اريال كهرباء لانوس

[محمد ابراهيم 9]

السادة الاعضاء/
برجاء الافادة عن امكانية توصيل اريال كهرباء لسيارة لانوس 2 على جهاز كاسيت Alpin CDE-100EUB بحيث يتم رفع الاريال اتومواتيكيا مع الراديو فقط .. حيث انه متوصل الان مع الكاسيت بمجرد تشغيله سواء كان كاسيت او راديو .. واريد ان اختصر رفع الاريال اثناء تشغيل الراديو فقط
.... دا رابط الكاسيت http://www.edegypt.com/products/head...alpinermp3.htm

[Abo_Mazen]

والله هو الإريال الكهربا ..وعن تجربه مع عربيات أصدقائي ..سواء لانوس أو فيرنا ..فهو فاشل

[محمد ابراهيم 9]

والله هو الإريال الكهربا ..وعن تجربه مع عربيات أصدقائي ..سواء لانوس أو فيرنا ..فهو فاشل

ههههههههه اية القفلة دى ياباشا بس ... هى الميزة فية انو بيفضل محمى جوة المجرى بتاعة اطول فترة ممكنة عن الاريال العادى

[Abo_Mazen]

ههههههههه اية القفلة دى ياباشا بس ... هى الميزة فية انو بيفضل محمى جوة المجرى بتاعة اطول فترة ممكنة عن الاريال العادى

مش قفله ولا حاجه ..بس أنا ليا واحد صاحبي معاه فيرنا ..كان جايبها بيز لاين ..يعني فاضيه ..وبعدين ركبلها الإريال الكهربا في التوكيل ..لو قلتلك إن الشحم اللي صرفه على الإريال يساوي نص تمن الإريال مش هتصدق ..طبعا هتقولي وهو كان بيعمل إيه بالشحم مع الإريال ..أو إيه اللي جاب الإريال جنب الشحم ..هقولك يا باشا الإريال كان كيف عنده يشحط في المجرى بتاعه وما يطلعش ..وطبعا كانت أشهر شوره أي حد بيشورها عليه حتى في التوكيل ..شحم الإريال ..قعد يشحم في الإريال لغاية الإريال ما بقى عامل زي عمود الكرنك ..إريال لونه إسود مش نيكل

واحد صاحبي تاني كان معاه لانوس ..برضه ركب الإريال الكهربا..بس عند كهربائي عادي ..مش عارف برضه إيه مزاج موتور الإريال يتحرق ..ويغير موتور ..ويتحرق ..لغاية ما خلاص ..بطل يسمع راديوا ..كره الإريال بالراديو ..

دي تجارب ناس معارفي ..هو ده كل الموضوع

[zerox2010]

هو الاريال الكهرباء الجديد احسن ولا الاستيراد ؟

[tarek_2005]

ملهاش حل غير انك تعمل مفتاح خارجي يفصل سلكة كهرباء الكنترول بتاع الاريال

[محمد ابراهيم 9]

ملهاش حل غير انك تعمل مفتاح خارجي يفصل سلكة كهرباء الكنترول بتاع الاريال

لا ياباشا ليها حل عادى جدا .. الماتور بيتوصل الباور بتاعة على باند معين ففيشة الكاسيت الخلفية .. بمجرد الراديو مابيشتغل الباند دا بيوصل كهربا للماتور ويترفع الاريال

[Ahmed-SAMIR]

لا ياباشا ليها حل عادى جدا .. الماتور بيتوصل الباور بتاعة على باند معين ففيشة الكاسيت الخلفية .. بمجرد الراديو مابيشتغل الباند دا بيوصل كهربا للماتور ويترفع الاريال

نظريا ممكن انما التنفيذ عملى اشك انك تقدر توصل للى بتقوله (انا على الاقل بتكلم عن البايونير ) انما لو الالباين فيه الحكاية دى يبقى خير وبركه

[محمد ابراهيم 9]

نظريا ممكن انما التنفيذ عملى اشك انك تقدر توصل للى بتقوله (انا على الاقل بتكلم عن البايونير ) انما لو الالباين فيه الحكاية دى يبقى خير وبركه

ياباشا نظريا وعملى دا اللى شغال دلوقتى فعلا :d
ممكن بس الكاسيت بتاعك هو اللى يكون قديم او مفيهوش الاوبشن دا .. انما الباقى كلو شغال زى مابقولك كدا انا كنت بس عاوز اعرف هى انهى باند فى الفيشة الخلفية للكاسيت

[Ahmed-SAMIR]

ياباشا نظريا وعملى دا اللى شغال دلوقتى فعلا :d
ممكن بس الكاسيت بتاعك هو اللى يكون قديم او مفيهوش الاوبشن دا .. انما الباقى كلو شغال زى مابقولك كدا انا كنت بس عاوز اعرف هى انهى باند فى الفيشة الخلفية للكاسيت

طيب ما ترفعلنا موديل الكاسيت واحنا ندور على المانيوال بتاعه معاك ونوصل لحل ما دمت متأكد (الكاسيت بتاعى فعلا موديل قديم)
صحيح انا معنديش الباين ولا هو سكتى بس ادينا بنتعلم لينا وللزمن

[a7medsh3rawi]

عندى شغال على الكونتاكت واشتريته صينى ب 115 ج وشغال كويس الحمد لله
انما حكاية الكاسيت لازم واحد بيفهم علشان يعمل التوصيله صح

[محمد ابراهيم 9]

عندى شغال على الكونتاكت واشتريته صينى ب 115 ج وشغال كويس الحمد لله
انما حكاية الكاسيت لازم واحد بيفهم علشان يعمل التوصيله صح

للاسف التوصيلة دى كدا من اسوء التوصيلات على الاقل كان وصلو على باور الكاسيت حتى

[محمد ابراهيم 9]

طيب ما ترفعلنا موديل الكاسيت واحنا ندور على المانيوال بتاعه معاك ونوصل لحل ما دمت متأكد (الكاسيت بتاعى فعلا موديل قديم)
صحيح انا معنديش الباين ولا هو سكتى بس ادينا بنتعلم لينا وللزمن

http://www.alpine.com.au/files/current_owners_manuals_2/CDE-100EUB.pdf

دا المانيوال بتاعة ... وبالمرة انا شوفت فى المانوال دا طريقة توصيل ال amplifier هو لية مخرج لوحدو غير مخرج السماعات العادية ... بس انا على الطبيعة موصله على مخرج السماعات العادية.. هل هيفرق الصوت لو ركبتو على المخرج المخصوص بتاعة؟

[Ahmed-SAMIR]

ERROR 404 - PAGE NOT FOUND
دا المانيوال بتاعة ... وبالمرة انا شوفت فى المانوال دا طريقة توصيل ال amplifier هو لية مخرج لوحدو غير مخرج السماعات العادية ... بس انا على الطبيعة موصله على مخرج السماعات العادية.. هل هيفرق الصوت لو ركبتو على المخرج المخصوص بتاعة؟

ده انا كنت فاكر انك مش لاقى المانيوال وبصيت فيه لقيت رسمة الاسلاك موجودة لكن واضح انها ما وصلتش معاك للى انت عاوزه
بالنسبة للامبليفاير متهيألى قوة الخارج على وصلته من الكاسيت هى الاكتر توافقا معاه علشان تدى احسن جودة صوت لكن اذا كان صوتها كده مريحك مالوش لزوم اللعب تانى