Tweet
شباب قسمي المفضل سلام عليكم
الحمد لله على كل حال العربيه سير التقسيمه بتعتها فلت و انتم عارفين الباقي طبعا
انا بأمانه كان بايدي اقلل الخسائر لاني العربيه ادتني انذار بحدوث الكارثه وانا عرفت انها الكارثه اللي في دماغي بعينها من مجرد سماع الصوت و الكلام ده مغربيه يوم مرهق في القاهره وانا كنت راجع اسكندريه سمعت التخبيط بعد بوابات اسكندريه لكن للامانه و احقاقا لحقها انا قولت انا مش حقف مهما حصل على الطريق و يحصل اللي يحصل المهم اني متبهدلش وانا كنت تعبان ميت
المهم مشيت عليها براحه و بفضل استجابه الله لدعائي باكمال الستر لحد مدخل ال 21 و العرييه بطلت قدام صف ميكانيكيه هناك بالظبــــــــــــط و طبعا ماحولتش ادورها تاني لاني عارف اللي جرى و نزلت و العربيه بتصفي مايتها من الناحيه الشمال ( الطلمبه ) المهم جبت الميكانيكي لمجرد التأكد و قالي سير التقسيمه فلت و سحبتها لحد البيت و نمت بفضلها وبفضل ربي اولا غير متمرمط على الطرق ..... النوبيرا نعمه اي واللـــــــــــــــــــــــه على الاقل عربيتي ... عربيه غيرها ايا كان نوعها كانت شحورتني
المهم فوت يوم و سحبت معاليها العزيزه صاحبه الاصل والفضل على الميكانيكي بتاعي وبعد فتح الماتور:
10 صباب معوج
طلمبه المايه بنت الو... قفشت فا السير نطر من على تروس الكامات
لكن اكتشفت شئ وان وش السلندر بتاعي مسوس تسوس رهيب ( للي ميعرفش التسوس وهوا ان فتحات مجاري المايه في وس السلندر متاكله من المايه المهببه بتاعه الحنفيه)
بجانب ان بزبوز خرطوم المايه الخارج للمانفول خرج مع الخرطوم ( بايش ومتاكل )
بعد حسابات التكلفه لقيت ان الوش خراطه و ملو التسوس و صبابات و اولسيه و و الخ حيتكلف بتاع 800 جنيه واسمه ملعوب فيه
قررت اجيب واحد استيراد
توجهت على شارع صلاح الدين اشتريت وش سلندر حليته من على مكنه و ربنا راضاني بيه انه ولا كأنه زيرو اول كلمه 1200 و خلص على 900 بس بطلوع الروح
اشتريت باقي الطلبات و طبعا حرمت و جبت الطلمبه الاصليه و لكن استرخصت في السير و البلي لان السير لوحده كان عامل 270 جنيه و البلي 460 جنيه وكل ده GM
جوان وش السلندر ملقتش الاصلي لكن جبت كوري و طبعا جوانات مانافول و فرن شكمان و كوعه اصليه عشان اتكسرت القديمه وهيا خارجه
البضاعه اتكلفت: 1665
مصنعيه : 300
اكراميه للصبيان : 50
اجمالي : 2015
الحمد لله على كل شئ خلصت في يوم واحد و شوفت بعنيا المايه الزباله اللي احنا بنشربها بتعمل ايه في الحديد فما بالكم ببطونا واجسامنا ( العربيه فيها دلوقت مايه عاديه للتجربه فقط و حغيرها لخضرا بكره بأذن الله )
العربيه خدتها لفه على الصحراوي والحمد لله ادأها جميل و ربنا يبارك والتكلفه 2015 ربنا يجعلها بشره خير
صور الفواتير و البضاعه :
سير تقسيمه كونتيننتال الماني :
طلمبه مايه GM :
بليتين الشداد كوري مش اصلي :
جوان وش سلندر كوري مش اصلي :
الحمد لله على كل حال العربيه سير التقسيمه بتعتها فلت و انتم عارفين الباقي طبعا
انا بأمانه كان بايدي اقلل الخسائر لاني العربيه ادتني انذار بحدوث الكارثه وانا عرفت انها الكارثه اللي في دماغي بعينها من مجرد سماع الصوت و الكلام ده مغربيه يوم مرهق في القاهره وانا كنت راجع اسكندريه سمعت التخبيط بعد بوابات اسكندريه لكن للامانه و احقاقا لحقها انا قولت انا مش حقف مهما حصل على الطريق و يحصل اللي يحصل المهم اني متبهدلش وانا كنت تعبان ميت
المهم مشيت عليها براحه و بفضل استجابه الله لدعائي باكمال الستر لحد مدخل ال 21 و العرييه بطلت قدام صف ميكانيكيه هناك بالظبــــــــــــط و طبعا ماحولتش ادورها تاني لاني عارف اللي جرى و نزلت و العربيه بتصفي مايتها من الناحيه الشمال ( الطلمبه ) المهم جبت الميكانيكي لمجرد التأكد و قالي سير التقسيمه فلت و سحبتها لحد البيت و نمت بفضلها وبفضل ربي اولا غير متمرمط على الطرق ..... النوبيرا نعمه اي واللـــــــــــــــــــــــه على الاقل عربيتي ... عربيه غيرها ايا كان نوعها كانت شحورتني
المهم فوت يوم و سحبت معاليها العزيزه صاحبه الاصل والفضل على الميكانيكي بتاعي وبعد فتح الماتور:
10 صباب معوج
طلمبه المايه بنت الو... قفشت فا السير نطر من على تروس الكامات
لكن اكتشفت شئ وان وش السلندر بتاعي مسوس تسوس رهيب ( للي ميعرفش التسوس وهوا ان فتحات مجاري المايه في وس السلندر متاكله من المايه المهببه بتاعه الحنفيه)
بجانب ان بزبوز خرطوم المايه الخارج للمانفول خرج مع الخرطوم ( بايش ومتاكل )
بعد حسابات التكلفه لقيت ان الوش خراطه و ملو التسوس و صبابات و اولسيه و و الخ حيتكلف بتاع 800 جنيه واسمه ملعوب فيه
قررت اجيب واحد استيراد
توجهت على شارع صلاح الدين اشتريت وش سلندر حليته من على مكنه و ربنا راضاني بيه انه ولا كأنه زيرو اول كلمه 1200 و خلص على 900 بس بطلوع الروح
اشتريت باقي الطلبات و طبعا حرمت و جبت الطلمبه الاصليه و لكن استرخصت في السير و البلي لان السير لوحده كان عامل 270 جنيه و البلي 460 جنيه وكل ده GM
جوان وش السلندر ملقتش الاصلي لكن جبت كوري و طبعا جوانات مانافول و فرن شكمان و كوعه اصليه عشان اتكسرت القديمه وهيا خارجه
البضاعه اتكلفت: 1665
مصنعيه : 300
اكراميه للصبيان : 50
اجمالي : 2015
الحمد لله على كل شئ خلصت في يوم واحد و شوفت بعنيا المايه الزباله اللي احنا بنشربها بتعمل ايه في الحديد فما بالكم ببطونا واجسامنا ( العربيه فيها دلوقت مايه عاديه للتجربه فقط و حغيرها لخضرا بكره بأذن الله )
العربيه خدتها لفه على الصحراوي والحمد لله ادأها جميل و ربنا يبارك والتكلفه 2015 ربنا يجعلها بشره خير
صور الفواتير و البضاعه :
سير تقسيمه كونتيننتال الماني :
طلمبه مايه GM :
بليتين الشداد كوري مش اصلي :
جوان وش سلندر كوري مش اصلي :
Comment