الحرارة و لمبة الزيت

[moko_2004]

كنت مسافر اسكندرية النهاردة وماشي 160 و 170 و الحياة كانت زبادى في الخلاط
المهم وانا راجع لما وصلت لجمصة لقيت فردة كاوتش نامت قلت مش مشكلة بطلت العربية ونزلت و غيرتها بالاستبن اللى معايا

رجعت لقيت مؤشر الحرارة اعلى من High ونازل تحت موت

اترعبت
نزلت فتحت الكابوت لقيت القربة بتنفس بخار ضعيف جدا قلت لا افتح واشوف و بالراحة فتحت لقيت فية مية و الدنيا لوز العنب
امال فية اية بنت الشعب

المهم دورت و قلت ازود شوية مية احتياطى
و مازال المؤشر مرتفع الارتفاع الغبي مبينزلش
واحد ابن حلال رش مية على الريديتير على ان العربية تهدى شوية طبعا راسها والف سيف و لا يمكن ابدا

قلت همشي بيها كدة بالراحة وامرى لله
العربية لاحظت انها بدأت تضعف في السحب انا بصراحة كنت سايق سوبر سلانسية بطرطوف صباع رجلى الصغير و همسات على لمسات

شوية لقيت لمبة الزيت نورت
زاد الرعب و فاضل على البيت 10 كيلو
وقفت قلت اما امون يمكن تهدى شوية و اجيب زيت وازود يمكن نقص
الزيت مطلعش ناقص و زى الفل و لبست انا تمن الكيلو اللى اشتريتة
و نفس القصة الحرارة في السحاب و الزيت منور
و صلت البيت و دخلتها الجراش و قلت استنى كدة اما اشوف اخرتها اية

حد عندو تفسير للى بيحصل "انا بقول صباع الحرار ة خرف" بس اية علاقة لمبة الزيت؟
للعلم حتى الان العربية مازال فيها مياه خضرا و مفيش نقص مياة ولا تسريب الا بس تبخير بسيط من فايظ المياه اللى شوفتة وانا راجع و مش بالكمية الكبيرة اللى يبقى اسمها تسريب

افتونى اثابكم الله

[aymanshebl]

ممكن طرمبة الزيت فيها مشكلة و مش بتقوم بوظيفتها علشان كده لمبة الزيت نورت و العربية سخنت و ضغط الزيت قل

[J A G U A R]

اكشف على

طرمبه الزيت
فلتر الزيت
ساعه الزيت

[mohamedbook]

ممكن يكون غطاء القربة منفس وانت مش واخد بالك وعشان كده لازم العربية تسخن منك
شيك علية كويس

[gadoo30]

سخونة مية العربية اعتقد ممكن تكون ترموستات الكوعة معلقة

[A.samy]

ترموستات الكوعة معلقة