الردياتير

[rifaee]

السلام عليكم و رحمة الله و بركاته.

و أنا ماشي بالعربيه لاقيت دخان خارج من عند العجله اليمين امامي
نزلت و شوفت الفرده لاقيتها سليمه ففتحت الكبوت و دورت لاقين العلبه البلاستيك الموجوده في جنب الردياتير
مفلوقه و المياه بتخرج منها بضغط شديد فوقفت لحد لما بردت العربيه وجبت انبوبتين اللاحام و قفلت مكان الكسر و مليت القربه و مشيت بالعربيه و كل شويه اقف ازود القربه لغاية لما روحت و معرفتش اروح لحد بتاع ردياتير لان الوقت كان متأخر
اللي عايز اعرفه هل الردياتير كله بيتغير و لا الجزء ده ممكن يتفك و يركب مكانه علشان محدش يشتغلني فيه
وكمان اللي انا عملته ده يأثر ع الموتور و لا جت سلبمه خصوصا اني قعدت لما وصلت البيت فاتح الكونتكت وسايب المراوح شغاله لحد لما بردت الموتور و شكرا ؟؟؟؟؟؟؟؟

[shoshasam]

العلبه البلاستيك اسمها قربة المياة ودي مهمتها انها تزود الرادياتير
بالمياه لو حصل نقص لا قدر الله
اللي حصل معاك بسبب ان درجة حرارة المياة داخل الرادياتير
وصلت لدرجة الغليان (لسبب ما) وبالتالي المياه جوه القربه
بقيت بتغلي وبتترج جامد جدا لان فيه خرطوم متصل من الرادياتير
الي داخل القربه وفي نهايته انبوبه طويلة لسحب المياه

طبعا فيها خطر علي الموتور لان التبريد مش هايبقي جيد
كل المطلوب منك انك تجيب القربة دي استيراد لنفس موديل عربيتك
وتنضفها كويس قبل التركيب وتحط مياة خضرا

تقريبا والله اعلم سبب ارتفاع درجة حرارة المياه الي الغليان
ان الحرارة كانت عاليه بسبب التكييف مثلا او تسريب
وعداد الحرارة كان عالي وانت ماخدتش بالك

نصيحة مهمة جدا جدا جدا
ماتفتحشي غطا الرادياتير ابدا والماكينة سخنه لان الضغط بالداخل
بيكون عالي فبمجرد فتح الغطا المياه بالداخل هاتنفجر لاعلي وبسرعه عاليه
وممكن لا قدر الله تسبب حروق

[rifaee]

العلبه البلاستيك اسمها قربة المياة ودي مهمتها انها تزود الرادياتير
بالمياه لو حصل نقص لا قدر الله
اللي حصل معاك بسبب ان درجة حرارة المياة داخل الرادياتير
وصلت لدرجة الغليان (لسبب ما) وبالتالي المياه جوه القربه
بقيت بتغلي وبتترج جامد جدا لان فيه خرطوم متصل من الرادياتير
الي داخل القربه وفي نهايته انبوبه طويلة لسحب المياه

طبعا فيها خطر علي الموتور لان التبريد مش هايبقي جيد
كل المطلوب منك انك تجيب القربة دي استيراد لنفس موديل عربيتك
وتنضفها كويس قبل التركيب وتحط مياة خضرا

تقريبا والله اعلم سبب ارتفاع درجة حرارة المياه الي الغليان
ان الحرارة كانت عاليه بسبب التكييف مثلا او تسريب
وعداد الحرارة كان عالي وانت ماخدتش بالك

نصيحة مهمة جدا جدا جدا
ماتفتحشي غطا الرادياتير ابدا والماكينة سخنه لان الضغط بالداخل
بيكون عالي فبمجرد فتح الغطا المياه بالداخل هاتنفجر لاعلي وبسرعه عاليه
وممكن لا قدر الله تسبب حروق
اولا شكرا لحضرتك ع المشاركه بس انا مش بتكلم علي القربه انا بتكلم علي الجنب بتاع الردياتير و ده جزء بلاستيك اللانوس الاتوماتيك فيها جنب سربنتينه الزيت وجنب اخر و هو ظه الجنب التاني من الردياتير

[waga]

صديقي فعلا معاك حق بتوع الدياتيرات بيسموها العلبه .. وحظك حلو وربنا سترها معاك انها الناحيه اليمين دي بتتغير لكن الشمال اللي فيها سربنتينه زيت الوتوماتيك بتتضطر تغير الردياتير كله وده عيب ردياتير الاوتو
بس الاول قول لي الشرخ مساحته اد ايه علشان كان حصل معايا حاجه زي دي في العلبه الشمال المهمه وعالجته ب لحام جامد والدنيا ماشيه كويس لغايه دلوقتي ... اللحام مش اللي بيسموه لحام الحديد الانبوبه البني لا ده حاجه احلي

[Abdallaramadan]

انا غيرت الفبرة اللى تحت قبل كدة
بس بصراحة معرفش اللى فى الجنب بتتغير ولا لأ

[rifaee]

