فوانيس نوبيرا جداد بالعدسه لل عاوز

[CaptaiN-AhmeD]

السلام عليكم
يارجاله انا لسه جايب اول امبارح يوم الجمعه ١٢/٩
فوانيس معدله بالعدسه بتاعتهم بالفاتوره من الحرفيين
ولسه مطلعوش من الكرتونه جبتهم صيني لاني بصراحه عجبني شكلهم بالعدسه وقولت هي هي هيقعدله سنه على مايصفر مش مهم
وجايبهم من حد محترم جدا الشهاده لله
بعد فصال الجوز ب ٣٧٠ ج
المهم بعد ماجبتهم نصحني واحد صحبي اركب جهاز زينون عالي وواطي ع الاربع لمبات (الفانوس+اللينسات)
الموضوع فعلا كبر ف دماغي واشتريت النهرده فعلا من حوالي اربع ساعات فعلا طقمين نوع محترم وعليه ضمان سنه ونص باللمبات بكل حاجه ب ٨٠٠ ج
ونظرا لضعفه خبرتي في الاضاءه تماماً
قالي الكهربائي المفاجأه ال مكنتش ع بالي انا وزميلي للاسف

...قالي الفانوس كويس ومش هيضايقك اكتر من سنه بس انا لو ركبت زينون دلوقتي جواه مضمنلكش بعد ماتمشي بساعه يسيح

المهم اي الحل قالي مفيش غير ترجعيهم وتجيب الديبو ومش مهم العدسات اوي

ف للاسف انا صعب جدا جدا اروح للراجل ارجعهم ف الحرفيين عشان الشغل ومش بفضي غير من خميس ل سبت
وخايف ارجع ع اخر الاسبوع ميرضاش يرجعهم ولا يبدل بالديبو!

ف لو حد محتاجهم ياجماعه يكلمني الي انا فهمتو من الراجل بالظبط كويسين هالوجين عادي لكن مينفعوش زينون

اذا في حد محتاجهم ع لمب صفرا عادي ياريت يكلمني لان انا قررت خلاص ع الزينون باذن الله
الفوانيس طبعا ع النوبيرا تو فقط
ودا رقمي لل عاوزهم 01111473088

واسف طولت عليكم
والسلام عليكم ورحمه الله وبركاته

[tarek_2005]

مين الكهربائي الفتاي ده
يعني الهالوجين مش هيسيحوهم والزينون هوا الي هيسيحهم
كلام غي منطقي بالمرة والعكس هوا الصحيح
درجة الحرارة المنبعثه من لمبات الهالجون عشر اضعاف درجة الحرارة المنبعثه من الزينون
غير الكهربائي ده وركبهم وعيش الحياة وسيبك منه

[CaptaiN-AhmeD]

مين الكهربائي الفتاي ده
يعني الهالوجين مش هيسيحوهم والزينون هوا الي هيسيحهم
كلام غي منطقي بالمرة والعكس هوا الصحيح
درجة الحرارة المنبعثه من لمبات الهالجون عشر اضعاف درجة الحرارة المنبعثه من الزينون
غير الكهربائي ده وركبهم وعيش الحياة وسيبك منه

بجد يا باشا !!!!! والله اول مره اعرف المعلومه دي

انا اصلي سألت كذا حد ف شارع دمشق بما فيهم المرسي بتاع الكماليات وكذا حد قالي لا هيسخنهم وهيسيحو وبتاع
بجد انت طمنتني جدا وعامه من هنا للخميس هحاول بقي ارجعهم منفعش هتوكل ع الله واعمل بنصيحتك وانا مطمن
ومش مهم ابيعهم طالما مش هيقصروا ف حاجه ع كلامك
فعلا والله الفتي اكتر حاجه ف السوق
والف شكر جدا ليك

[Dr.Solom]

اسمع كلام طارق

[waga]

بجد يا باشا !!!!! والله اول مره اعرف المعلومه دي
بجد انت طمنتني جدا وعامه من هنا للخميس هحاول بقي ارجعهم منفعش هتوكل ع الله واعمل بنصيحتك وانا مطمن

ولما ها تعمل بنصيحته الطقم اللي انت جبته ب 800 جنيه ها تعمل بيه ايه ؟؟؟؟

[CaptaiN-AhmeD]

ولما ها تعمل بنصيحته الطقم اللي انت جبته ب 800 جنيه ها تعمل بيه ايه ؟؟؟؟

بما ان الفوانيس مش هتسيح من السخونه زي م الاخ طارق قال اكيد هركب الزينون عليهم
لاني ف الاصل كنت هرجع الفوانيس ولو منفعش ابدلهم او ابيعهم واجيب الديبو ادور ع نفس الفيشه بقي وبردو اركب عليه الزينون
القصد كدا كدا اكيد هركب زينون ع دول او الفانوس الاصلي

[أمجد هووز]

اسمع كلام طارق

ايوه زي ما الدكتور بيقول: اسمع كلام طارق

[Mohamed_Hamza]

انا مع ابويا نوبيرا 2 كورى و الفوانيس الاصلى بتاعتها حطين زينون فى مكان الرعاش وشغال عادى الفانوس مساحش ولا حاجة بس اهم حاجة الموديول يكون فيه كتاوت او ركب كتاوت عشان الدراع ذات نفسه ميسحش

[tarek_2005]

مين قال ان المديولات محتاجة كتاوت علشان دراع النور ميسحش
الكلام ده مش مظبوط

[Mohamed_Hamza]

الكلام ده اتاكد لى من ناس كتير

[ashouhdy]

اسمع كلام طارق :)

وبالراحة عالناس متعميهاش بالله عليك

[ashouhdy]

اللي انا قلقان منة

ان الفانوسين نفسهم يسيحوا من الشمس ! او الفيش بتاعتهم تبقي درجة عاشرة مش تالتة كمان !

الفانوسين بالعدسات ب 370 ! دة سعرهم الديبو بدون عدسة اغلي


وغالبا اللي عندك مش عدسة ... دة ازاز كريستال و حيخلي الاضاءة وحشة جدااااا

[tarek_2005]

ارفع صور للفانوس كدا

مفيش حوجة لكتاوت لمبات العربيىة الاصلي 55 وات
والمديول 55 وات ليه اركب كتاوت