يارتنى ماغسلت الموتور

[وائل فريد]

المشكلة انى غسلت الموتور ومن ساعتها العربية مش مظبوطة روحت للميكانيكى غيرت بوجيهات وسلك بوجيهات وحطيت العربية علي الجهاز وملقيناش اي حاجة بس برضوا العربية مش مظبوطة صوت الموتور مش منتظم المهم شاف المبينة لقينا خرجتين منها بيطلعوا شرار جامد وخرجتين شرار ضعيف قلتله جرب مبينه من عندك فعلا جرب لقينا الشرار في الاربعة جامد بس المفاجئة ان برضوا العربية زي ماهي صوت الموتور مش منتظم وكمان نسيت اقول ان تجميع العربية بطيء وتبقي مكتومة وفجاءة تمشي كويس انا مش عارف ايه المشكلة ياريت لو حد عارف يتكرم ويقولي

[Mahmoud.Fathy]

غسلتها امتى ؟؟؟ ومشيت بيها على طول بعدها ؟؟؟

[وائل فريد]

من حوالي 5 ايام ومشيت بيها من المغسلة للبيت مسافة 2 كيلو

[Mecha]

انفخ الموتور بمسدس هوا حوالين كل الفيش والحساسات
الرشاشات , حساس الكرنك , الماب , الماس وسلوك الموبينه او الاسبيراتير
هتضط ان شاء الله , خدها مشوار في طريق مفتوح وسخنها

[وائل فريد]

انا مشيت بيها 200 كيلو وزي ما هي وبعدين ايه رايكوا في موضوع المبينه ده؟

[Mecha]

انا مشيت بيها 200 كيلو وزي ما هي وبعدين ايه رايكوا في موضوع المبينه ده؟

مش كانت شغاله لوز قبل الغسله
يبا لا موبينا ولا غيره , وفر فلوسك وانفخها

[Abo_Mazen]

ما دام الإسكانر مقراش أي حساسات فيها مشكلة يبقى كده هي مشكلة وهتروح لوحدها ,,هي فعلا عايزه مشي كتير في الحر

[Mohamed Gazzar]

رد

انا كانت حصلتلى نفس المشكلة. وجدت أن كارت الكنترول بيهرب ارضى. وصله ارضى مباشر مش من البطارية وحتلاقيها ظبطت

[وائل فريد]

هامشي بيها تانى وربنا يسهل