لمبة بور الفتبس بتنور وتطفى

[zendo]

لتانى مرة تحصلى خلال اسبوع ادور العربية تقوم لمبة الباور تقعد تنور وتطفى والعربية اجيبها على ال d مش راضية تمشى وتقوم ناطرة نطرة حلوة وتمشى بالعافية وسحبها يبقى زفت اطفى وادور تانى ولا اى اندهاش كل حاجة ترجع لطبيعتها زللمبة تطفى عادى وتفضل بقيت اليوم كويسة وهى مبتعملش الموضوع ده الا وانا ماشى بيها مشاوير واركن واجى ادور العربية اوتو فتيس كهربا

[attaa11]

علاجك عندي يا باشا ..........نفس العطل كان عندي والحمد لله قدرت اصلحه .. العيب في حساس ال tps
انا عندي واحد لسه شاريه استيراد .. لو عايز تشرفني .. واركبهولك وتجربه بنفسك .. انا تحت امرك
لاني بعت العربيه خلاص واشتريت اكسنت ار بي .. وعندي القطعه شغاله زي الفل .. وده رقمي 01000666271

وياريت لو اتصلح العطل عندك .. اوعا تغسل ماكينه العربيه في اي مغسله .. لان دي السبب الرئيسي للي انتا فيه
ولعلمك انا دوخت وطلع عيني عشان اقدر اوصل للحل .. كنت دايخ السبع دوخات

[attaa11]

النطره اللي عندك لما تكون العربيه علي ال d .. وهتلاقي ال ار بي ام .. بيعلا ويوطا لوحده كده .. ههههه شيطاني وعفاريتي .. بس خد بالك لأن النطره دي ممكن تكسر لك الفتيسسسسس .. يعني لو لقيت صوت العربيه علي عندك .. هات الفتيس علي ال N واطفي العربيه وشغلها تاني عشان صوتها يقل

[attaa11]

وعلي فكره تركيبه سهل جدا .. يعني تقدر تركبه بنفسك ..

[zendo]

اول حاجة انا معنديش tps البوابة عندى كهربا ثانيا ايه علاقة tps بلمبة الباور اللى بتنور بتاعت الفتيس والفتيس عندى كهربا فية زرار هولد وباور ولو ضغطت عليهم بيظهرو فى الطابلو انما بقى لمبة الباور تنور وتطفى لواحدها ويحصل زى ما قلت تبقى حاجة متعلقة بالفتيس ولا ايه

[aelmohamady]

اول حاجة انا معنديش tps البوابة عندى كهربا ثانيا ايه علاقة tps بلمبة الباور اللى بتنور بتاعت الفتيس والفتيس عندى كهربا فية زرار هولد وباور ولو ضغطت عليهم بيظهرو فى الطابلو انما بقى لمبة الباور تنور وتطفى لواحدها ويحصل زى ما قلت تبقى حاجة متعلقة بالفتيس ولا ايه

لمبة الباور لما تنور معناه ان فيه مشكلة فى الفتيس

Sent from my samsung GT-I9152 using Forum Runner

[zendo]

لمبة الباور لما تنور معناه ان فيه مشكلة فى الفتيس

sent from my samsung gt-i9152 using forum runner

طيب المشكلة فى الفتيس ولا الكنترول بتاعة واشمعنى لما اجى اطفى وادور ترجع كويسة ملحوظة انا عندى السحب وحش واستهلاك بنزين عالى

[attaa11]

يا استاذي الفاضل .. لمبه pwr بتنور وتطفي لوحدها .. وفي نتشه في العربيه .. والار بي ام بيعلا ويوطا .. وبقول لحضرتك جربه لو منفعش متخدوووش .. بس انا متأكد مليون في الميه انه المشكله في ال tps لاني دوخت كتير بسبب الموضوع ده .. وعموما .. ده رأيي الخاص في المشكلة

[zendo]

فين الtps مكانة فين

[tarek_2005]

مع احترامي لكل الاراء لمبة البور = لمبة تشك فتيس الكهرباء = سكان مفيش حل تاني والا هتغير نص العربية علشان توصل للعيب

[attaa11]

لما حصلت المشكلة معايا .. دخلت العربيه فحص كمبيوتر . وطلع العيب في حساس ال tps ولما غيرته .. العيب راح خالص .. ولمبة pwr معدتش بتنور وتطفي .. الحمد لله

[zendo]

مع احترامي لكل الاراء لمبة البور = لمبة تشك فتيس الكهرباء = سكان مفيش حل تاني والا هتغير نص العربية علشان توصل للعيب

ما انا قولت كده يا استاذ ممدوح لان اصلا معنديش tps لان البوابة عندى كهربا وانا حاسس ان المشكلة يا فى كنترول الفتيس يا الفتيس وانا ان شاء الله هحطها على جهاز واشوف

[man_vip]

تسمحولى اشارك معاكم فى الحل لانى انا معايا نفس العربيه وكانت بتعمل كده بالضبط بس وهى بارده وغالبا لو البطاريه مريحه وكنت بروح لميكانيكى يقولى تلاقى مياه جات على فيش الفتيس ولا حاجه وبعد دوخه لاحظ ان العيب فى البطاريه الفتيس كهرباء مرتبط بقوة البطاريه يعنى روح اكشف على البطاريه هتلاقيها مشيعه حتى لو كانت بدورك عادى وانا متاكد من الكلام اللى بقولوا لو العربيه بتعمل كده مع حضرتك اكشف على شحن البطاريه الاول وشكرا

[zendo]

تسمحولى اشارك معاكم فى الحل لانى انا معايا نفس العربيه وكانت بتعمل كده بالضبط بس وهى بارده وغالبا لو البطاريه مريحه وكنت بروح لميكانيكى يقولى تلاقى مياه جات على فيش الفتيس ولا حاجه وبعد دوخه لاحظ ان العيب فى البطاريه الفتيس كهرباء مرتبط بقوة البطاريه يعنى روح اكشف على البطاريه هتلاقيها مشيعه حتى لو كانت بدورك عادى وانا متاكد من الكلام اللى بقولوا لو العربيه بتعمل كده مع حضرتك اكشف على شحن البطاريه الاول وشكرا

البطارية جديدة مكملتش سنة

[zendo]

والعربية بتعمل الحركة دى وهى سخنة تكون ماشية مشاوير واركنها مثلا اروح اشترى حاجة وادور تعمل كده وهى عملتها معايا مرتين مرة ركنتها كنت فى شغل بتاع ساعتين ومرة فى البنزينة