مساعده في نوبيرا

[explode]

ياجماعة انا لسه شاري عربية نوبيرا 2004 من واحد صاحبي عاملة 124الف كيلو وحالتها كويسة جدا
عملتلها الصيانه من زيوت وفلاتر وكله
ولكـــــــــــــــــــــــن
من ساعة ماجيبت العربية حاسس بحاجه غريبة
العربية وانا ماشي واجى اهدى وانا داخل على مطب ولا حاجه بدوس دبرياج الاقي الاربي بي ام على شويه وبعدين ينزل كأنى دوست ظغطة بنزين خفيفة
يعنى ادوس دبرياج عشان هقف الاقي العربية عليت سنه وتنزل تانى للسلانسية
انا كشفت على العربية وانا بعمل الصيانه والراجل قالى مفيهاش حاجه والعربية على السلانسية تمام والار بي ام ثابت وكله تمام
لكن هيا المشكلة في موضوع لما اجى اهدي عشان اقف بمعنى اصح لما بضغط دبرياج
الحاجه التانية العربية لو انا في شارع مكسر وماشي على مهلى ومدى الاول مثلا وسيبتها تمشي سلانسية بلاقيها بتجري
يعنى وانا في الشارع وبحاول امشي على مهلى عشان التكسير برفع رجلى من ع البنزين والدبرياج واخليها ماشية سلانسية بحس انها بتجرى وبرجع احاول اوقفها
في ناس قالولى هيا النوبيرا كده وفيها حساس بيديها بنزين لو هتبطل
افيدونى في المشكلة على وجه السرعه

[bestlove2]

نظف البوابة ياكبير وهتتظبط معاك والف مليون مبروك على العربية وربنا يكفيك شرها

[georgedada82]

تنظيف بوابة وحساس ايدل

[mostafa8085]

نظف البوابة و حساس الايدل و هتلاقيها زي الفل ان شاء الله

[waga]

البوابه ملهاش علاقه باللي انت بتحكي عليه استني محمد ممدوح شوف رايه ايه

[explode]

يا جماعة اولا بشكركو عل سرعة الرد والاستجابة
ثانيا انا فعلا وانا بعمل الصيانة نضفت البوابة والعربية جابت بلاوي وكانت مكتومة والحمد لله بقت احسن
لكن موضوع الار بي ام اللي بيعلي مع الدبرياج ده متعدلش
هوا بيعلي سنه صغيره وينزل تاني
فا اتوقع ان المشكلة مش بوابه لأنها فعلا كانت مهببه ونضفناها وفرقت كتير في السحب
اشكركم وفي انتظار الاستاذ محمد ممدوح عشان يحلنا المشكلة دی

[mhemoo_sale]

ده يا باشا حساس الاكسرتير الحساس الصغير الي تحت حساس البوابة

[explode]

ده يا باشا حساس الاكسرتير الحساس الصغير الي تحت حساس البوابة

ده بيعمل ايه بالظبط وايه فايدته ويتصلح ازای وبكام ؟؟؟؟
وانا بغير زيت النهاردة سألت الراجل علی الموضوع ده قالي ازتا عندك الفتيس بتحس فيه بعضه في الغيارات
قولتله اه انا اصلا عندي زيت الفتيس ناقص وانا هغيره اصلا قالي غير زيت الفتيس هتلاقي الموضوع راح
مش عارف ايه علاقة الفتيس بالموضوع اصلا !!!!

[mhemoo_sale]

بص يا باشا انا كان عندي الموضوع ده كان العداد اول ما اشغل العربية الصبح العربية زي الفل وصوت هادي وكل حاجه تروح مشوار وترجع صوتها rpm يبقى على 2 او 3 رحت الميكانيكي قالي حساس البوابة جبت واحد استيراد وطلع مش منو رحتو تاني راح فاكك الحساس الصغير الي تحت البوابة وقالي ده عايز يتغير وانا كسلت عرفت بقى لما صوت العربية يبقى على و rpm يثت على 3 او 2 بفك الحساس ده وبرجعو تاني صوتها يهدى لو انت مشكلتك كده يبقى منو

[lakany]

هي النوبيرا كده إلى بتقوله ده طبيعي انا معايا العربيه من 2008 ما تقلقش و ما تعملش حاجه

[explode]

فين ياجماعة بقيت الردود ؟؟؟
انا غيرت الرشاشات ونضفت الايدل وطلع بلاوي سودة
لكن برضو ما زالت المشكلة قائمة
العربية لما بدوس دبرياج بتعلي سنه صغيیرة وتنزل تاني كأنك سندت سنه بنزين
مش عارف الحل اييه
افيدوني افادكم الله

[waga]

حضرتك انا قولت لك البوابه والايدل مالهموش علاقه بمشكلتك
الميكانيكي بتاعي بكلم معاه في موضوعك سألني .. لو انت واقف علي السلانسيه ودوست علي الدبرياش وانت واقف الار بي ام بيعلي السنه اللي انت بتقول عليها ؟؟؟