صديقي فعلا معاك حق بتوع الدياتيرات بيسموها العلبه .. وحظك حلو وربنا سترها معاك انها الناحيه اليمين دي بتتغير لكن الشمال اللي فيها سربنتينه زيت الوتوماتيك بتتضطر تغير الردياتير كله وده عيب ردياتير الاوتو
بس الاول قول لي الشرخ مساحته اد ايه علشان كان حصل معايا حاجه زي دي في العلبه الشمال المهمه وعالجته ب لحام جامد والدنيا ماشيه كويس لغايه دلوقتي ... اللحام مش اللي بيسموه لحام الحديد الانبوبه البني لا ده حاجه احلي

انا لسه محددتش حجمه بس ممكن حضرتك تقوللي علي نوع الحام ومنين اجيبه ة حجربه

[rifaee]

متابع

[tameem2010]

فيه حاجة كمان ان العلبه المفروض ان فيها اما خرطوم فايس او صمام ضغط حسب تصميم العربيه
ده بيخرج الابخره لما المياه تغلي
كونك انك لحمت العلبه فده هيخلي لما العربيه تسخن فبخار المياه جوا القربه هيكتر ويزيد وده هيخلي اما القربة تنفجر او خراطيم المياه تضرب لان مفيش تنفيس لبخار المياه
وانصحك بمياه خضراء لان درجه غليانها مرتفعه جدا فمش هتغلي زي المياه العاديه
فيه حاجة كمان ان غليان المياه ده سببه غطاء الراديتر وحش
لان غطا الراديتير المفروض فيه كاوتش وسوسته دول بيضغطوا المياه فدرجة الغليان بتاعتها تزيد متبقاش 90 وبتوصل ل 120 تقريبا فلما الغطا بيبوظ المياه بتغلي اسرع وبالتالى تفقد المياه اسرع وتقلل كفائة تبريدها وتزود الضغط على الخراطيم بتاع التبريد وممكن تضرب
الافضل غير القربه وغطاء الراديتير وحط مياه خضراء ولو استمر الموضوع يبقى لازم فني راديتير لان كده المشكلة هتبقى في الرادتير ممكن يكون مسدود
ملحوظة :- متجيبش الا مياه خضراء موبيل
هي غاليه شوية بس الغالي تمنه فيه لان فيه مياه خضراء مضروبة بتاكل مواسير الراديتير ومواسير التبريد بعد فترة

[MMamdouh]

فبرة الرادياتير بتتغير عادى و مش محتاجة تغيير الردياتير بالكامل

اللحام بالامبوبتين حل مؤقت لحد ما تغير الفبرة لان ضغط المية داخل دورة التبريد هيكسر اللحام و هيحصل تسريب تانى

MMamdouh

[rifaee]

فبرة الرادياتير بتتغير عادى و مش محتاجة تغيير الردياتير بالكامل

اللحام بالامبوبتين حل مؤقت لحد ما تغير الفبرة لان ضغط المية داخل دورة التبريد هيكسر اللحام و هيحصل تسريب تانى

mmamdouh

ألف شكر لحضرتك بس هي بتتجاب جديده ولا استيراد

[waga]

اللحام بالامبوبتين حل مؤقت لحد ما تغير الفبرة لان ضغط المية داخل دورة التبريد هيكسر اللحام و هيحصل تسريب تانى

MMamdouh

لحام الانبوبتين اللي بيستعملوه الصنايعيه اللي بيسموه لحام الحديد اللي لونه داكن ده فعلا بيفك
هو بالصدفه انا اشتريت نوع عباره عن acrylic acid (الأ كريل ) وماده الاكريل دي اللي بيصنع منها
اطقم الاسنان وغيرها اللي بتحتاج درجه حراره عاليه في تصنيعها
المهم بدون الدخول في التفاصيل الانبوبتين اللي انا استعملتهم في فبره الردياتير
الكرتونه عليها حرف A ,B انبوبه زرقاء وانبوبه خضراء مكتوب عليها
************** ** JIAYUAN ****************
وده نوع لما بينشف بيبقي حديد زي خامه فبره الردياتير وبيلزق جامد بالظبط لانه زي ما قلت اكريلك

[rifaee]

لحام الانبوبتين اللي بيستعملوه الصنايعيه اللي بيسموه لحام الحديد اللي لونه داكن ده فعلا بيفك
هو بالصدفه انا اشتريت نوع عباره عن acrylic acid (الأ كريل ) وماده الاكريل دي اللي بيصنع منها
اطقم الاسنان وغيرها اللي بتحتاج درجه حراره عاليه في تصنيعها
المهم بدون الدخول في التفاصيل الانبوبتين اللي انا استعملتهم في فبره الردياتير
الكرتونه عليها حرف A ,B انبوبه زرقاء وانبوبه خضراء مكتوب عليها
************** ** JIAYUAN ****************
وده نوع لما بينشف بيبقي حديد زي خامه فبره الردياتير وبيلزق جامد بالظبط لانه زي ما قلت اكريلك

الف شكر

[MMamdouh]

ألف شكر لحضرتك بس هي بتتجاب جديده ولا استيراد

جديدة

MMamdouh

[rifaee]

جديدة

mmamdouh

الحمد لله انا روحت لورشة ردياتير و غيرت الفبره وكل حاجه بقت تمام
و الف شكر للساده الزملاء

[waga]

الحمد لله انا روحت لورشة ردياتير و غيرت الفبره وكل حاجه بقت تمام
و الف شكر للساده الزملاء

لو سمحت قول لنا اللي حصل بالظبط ركبها ازاي