دخنه كتيره جدا لعربيتي النوبيرا

[moudy88]

كنت دايما بغير زيت شل الاصفر ومن حوالي 3 شهور غيرت توتال لاني ملقتش بنزينه شل

ومن يومين كان معاد تغيير الزيت ..وروحت محل لاني ملقتش بنزينه شل

وغيرت شل ...وبعد لما غيرت عملت مشوار حوالي 100 كم وكنت ملاحظ صوت تكتكه ملحوظ كنت بسمعه كل

لما اعدي جمب رصيف

والنهارده الصبح دورتها لقيتها بتطلع دخنه رهيبه بيضا مايله للازرق ..طفتها وسيبتها

هل كده الماتور فوت ولا الزيت مضروب ولا ايه بالضبط ؟؟ اغير زيت تاني واجرب ولا اوديها للميكانيكي ؟؟

مع العلم انها اول مره تطلع دخنه معايا ...والواد وهو بيغير الزيت كان بيقولي انه ناقص اوي

ايه الحل

[Ahmed_Ramadan]

لو الدخنة بتطلع شوية أول ما بتدور العربية و بعدين بتروح يبقي كاوتش صباب و هتغير معاه جوان وش السلندر

لو الدخنة مش بتروح يبقي طقم شنبر و ديه أستبعدها شوية بس إحتمال قائم

جرب تغير زيت بفلتر الأول و شوف النتيجة

[moudy88]

لو الدخنة بتطلع شوية أول ما بتدور العربية و بعدين بتروح يبقي كاوتش صباب و هتغير معاه جوان وش السلندر

لو الدخنة مش بتروح يبقي طقم شنبر و ديه أستبعدها شوية بس إحتمال قائم

جرب تغير زيت بفلتر الأول و شوف النتيجة

هو بس انا خايف الزيت والفلتر يجو على الارض لو طلع فيه حاجه وهتبقى خساره زياده ..انت بتتكلم في 150 جنيه

[hema111]

زيت شل الاصفر

ممكن يكون زيت شل الاصفر اللى انت حطيته مغشوش وده اللى خلى صوت التكتكة (صوت الكستبانات) يظهر عندك مع ظهور الدخنة نتيجة احتراق الزيت وانخفاض لزوجته.
الافضل انك تسأل أكثر من ميكانيكى عن الموضوع ده.
أعتقد انك ممكن بعد كده وقبل اجراء اى اصلاحات كبيرة فى الموتور تنزل الزيت وتغيره بنوع اخر وليكن توتال اللى كان فى العربية قبل الزيت ده مع تغيير فلتر الزيت بفلتر اصلى.

[Mecha]

شوف ليكون حط زيت كتييير بيخش يتحرق
شوف المقاس الاول

[moudy88]

انا شفت المقاس لقيت ناقص اقل من الmin هل كده الزيت مغشوش ؟؟

[Ahmed_Ramadan]

انا شفت المقاس لقيت ناقص اقل من الmin هل كده الزيت مغشوش ؟؟

كده يبقي الشنبر عندك ضايع و الزيت بيدخل على غرفة الحريق ... أخر إختبار روح لحد يقيسلك كبس العربية

[tarek_2005]

زيت مغشوش مليون في الميه غير زيت وفلتر وجرب وقول يارب ميكونش بهدل المكنة ومليون مرة حذرتكم من الشل ومحدش سمع كلامي

[mostafa8085]

كلام ا/ طارق مظبوط
واضح ان الزيت مغشوش
لازم تنزله فورا و تغير الفلتر كمان

[moudy88]

وديتها للميكانيكي النهارده وقالي بغض النظر عن ان الزيت مغشوش ولا لا ..كده الماتور محتاج عمره لان الزيت بيخرج من الشكمان على حسب كلامه ...وابتدى يفكه من النهارده ...الله اعلم بقى بيغشني ولا كلامه صح