سبب تكرار اتساخ بوابة المنافولد والايدل

[ehab77]

معايا جوليت مو99 عاملة 130الف كم
فى الاونة الاخير لاحظت تكرار اتساخ البوابة والايدل والبوجيهات
بالرغم من الاتى:
تغيير الزيت فى مواعيده وقبل مواعيده
بنزين 92 من بنزينة كويسة
تغيير البوجيهات ngk كل 10الاف كم فقط
الصيانة فى مواعيده وقبل مواعيده
مفيش نقص زيت (يوجد بدرجه عادية جدا)
وبالرغم من كل ذلك
لازم كل شهر تقريبا اروح للميكانيكى ينظف البوابة والايدل وخلافه
وطبعا الرد الطبيعى بتاع الميكانيكى ان البنزين مش حلو

[akmm]

كل البنزين اللى في البلد مش كويس وعموما جرب بنزين وطنيه ..................

[ehab77]

على فكرة بيبان البنزين لما يكون مش كويس
بتحس ان العربية بتسقف عمال على بطال فى المشى والمطالع
انا فعلا بمون من بنزينة وطنية على الاتوستراد اينعم بيبقى فى تفتيش وطوابير بس منعا للشك

[georgedada82]

الايدل اعتقد مالهوش علاقة بالبنزين ... اللي يبوظ الايدل بنسبة كبيرة فلتر الهوا

[ehab77]

ديما بلاقى عليه وساخه سوداء
ازاى فلتر الهواء متصل بغطا وش التكهات وفى الاخر بيصب فى البوابة عن طريق الخرطوم وفى نفس ذات الوقت الايدل مايتوسخ!!!!!
المفروض والطبيعى انه يتهبب من هواء وبخار الزيت اللى طالع من غطا وش التكهات
معقولة صناع العربية مفكروش فى الحكاية ديه

[mado_xxx]

انا عندى نفس المشكلة دى بالظبط

[lutenit030]

البنزين مش بيعدي لا علي البوابه ولا علي الايدل الميكانيكي ده مبيفهمش خالص او بيشتغلك
اكشف علي فبتر الهواْ يكون فيه قطع مثلا

[amoor89]

فلتر الهوا والعمة هما مفتاح المشكلة راجع عليهم كويس واتأكد ان مفيش قطع فى العمة والخرطوم بتاعها والفلتر لو مغيرتوش بقالك فترة كبيرة غيره وهات الأصلى وحط تحتها 100 خط لان الفلاتر المضروبة تسبب المشكلة بتاعتك

[Mecha]

قواعد صبابات الهوا
وشوف خرطوم نفس الموتور وبلف pcv

[ehab77]

العمة لسه مغيرها لما لقيت شرخ بسيط فيها مع ان الميكانيكى قال انه مش مؤثر
وكان اصلى 75ج بالحساس بتاعه اللى فى النص
الفتر اصلى من ابو الحسن لسه متغير ماكملش 3الاف كم
واضح ان الوساخه بتيجى من غطا وش التاكهات