلا العضو (عمرو أليكس)... أوباااااااااااا..إنت كده يامعلم بتخطف أعضاء الرابطات التانيه ..بقولك إيه ...هو إنت زملكاوي

[أمجد هووز]

بس أنا ألتاوي (أقصد يعني من مالكي سوزوكي ألتو) وعضو في رابطة ملاك السوزوكي ألتو اللي أسسها أصلا العضو (عمرو أليكس)... أوباااااااااااا..إنت كده يامعلم بتخطف أعضاء الرابطات التانيه ..بقولك إيه ...هو إنت زملكاوي

التاوي ؟؟؟!!! وايه اللي جابك عندنا هنا ؟؟؟ عدو ولا حبيب ؟؟؟؟
فين الهدايا ؟؟ مافيش جركن زيت ... علبه مناديل استيراد ؟ طب طاره نوبيرا بحاله الفبريكه؟؟
ايه ابيض ؟؟؟؟؟؟؟؟؟؟؟؟؟؟
التاوي ؟؟؟ ينهار زي بعضه ... حاجه زي كده ...... (مع الاعتذار لمسرحيه انا فين وانتي فين)
التاوي ؟؟؟؟ وماله ياخويا التاوي التاوي وده من ايه لامواخذه (مع الاعتذار للدكتور شديد)
لا انا مش زمالكاوي انا من غرب (النوباريه) (2) خليجي

[الاسد المهاجر]

الانوس ارخص من الجوليت ليه انا بقي عشان الجوليت شبابي اكتر ايه رائيكم

[Mahmoud.Fathy]

وماله ... اقلشوا براحتكوا يا جدعان :) :) :) بيس يعني :) :) :)

[Abo_Mazen]

التاوي ؟؟؟!!! وايه اللي جابك عندنا هنا ؟؟؟ عدو ولا حبيب ؟؟؟؟
فين الهدايا ؟؟ مافيش جركن زيت ... علبه مناديل استيراد ؟ طب طاره نوبيرا بحاله الفبريكه؟؟
ايه ابيض ؟؟؟؟؟؟؟؟؟؟؟؟؟؟
التاوي ؟؟؟ ينهار زي بعضه ... حاجه زي كده ...... (مع الاعتذار لمسرحيه انا فين وانتي فين)
التاوي ؟؟؟؟ وماله ياخويا التاوي التاوي وده من ايه لامواخذه (مع الاعتذار للدكتور شديد)
لا انا مش زمالكاوي انا من غرب (النوباريه) (2) خليجي

ألتاوي ..يعني فخر الصناعه الهنديه ..عارف الهند ..بتاعة أنا راكن الفيل بره ..أهي الألتو من إنتاج ماروتي ..وماروتي من فخر الصناعه الهنديه ..

[أمجد هووز]

وماله ... اقلشوا براحتكوا يا جدعان :) :) :) بيس يعني :) :) :)

يعني نعتبر ده موافقه منك للانضمام للرابطه ؟؟؟؟؟؟ شكلك كده رجل قدام ورجل ورا
ماتخفش مشرف القسم بيجي الصبح الساعه 12 وشكله راجل جدع و, open mind

علي فكره فيه هنا في قسم الدايو ناس حلوه عندك خالد لانوس صاحب قفشه
و dr سولوم رغم انه طأش معايا بس جدع و انضمامه ها ينجح الرابطه قوي
وكمان هو له ضهر يعني مسنود فا مش ها نتوقف ( والنبي ما تزعل يا dr solom)