عملت عمرة للموتور وفشلت

[GALAL mohammed]

عملت عمرة كاملة للمونور من حوالي شهر ، وبعد العمرة بحوالي اسبوع العربية وقفت مني وقطرتها للميكانيكي وطلع جوان وش سلندر بسبب ان العربية سخنت ، ورجعت العربية زي الاول واحسن وبعد اسبوعين اخرين وجدت دخان ابيض كثيف من الشكمان مع نقص الزيت . طبعا وديتها للميكانيكي والراجل بيقول لو فيها حاجه هوه هيتكفل بيها . بس انا عاوز افهم اللي حصل ده سببه ايه .

[Mecha]

اللي حصل : الشغل اتعمل غلط واتعك
مثلا الوش محتاج قياس وقشط ولوسطي استسهل وحط جوان بس,ومعاهم طرمبه الميه متغيرتش في جوب كبير زي دا
المكنه سخنت ,الشمبر قفش ,الكبس راح ,طظ فش مقبضتش

[mnashat77]

انا بصراحه مفهمش ايه ال حصل
بس كويس ان المبكانيكي هيتكفل بالاصلاحات عشان حرام تبقي لسه طالع من عمره وتدفع تاني

[Mecha]

دفعت كام في العمره؟؟؟
ايه اللي اتغير فيها؟؟؟

[noureldenadel4]

متابع

[GALAL mohammed]

الميكانيكي حل الموتور والبساتم سليمة والشنابر سليمة . وبيقول المشكلة ان الوش اتفقع والعربية سخنت جامد ، وجوان وش السلندر كمان عاوز يتغير . وهيودي الوش بكرة المخرطة ..ايه رأيكم في الكلام ده .

[lutenit030]

رايي هات وش استيراد احسن بدل موضوع الجواد الدوبا ده صعب اوي يظبط معاك
وش استيراد و ريخ دماغم بدل ما تصرف كتير علي وش منتهي اصلا

[osamaab]

[SIZE="6"]اولا وش السلندر اتقشط قبل كده لو دى ثانى مره حيتقشط يبقى غيره بواحد استيراد احسن علشان متضطرش تحط جوانين وعزم وكبس موتورالعربيه يضعف
ثانيا اناكد ان حواف وش السلندر اللى بتمر منها المياه سليمه ومفيهاش تاكل
وده رابط موضوع كان عمله زميل عن تغير وش السلندر/SIZE]
http://www.nilemotors.net/Nile/390700-a.html

[Mecha]

الميكانيكي حل الموتور والبساتم سليمة والشنابر سليمة . وبيقول المشكلة ان الوش اتفقع والعربية سخنت جامد ، وجوان وش السلندر كمان عاوز يتغير . وهيودي الوش بكرة المخرطة ..ايه رأيكم في الكلام ده .

شوف الشمايز والبساتم متسلختش , مفيش شنبر انكسر او قافش لو حصل وقفل المكنه هتدخن,خد بالك انه بيحاول يلم الليله

[ha elshorbagy]

شوف الشمايز والبساتم متسلختش , مفيش شنبر انكسر او قافش لو حصل وقفل المكنه هتدخن,خد بالك انه بيحاول يلم الليله

كلام مظبوط

[heshamfathi]

عن تجربة شخصية , مشفتش اى عمرة ماتور ناجحة , احسن حاجة تجيب موتور استعمال خارج واشترى دماغك وفكك من وجع الدماغ اللى انت فيه ده

[GALAL mohammed]

الف شكر يا رجالة علي اهتمامكم ، وده العادي من رجالة نايل موتورز . الحمدلله علي كل شيء ، الموضوع خلص علي انني هاجيب وش استيراد ، وطبعا هيغير طقم الشنبر علشان كان اتحل فمينفعش يركب تاني . بس انا مش عاوز اظلم الراجل علشان انا في فترة التليين شديت علي العربية شوية فممكن تكون سخنت وعملت كده .

[Mecha]

التليين لو قرصت فيه ميسخنش العربيه,
واضح ان المشكله كانت في الوش

[Mecha]

المهم متنساش طرمبة الميه في الجوب الجديد طقم الشنبر عمره 6 شهور

[GALAL mohammed]

المهم متنساش طرمبة الميه في الجوب الجديد طقم الشنبر عمره 6 شهور

معني كلامك ان طقم الشنبر هيتغير بعد 6 شهور ؟؟!!