سعر نوبيرا وان 97

[Elsweedy]

السلام عليكم

سؤال لاصحاب الخبره
متوسط سعر نوبيرا وان 97؟
وتوافر قطع غيارها زي التو ولا قليله وسعرها بردو ياريت معقول ولالا؟
واستهلاكها للبنزين لو عربيه مظبوطه وينفع تمشي علي ال 80 ولا يبقي في مشكله
والف شكر ليكوا مقدما انا قدامي عربيه الايام دي كانت معاقين وفكت حظر من شهر
والحاله العامه كويسه بس معرفتش لسه محتاجه شغل ولا لا
انا عاوز اعرف بس مؤقتا رينج سعرها كام وياريت سعر البيع والشرا مش سعر النت

[Molham]

40 -45 وعلى حسب الحالة برده

[waga]

40 -45 وعلى حسب الحالة برده

++++ استاذ

[Elsweedy]

متشكر جددا ياجماعه

بس ممكن اجابه لبقيه الاستفسارات بعد اذنكو

وليا سؤال معلش لو هتقل عليكو

من سنتين صاحبي بايع نفس الموديل ب 34 وكانت اتوماتيك وعربيه كويسه وواقفه وكان مشتريها قبلها بسنة ونص ب 37

الاسعار دي كانت ضربة حظ ولا السوق رفع للدرجه دي ؟

انا خايف بس اشتري بالغالي واجي ابيع اسمع التلاتينات دي

[moko_2004]

العربية معايا من 7 سنين واتو
الى حد ما كويسة و شغالة جدا
الصاج متين امتن من التو ما عدا الرفارف الامامية لكن الباقى امتن بكتير
الفوانيس موجودة صيني و استيراد الفانوس ب 100-150 جنية
قطع غيارها رخيصة الى حد كبير ومتوفرة لأنها نفس قطع غيار النوبيرا المصرى و حتى القطع الخارجية متوفرة عند بتوع الاستيراد
الفتيس بتاعها تقيل في الطلعة و بيسحب بعد كدة مفيش داعى للحرق
العفشة متماسكة لما تكون اصلية لكن لو اى كلام هتغير جلب مقصات كل ست شهور الى سنة
لان ليها عيوب معروفة زى موضوع العفشة و بطئ الفتيس سعرها بيكون قليل لكن العربية بعد 80 بتفتح سركة وبتجيب ل 160 بسهولة واقصى سرعة 180 بالموتور العادى بتاعها 1500 سي سي
لما تعدل المكنة لاى 2000 سيسي و الفرامل الخلفية لسكاكين العربية بتتحول 180 درجة و تبقى شريرة جدا وقوية جداجدا
وبتقفل امبيرها في دقيقتين بالضبط 120 ثانية تبقى 220 كيلومتر ساعة
السعر يوم ما جبتها كان 35 الف معاقين
و النهاردة معروض عليا ناس تشتريها ب 40
توكل على الله لو مش معاك تجيب موديل اعلى هيا احسن من اى عربية بنفس المبلغ دة

[Elsweedy]

Moko 2014

متشكر جدا ياباشا علي ردك الوافي

كنت عاوز اعرف بعد اذنك استهلاكها للبنزين جوه البلد وفي السفر مع العلم اغلب مشاويري سفر

واعطالها في السفر صحيح ممكن تعملها ولا ايه ؟

اصل انا بقارن بينها وبين رينو كليو

انا عارف ان دي حاجه وكلبو حاجه تانبه

لكن في النهايه انا بختار قله اعطال قطع غيار معقوله وراحه في السفر وطبعا استهلاك بنزين

حضرتك بما ان معاك العربيه

الاربعين الف يجيبوا الموديل ده حالته ايه محتاج شغل ولا تمام ؟