استفسار عن كوبايات وزيت فتيس لانوس

[sharkasy2008]

السلام عليكم
انا معايا لانوس 98 ماشية 140 الف وفيه مشكلتين عاوز اخد رايكو فيهم

1. الجلد اللى فى كوباية البطاحة الامامية مشقق خالص والناس مخوفانى منو فهل ليه خطورة لان الناس بيقولو انو ممكن ياخد المساعد ويقع رغم انى رحت لواحد يربط عفشة وزود الشحم اللى جوا وقاللى انها كويسة
2. امبارح كنت بغير زيت فالصنايعى قاللى تحب اشوفلك زيت الفتيس لقيتو بيزود 1 لتر على طول وبيقوللى انها كانت ناقصة وفعلا الفتيس كان بيعض معايا ساعات فهل كده صح ولا هو حط زيت بزيادة خصوصا انى معرفش اقيس زيت الفتيس منين

وعذرا للاطالة عليكم

[Mecha]

الجلد اللي في البطاحه عشان التراب ويمص الصدمات علي البودي
بس البطاحه نفسها حديد مربوطه ب ٣ صواميل شداد والمساعد مربوط فيها بصموله كبيره ومحمله بالسسته لايمكن يقع دي فيها ارواح ناس
الزيت هتلاقي طبه مقاس في الجنب للمانيوال

[sharkasy2008]

طب اقيس الزيت ازاى من الطبة وهوة ينفع اجيب جلدة للكوباية تانية غير اللى اتشققت

[moumen_hs]

أسمها كاوتشة البطاحة ياباشا غيرها هى كلها 35 جم تقريبا وفك وتركيب بتاع 20-25 جم وريح دماغك لانها بتاثر على حركة المساعد فى المطبات وبتعمل عيب كبير جدا مع الوقت بتكثر مكان المسامير الثلاثة الى فى الكرتيرة وهتفتح اماكنهم وهيكون لازم تلحم مكان فتحات المسامير لما تفتح فى الحوض شفتها فى عربيات كتير جدا وسعاتها هتبقى ملحم ياكبير فى الحوض