[explode]

حضرتك انا قولت لك البوابه والايدل مالهموش علاقه بمشكلتك
الميكانيكي بتاعي بكلم معاه في موضوعك سألني .. لو انت واقف علي السلانسيه ودوست علي الدبرياش وانت واقف الار بي ام بيعلي السنه اللي انت بتقول عليها ؟؟؟

بيعلي سنه صغيرة اوي ممكن متكونش محسوسة خالص غير لو ركزت اووووي
لكن هيا بتبان اوي في الغيار يعني وهيا واخده غيار
ده غير ان العربية بحس انها بتجري يعني لو في شارع مكسر بديها الاول وارفع رجلي من علي البنزين بلاقيها ماشية وبفضل احاول اوقفها زي ما تكون هيا دايسه سنه بنزين مع نفسها مع ان الار بي ام في السلانسية في مستواه الطبيعي تحت الواحد يعني عربيتي مش عاليه ولا حاجه
بس في ناس قالولي ان ده طبيعي والعربيات بقي فيها حساس للتبطيل يعني بتزود لوحدها لو ماشية علي سرعه صغيرة عشان متبطلش
هل ده حقيقي ولا لأ ؟؟

[M.Alaa92]

اللي حضرتك بتقولو ده طبيعي يا فندم :)

و ده الطبيعى بتاعها ...جرب حضرتك ف طريق و شيل رجلك من ع الدبرياج حتمشى عاادى بس مش حتزود سرعة ع عكس الكربيراتير اللي لو عملت نفس الحركة فية العربية بتبطل :)
لوجود idle controller او اسمو حساس السلانسية و ده المسؤل ان يخلى العربية ف السلانسية تقريبا 800 ( قبل ال 1 ) و الصبح و العربية باردة بيعلى ال RPM عشان العربية تسخن و بعد م تسخن بيرجع ل الطبيعى بتاعو (بديل السخان اليدوى ف الكاربيراتير )
و بالنسبة ل تسخين العربية تدور و ع م تلبس الحزام و تظبط المرايات تمشى عاادى بس متقرصش عليها لغاية اما توصل لدرجة الحرارة الطبيعية ( قل النص ب حاجة بسيطة )
و نصيحة كماان تغير زيت الفتيس ايوة تغيرو و الفرامل كمان (لو مكنتش لسة غيرتها )
لا بوابة و لا اى حااجة الموضوع طبيعى جدااا جداا
و مبرووك ع العربية :))

[explode]

اللي حضرتك بتقولو ده طبيعي يا فندم :)

و ده الطبيعى بتاعها ...جرب حضرتك ف طريق و شيل رجلك من ع الدبرياج حتمشى عاادى بس مش حتزود سرعة ع عكس الكربيراتير اللي لو عملت نفس الحركة فية العربية بتبطل :)
لوجود idle controller او اسمو حساس السلانسية و ده المسؤل ان يخلى العربية ف السلانسية تقريبا 800 ( قبل ال 1 ) و الصبح و العربية باردة بيعلى ال rpm عشان العربية تسخن و بعد م تسخن بيرجع ل الطبيعى بتاعو (بديل السخان اليدوى ف الكاربيراتير )
و بالنسبة ل تسخين العربية تدور و ع م تلبس الحزام و تظبط المرايات تمشى عاادى بس متقرصش عليها لغاية اما توصل لدرجة الحرارة الطبيعية ( قل النص ب حاجة بسيطة )
و نصيحة كماان تغير زيت الفتيس ايوة تغيرو و الفرامل كمان (لو مكنتش لسة غيرتها )
لا بوابة و لا اى حااجة الموضوع طبيعى جدااا جداا
و مبرووك ع العربية :))

تمام
الله يبارك في حضرتك ومتشكر جدا علي المعلومات المفيده
انا فعلا غيرو زيت الفتيس عشان ابقي متطمن وفعلا الفتيس اختلف وان شاء الله هغير زيت الفرامل هوا كمان زيادة امان لأني مقتنع جدا ان الزيوت بتتغير مش بتتزود زي ما ناس كتيير فاكره
سؤال اخير
ممكن اعرف الحرارة الطبيعيه للنوبيرا بتبقي علي انهي شرطة في العداد ؟؟
انا بحس انها بتسخن مش عارف هيا طبيعتها كده ولا لأ
بس عداد الحرارة عندي في القسم اللي في النص قبل الاخر بتاع القسم ده بخاجه بسيطة هل كده صح ولا كده سخنه لأني لما بفتح بلاقي العربيه مطلعه حرارة عاليه من الكبوت لكن فعلا ملقتش الحراة عليت اكتر من اخر الجزء الاوسط اللي في العداد "قبل اخره من فوق بحاجه بسيطة"