نور الدايو الضعيف

[emad6610]

_ مشكلة مع نور الدايو الضعيف و رحت للكهربائي نصحني بشراء لمبتين فليبس 200 علي 220
مع تركيب كتاوت فهل الموضوع هيفرق معايا كتير؟!!
- و هل فيه مشكلة ممكن تحصل لدارع النور مثلا او للكهربا عموما في العربية؟؟؟
- الكهربائي قالي اللمبتين و الكتاوت و حل الفانوس و غسلة بالمصناعية ممكن يدخل في حوالي 170 جنيه!!!
- اتوكل علي الله و اغير اللمبتين و لا اطنش ليحصل لا قدر الله حاجة!!

[aymanshebl]

ممكن الفانوس يسيح من شدة الحرارة خلى بالك

[neel]

غير الفيش بفيش سيراميك

وركب كتاوت ولمبتين جامدين :)

لكن لو الفانوس اصفر هتحتاج تحله وتنضفه

ودي ممكن تعمله بنفسك وهتكلفك حوالي 12 جنيه وسيشوار :)

هتشغل سيشوار سخن علي الفانوس عند الحواف وبكدة لحامه هيفك تنضف مكان اللحام كويس

وتجيب معجون ب 2 جنيه وتنضف الباغة من جوا وبرة بالمعجون كويس :)


وتنشفه كويس

بعد كدة هتجيب السليكون وتلزقه علي حواف الفانوس وتركبه :)

ومبروك جددت فانوسك :)

" لو معندكش سخان خلي اي محل بيركب كاربون يحله له بالسيشوار الي عنده :) "

[lutenit030]

لو الفانوس اصفر حتنصفره و بعدين تملعه حيرجع جديد مش لازم تفكه خالص

و ممكن تملاه ميه بصابون و تشطفه و تنشفه مويس،

[lutenit030]

طالما حتركب كتاوت مفيش خوف علي دراع النور
مفيش لمبات 200 220
اعلي حاجه حتلاقيها تنجسرام 100 /140 و ديه حلو جدا ماشاء الله

و فيه لمبات فيليبس اكستريم فيجين مش بتحتاج كتاوت و اسمع انها ممتازه بس مجربتهاش

[neel]

انا مركب لمبات 200 :)

[lutenit030]

انا مركب لمبات 200 :)

200 ايه بالظيط؟؟
200 وات ولا 200 cp

[emad6610]

يعني تنصحوني اعمل الموضوع دة و لا ممكن يكون فيه ضرر؟!!

[i_samy]

بعد إذن صاحب الموضوع .... ممكن أحط سؤالى هنا لعلاقته بالموضوع ؟

[emad6610]

بعد إذن صاحب الموضوع .... ممكن أحط سؤالى هنا لعلاقته بالموضوع ؟

اتفضل

[rifaee]

انا جبت لمبتين فليبس النور بتاعهم +٣٠٪ وفعلا باين الفرق و هما ٥٥/٦٠ سعرهم ١٣٠ جنيه و الفليبس اكستريم بيعملوا زياده في شدة الاضاءه ١٠٠٪ و هما برده ٥٥/٦٠ و سعرهم ٢٥٠ جنيه للمبتين شوف اللي يناسبك منهم بس المهم يكون الفانوس نضيف

[i_samy]

هل هناك لمبات قوية لفوانيس الشبورة بدل ما نجيب زينون ؟
وشكرا لك يا عزيزى

[mohamed sharm]

متابع

[محمد ابو مازن]

انا مغير نور العربية من سنة ونص ل 200 260 علي ما اتذكر ومركب كتاوت والدنيا زي الفل بس عايز اعليها تاني اتوكل علي الله وشوف اقوي لمبة وركبها مع الكتاوت ومفيش حاجة هتسيح ولا حاجة ان شاء الله

[W.eltayeb]

توكل علي الله
أنا عملت نفس اللي انت عايز تعمله دا، وبصراحه النور فرق معايا بنسبة ٣٠٠٪ علي الطريق السريع بالذات في الظلام الدامس علي طرقنا المصرية الرائعه
إذا تحب تعملها مطمن أكتر صلي إستخارة وتوكل علي الله اعملها علي طول لأن النور الأصلي بتاع اللانوس شللللللل بجد

في آمان الله