أستفسار بخصوص شيفورليه لانوس

[walid_hashem]

السلام عليكم اعضاء المنتدى الكرام

كنت عاوز اسأل حضراتكم ضروري عن الشيفورليه لانوس لأني انوي شرائها بالقسط

فهل هي عربيه جيده ام لا ؟

استخدام داخل المدينه طوال الأسبوع و ممكن يوم في الأسبوع سفر

ناس كتير اشتكت منها عن الدايو , فتنصحوني بأيه و خصوصا اني ناوي اشتريها قسط و امكانياتي لا تسمح بأكثر من ذلك

في انتظار ردودكم الكريمه و لكم جزيل الشكر و التقدير

[a7med.7assan]

لو بتقرينها بالفيرنا فهى افضل من حيث الشكل الخارجى واناقة التابلوه اللى بيعيب تماما الفيرنا
لو هتركبها فتره طويله يبقى تجيب لوجان افضل منها من حيث النعومه والثبات والعزم والعلو .. افضل بكل المقاييس عن اللانوس اللى بيميزها اعادة البيع وقطع الغيار المتوفره والرخيصه الى حد كبير

يعنى الخلاصه هتربى العربيه معاك شويه كويسين يبقى لوجان
سنه او اتنين وعايز تغير يبقى لانوس طبعا.

ولك مطلق الحريه وانتظر اراء السااده الخبراء برده ت

تحياتى لانوساوى مش قديم اوى :)

[eng_amg]

داخل المدينة العربية مناسبة جدا. - وإقتصادية في البنزين - وتكييفها جيد جدا - وقطع غيارها ببلاش ومنتشرة عند البقالين.

إلا إن ملاحظاتي عليها كالتالي:

- عزمها بيقل بشكل ملحوظ مع التكييف ومع التحميل عليها سواء بأوزان أو في المطالع
- خفيفة علي الطريق السريع بشكل ملحوظ جدا وفوق 120 مش موجودة معاك. إلا إنها بتشد بسهولة فوق 140 ودا الخطر
- الدريكسيون في الملفات علي السريع تحس إنه ب... مش عارف بس العربية بحس إنها خدت كتف وهي بتجري :) مش عارف فهمتني ولا إيه...
- الفرامل سيئة. ومبتسعفش في السريع لدرجة إني أكثر من مرة بهدي علشان أدخل الشارع يمين فبضطر إني أعدي الملف وأدخل من الشارع إلي بعديه عقبال ما الهانم تهدي :)
- فتحات التكييف مفتوحة علطول.. لا يوجد زرار يقفل ويفتح ,, يعني لو الي جنبك مش عايز تكييف حتضطر تقفل التكييف كله. :)
- المرايات المفروض إنها كهرباء. بس الواقع إن اليمين بس كهرباء والشمال يدوي .. بيسترخصوا.
- لما تركب 2 في الخلف وواحد أدام العربية بتوطى جداااااا وبتحك في كل مطب. ولو عليت العربية حتعملك مشكلة في
السرعة أكثر مهيا أصلا مشكلة.
- السيارة صغيرة. يعني إلي جنبك تحس إنه قاعد في حضنك
- البوية مش جيدة ودا ملحوظ في أي لانوس موديل سنتين أو 3 سنين فاتو حتلاقي الشمس واكلة البوية خصوصا السقف والأبواب.

طبعا ممكن تكون حضرتك أتعقدت من العربية لكن دا رأيي من واقع ركوبي عربيات كتير وممكن أكون بطلع القطط الفطسا في العربية.

ممكن ناس متخدش بالها من الكلام دا خالص وتكون العربية في نظره مثالية.. وممكن ناس تبيع العربية علشان حاجة واحدة من دول..
لكن علشان متقولش محدش قالي...

