العربيه فيها حاجه عجيبه...مش مطمن !

[ahmad--ezzat]

السلام عليكم
باختصار شديد...انا عندي حاجه في العربيه غريبه جدا
وهي اني لما باكبس بنزين جامد واطلع بالعربيه واسيب رجلي من ع البنزين العربيه بتحدف شمال وفنفس الوقت بكون مثبت الدركسيون بايدي...العربيه بترمي شمال !!!!!!!!!!!!
ايوه بترمي شمال وانا ماسك الدركسيون ومثبته معني كده ان العفشه منفصله عن العربيه ههههه ....يعني العجل ملوش دعوه بالدركسيون.....هو في ايه !!!!!!!!
ايه ممكن يكون المسوؤل عن الموضوع دة
الشاسيه معوج ولا ايه...انا معنديش طقطه كبالن مع الملفات ولا اي حاجه...والعفشه كشفت عليه اتقالي انها كويسه
حد عندة اي فكرة بخصوص الكلام دة

[ahmad--ezzat]

اسف للتكرار

[moumen_hs]

يعنى أية كشفت على العفشة ظبط ضغط هواء الكاوتش وروح أى بنزيمة شل زبط زوايا وربط العفشة فورا ب 50-60 الاثنين وهما هيظبطوا الزوايا ولو فى حاجة فى الشاسية هيقولولك ولا لا وهتتظبط عادى ولا فى محتاجة شغل زراجين دة لو فى مشكلة عوجة فى المقصات ولا حاجة أو بارات علبة الدركسيون . وقلنا عملت اية

[misalof]

غالبا قواعد موتور ... اكشف عليها

[swimmer25]

كان فيه موضوع تاني ليك في طقة في الطلعة
كدا واضح إنها حاجة في العفشة
إما حاجة مش مربوطة كويس زي مقص او اي حاجة تانية أو ركبة مشروخة مثلا
أنا بس بفكر معاك وبصراحة مش متأكد وبالتالي لازم تكشف عشان ميحصلش عندك مشكلة أكبر وإنت علي الطريق لا قدر الله
روح لعفشجي كويس يبصلك عليها او حد بتاع زوايا وهو هيقولك تعمل إيه

[ahmad--ezzat]

كشفت علي العفشه يعني العفشجي بص علي العفشه قالي مفيش مشاكل

ممكن يكون كوبلن مبوش !!!!
هل ممكن المقصات تعمل المشكله دي!!!!
بارات الدركسيون !!!!

انا هروح اكشف عند المهندس هاني وهقلكم العيب لو عرفته ...ان شاء الله

[zendo]

لو بتدوس فرامل يبقى المشكلة عندك فى الفرامل هتلاقى جنب بيمسك عن جنب والعربية بتحدف بسببة يا اما فيه مشكلة عندك فى العفشة هتروح لبتاع زبط زوايا كويس هيقولك على الخلاصة

[Sameh samy]

دي جلب مقصات

[enghany]

احمد بك اعتقد دي بيض او جلب مقص شوف هتشرفني امتي و نبص سوا

[tarek_2005]

دي بيض طرف او بيض مقصات او جلب اتياش علبة الدركسيون لن تخرج عنهم

[omrkhaled]

ممكن اسباب كتير
لازم عفشجى شاطر يبص عليها