تزيق بدواسه الدبرياج

[a7med.7assan]

صباح الفل

عندى تزيقه فى دواسه الدبرياج بتظهر بعد ما بمشى بالعربيه شويه ... يعنى تقريبا نقدر نقول بعد العربيه ما بتسخن ... صوت التزيقه بسمعه جوه العربيه وبراها ... وكمان بحس بالتزيقه تحت رجلى وكأن لو فى وير مثلا وعايز يتزيت او حاجه كده ... روحت للميكانيكى زيتلى الدواسه فعلا ومعرفش عمل ايه كده فى الكبوت التزيقه راحت فتره صغيره بس رجعت تانى

واعتقد بسبب التزيقه دى بحس الدبرياج تقيل ... لكن قبل العربيه ما بتسخن بيبقى كويس جدا

ارجو الافاده يا اصحاب الخبره

[Mecha]

هي فيها سلك دبرياج ,انزل شوفو يمكن عاتق في حاجه

[a7med.7assan]

هي فيها سلك دبرياج ,انزل شوفو يمكن عاتق في حاجه

الحقيقه انا معرفش فيها سلك ولا اللانوس ليها نظام مختلف لانى كان معايا قبلها 128 وطبعا كان فيها سلك دبرياج ... بس الميكانيكى كان نزل زيت الدواسه فعلا ... بس ملحقتش افرح بيها شويه صغيره ورجع التزييق تانى وكمان زى ما قولت لحضرتك بسعه من بره العربيه كمان يعنى فى الكبوت من تحت مش تحت رجلى بس ... مش عارف بقه اعمل ايه

[Mecha]

خلي حد يدوس الدواسه وانت اسمع في الحوض ممكن اللافيه عاتق
شوف

[a7med.7assan]

خلي حد يدوس الدواسه وانت اسمع في الحوض ممكن اللافيه عاتق
شوف

جارى العمل ... والتجربه ...وهبلغ حضرتك باللى وصلتله :)

[a7med.7assan]

عملت الفكره وملقتش حاجه ... وبرده صوت التزيق زى موجود اول مالعربيه بتسخن .... ايه يا خونا فين عباقرة المنتدى

[مصطفى عبداللاه]

اقولك يا ابو حميد انا كان عندى نفس المشكلة وحلها بسيط جدا انت هتجيب زيت مكنة او اى زيت مش مهم نوعه هتفتح الباب للاخر وهتنزل على الارض وعلى دراع الدبرياش هتلاقى سوسته ومسامير نقط بالزيت على المسامير اللى فى الدراع ومكان السوسسته وخلاص وجرب وادعيلى

[a7med.7assan]

اقولك يا ابو حميد انا كان عندى نفس المشكلة وحلها بسيط جدا انت هتجيب زيت مكنة او اى زيت مش مهم نوعه هتفتح الباب للاخر وهتنزل على الارض وعلى دراع الدبرياش هتلاقى سوسته ومسامير نقط بالزيت على المسامير اللى فى الدراع ومكان السوسسته وخلاص وجرب وادعيلى

مصطفى بيك عبد اللاه
علم يا باشا وجارى العمل على التجربه بالمعمل :)

بس قولى يا باشا انا شوفت الميكانيكى تقريبا كان عمل كده لما روحتله والمشكله اتحلت شويه ... لكن رجعت تانى ... تفتكر محطش زيت كويس ؟؟ ولا ايه رايك ..وكمان يا مصطفى باشا فى احد الزملا قالى خد هوا للدبرياج ... الحقيقه انا مفهمتش يعنى ايه اخد هوا للدبرياج ... يتاخد منين .. بصراحه مش عارف ... ولو من العجل انا معبى الفرد نيتروجين ... شغال النيتروجين ده لو روحت لميكانيكى وقولتله خد هو للدبرياج عشان التزيق .. مستنيك يا باشا تفيدينى ومستنى برده رد الزملاء بالمنتدى

[مصطفى عبداللاه]

الهواء ملوش دعوة بالكوتش انت بس جرب اللى قولتلك عليه انا عملتة وليه اكتر من 3 شهور مفيش صوت خالص

[aboomar22]

غالبا الصوت ده من الريش بتاعت الديسك مش من الدواسه وهيظهر واضح لو فتحت الكبوت وحد داس على البدال هتلاقى الصوت جاى من جوه

[a7med.7assan]

الهواء ملوش دعوة بالكوتش انت بس جرب اللى قولتلك عليه انا عملتة وليه اكتر من 3 شهور مفيش صوت خالص

طيب هجرب يا باشا من سعادتك نستفيد ... تحياتى ليك يا درش

غالبا الصوت ده من الريش بتاعت الديسك مش من الدواسه وهيظهر واضح لو فتحت الكبوت وحد داس على البدال هتلاقى الصوت جاى من جوه

ايه ابو عمر الكلام الكبير ده ... ريش ديسك ؟!! انا فعلا بسمعها فى الكبوت ... ولو ريش فعلا دى حلها ايه ... اوعى تقولى اغير دسك وسطوانه لاءااااااااااااااااااااااااااااااااا الميزانيه لا تسمح

[a7med.7assan]

ايه يا خونا هل من مغيس !!!

[a7med.7assan]

يا اهل الخير محدش عنده فكره يفيدنا بيها

[محمد ابو مازن]

نفس المشكل عندي ولسة مجربتش حاجة اخر كلام احط زيت علي السوستة والمسامير ولا اايه او ارش عليهم ممكن بدل الزيت wd40

[a7med.7assan]

نفس المشكل عندي ولسة مجربتش حاجة اخر كلام احط زيت علي السوستة والمسامير ولا اايه او ارش عليهم ممكن بدل الزيت wd40

ياباشا انا اكتشفت ان التزيقه جيه من الكبوت مش من الدواسه

فى دراع كده داخل فى جزء جنب مقياس الزيت ... الدراع ده بيتحرك لجوه وبره مع الضغط على دواسه الدبرياج مع حركته بيعمل الصوت التزيق .. ولقيت عليه زى جراب جلد مطاط كده معرفتش افكه عشان ارش عليه اwd40 انا بصراحه معرفش الجزء ده اسمه ايه انا حاولت اقربلك المكان او الفكره ... مش عارف بقه اروح للميكانيكى بقه ولا ممكن اعملها بنفسى