[walid_hashem]

لو بتقرينها بالفيرنا فهى افضل من حيث الشكل الخارجى واناقة التابلوه اللى بيعيب تماما الفيرنا
لو هتركبها فتره طويله يبقى تجيب لوجان افضل منها من حيث النعومه والثبات والعزم والعلو .. افضل بكل المقاييس عن اللانوس اللى بيميزها اعادة البيع وقطع الغيار المتوفره والرخيصه الى حد كبير

يعنى الخلاصه هتربى العربيه معاك شويه كويسين يبقى لوجان
سنه او اتنين وعايز تغير يبقى لانوس طبعا.

ولك مطلق الحريه وانتظر اراء السااده الخبراء برده ت

تحياتى لانوساوى مش قديم اوى :)

انا عجباني جدا اللوجان , لكن في ناس كتير بتقول عليها مشاكل و كمان فئتها السعريه مش في حدود امكانياتي , عموما الواحد كده هيفكر بهدوء و ربنا كريم ان شاء الله , تسلم يا باشا :)

[walid_hashem]

داخل المدينة العربية مناسبة جدا. - وإقتصادية في البنزين - وتكييفها جيد جدا - وقطع غيارها ببلاش ومنتشرة عند البقالين.

إلا إن ملاحظاتي عليها كالتالي:

- عزمها بيقل بشكل ملحوظ مع التكييف ومع التحميل عليها سواء بأوزان أو في المطالع
- خفيفة علي الطريق السريع بشكل ملحوظ جدا وفوق 120 مش موجودة معاك. إلا إنها بتشد بسهولة فوق 140 ودا الخطر
- الدريكسيون في الملفات علي السريع تحس إنه ب... مش عارف بس العربية بحس إنها خدت كتف وهي بتجري :) مش عارف فهمتني ولا إيه...
- الفرامل سيئة. ومبتسعفش في السريع لدرجة إني أكثر من مرة بهدي علشان أدخل الشارع يمين فبضطر إني أعدي الملف وأدخل من الشارع إلي بعديه عقبال ما الهانم تهدي :)
- فتحات التكييف مفتوحة علطول.. لا يوجد زرار يقفل ويفتح ,, يعني لو الي جنبك مش عايز تكييف حتضطر تقفل التكييف كله. :)
- المرايات المفروض إنها كهرباء. بس الواقع إن اليمين بس كهرباء والشمال يدوي .. بيسترخصوا.
- لما تركب 2 في الخلف وواحد أدام العربية بتوطى جداااااا وبتحك في كل مطب. ولو عليت العربية حتعملك مشكلة في
السرعة أكثر مهيا أصلا مشكلة.
- السيارة صغيرة. يعني إلي جنبك تحس إنه قاعد في حضنك
- البوية مش جيدة ودا ملحوظ في أي لانوس موديل سنتين أو 3 سنين فاتو حتلاقي الشمس واكلة البوية خصوصا السقف والأبواب.

طبعا ممكن تكون حضرتك أتعقدت من العربية لكن دا رأيي من واقع ركوبي عربيات كتير وممكن أكون بطلع القطط الفطسا في العربية.

ممكن ناس متخدش بالها من الكلام دا خالص وتكون العربية في نظره مثالية.. وممكن ناس تبيع العربية علشان حاجة واحدة من دول..
لكن علشان متقولش محدش قالي...

تسلم يا باشا , بس الواحد محتار الصراحه , ربنا يكرم و يهديني للصح ان شاء الله

[a7med.7assan]

انا عجباني جدا اللوجان , لكن في ناس كتير بتقول عليها مشاكل و كمان فئتها السعريه مش في حدود امكانياتي , عموما الواحد كده هيفكر بهدوء و ربنا كريم ان شاء الله , تسلم يا باشا :)

والله ياباشا مش عارف بس اعتقد بعد اسعار اللانوس الجديده بقه حرام تدفع فيها المبلغ ده جديده .. انا سمعت ان اللانوس وصلت حاجه وتمنين فحرام فيها المبلغ ده ... شوفلك حاجه بالسعر ده مستعمل هتجيب عربيه ركوبه حدوته شوف النترا ولا لانسر وتبقى جبت عربيه مفتخره :) بدل اللانوس ... ولو انى بحبها ع فكره ... بس اعتقد المبلغ ده تجيب بيه عربيه انظف كتير