نصحيتك هتفرق معايا كتير ما تبخلش عليا بيها

[Omar Tito]

السلام عليكم و رحمة الله و بركاتة

بدور على عربية فى حدود التمانينات و الحقيقة اول عربية فكرت فيها اللانوس لانها كانت مع اكتر من واحد صاحبى و بيشكروا فيها كويس اوى بس كانت دايو مش شيفرولية

بدأت أفكر فى العربية بالفعل 2015 ظهر لى بعض الأصدقاء و نصحونى ابعد عن لانوس 2015 لانها بعد ما بقت شيفرولية بيقولوا لى معضم موتور العربية اصبح صينى و كفاءتة اصبحت ضعيفة جدا ف انا قولت أسأل اللى راكبين العربية و أأخد منهم النصيحة

أنا اهم حاجة عندى فى عربية جديدة تكييف و باور و زجاج كهرباء و كاسيت نضيف و مش فارق معايا موضوع شكل العربية و انها من سنة 2000 و كمان موضوع ان عداد الكيلو متر بكر مش ديجيتال و لا فارق معايا كل دة اهم حاجة عندى توافر قطع الغيار و تكلفتها
مع العلم انى مش من هواة الجرى و لا السفر و اخرى يوم ما بجرى 120 كم

برضة عاوز اعرف معدل إستهلاك البنزين لان ناس كتير قالوا المعدل بقى عالى عن دايو
طبعاً كمان فى مشكلة ف العربية انا شايفها بعينى و هى ان الدهان بيكلح بعد سنتين تقريباً لو حد عندة حل للموضوع دة ياريت يقدمة برضة

مستنى منكم الردود عشان بجد أرائكم هتفرق معايا كتير فى موضوع الشراء من عدمة

[mnashat77]

انا من رايي حرام تدفع تمانينات ف لانوس اكيد بردو شكل قديم وتكنولوجيا قديم حتي لو انت مش فارقمعاك الموضوع ده
بص بصه علي رينو لوجان شكل جديد بردو ونفس رنج السعر
والاختيار لحضرتك وربنا يوفقك

[a7med.7assan]

يا باشا راى المتواضع ... يبقى معاك 80 الف حسب ما فهمت يعنى وعايز تجيب لانوس !!! بصراحه حرام كتير عليها ... انا معايا دايو 2008 بقالها سنتين ... الحقيقه عربيه لطيفه الى حد كبير ... لكن كنت جايبها ع د سعرها يعنى كانت ب49 الف ... لكن 80 كتير اوى تجيب لانوس زيرو ... انا شايف انك بال 80 دول تشوف حاجه يابانى مستعمله محترمه جدا وحالتها زى الفل ... شوف الصنى .. او لانسر ... لو عايز كورى.. اعتقد دور ع النترا .... لكن حرام تحط المبلغ ده فى لانوس .. انا ناول بامر الله اغير لما تسمح الظروف ... ومعتقدش انى هركب دايو طبعا تانى او شيفورليه ... هفكر فى الهيونداى زى ما قولتلك النترا او اكسنت 2010 ولا لانسر ... اللانوس اقتصاديه جدا .. بس سحبها بطىء وعزلها عن الماتور وصوت الشرع سىء للغايه ع عكس الافيو مثلا ... رغم انهم تقريبا نفس الماتور ... لكن بصراحه العزل فرق السما والارض ... دى نصحتى المتواضعه لحضترك ... وشوف باقى اراء الزملاء بالمنتدى وربنا يرزق بالاصلح

[ياسر يوسف]

ممكن شارك2008 اوتويوتا2007 وهي ممتازه جداوتقريبا خاليه من العيوب

[Omar Tito]

انا من رايي حرام تدفع تمانينات ف لانوس اكيد بردو شكل قديم وتكنولوجيا قديم حتي لو انت مش فارقمعاك الموضوع ده
بص بصه علي رينو لوجان شكل جديد بردو ونفس رنج السعر
والاختيار لحضرتك وربنا يوفقك

اولاً ألف شكر لإستجابة حضرتك السريعة و الرد عليا بالسرعة دى
بخصوص الرينو يا باشا انا و الله لسة نازل من رينو و هى عربية جميلة جداً و إعتمادية جداً طلما ماشية معاك زى الفل تعالى بقى دور على قطع غيارها و أسعار قطع غيارها مش كويسيين خالص

انا مقرر اركب عربية قطع غيارها ممكن أشتريها من كشك السجاير دى نمرة واحدة عندى

بكرر شكرى على ردك عليا و مليون تحية لنصيحتك

[Omar Tito]

ممكن شارك2008 اوتويوتا2007 وهي ممتازه جداوتقريبا خاليه من العيوب

الف مليون شكر على ردك يا استاذ ياسر بس انا ليا وجهة نظر فى الموضوع دة و هى انى لو حبيت مثلا يدينا و يديك طولة العمر بعد 5 سنين اغير هبقى ساعتها ببيبع فى عربية بقالها 19 سنة و مش هلاقى حاجة من القيمة اللى دغعتها فيها انما لو حاجة 2015 بعد 5 سنين ممكن تبقى ليها سعر شوية

متابع معاك يا باشا

[Ahmed abdkarim]

بصراحة حرام الفلوس دى فى اللانوس .

[mado83]

لانسر بومه حاله نظيفه ومش هتندم

[moumen_hs]

باشا أسمع الكلام دة أركب نيسان صنى مع أى حد وهتعرف الفرق الشاسع بينها وبين اللانوس أنا نزلت من الانوس وجبت صنى من 3 سنين عربية محترمة جدا وعلى قد فلوسك ممكن تجيب موديل 2010 فبريكة برا وجوة وعداد قليل كمان فى حدود 80 الى 85 ومش هتندم أحسن من الانوس بمراحل وقطع الغيار موجودة ومش غلية نسبيا ولا حاجة

[Omar Tito]

لانسر بومه حاله نظيفه ومش هتندم

البومة كلة يا باشا المتاح ادامى يا اما عربية بتحتضر و عدادها داخل على ال 150 الف
يا اما باشا بيبيع بيع غناوة و عاوز حق العربية اللى دغعة فيها و هى زيرو

محتار....

[Omar Tito]

باشا أسمع الكلام دة أركب نيسان صنى مع أى حد وهتعرف الفرق الشاسع بينها وبين اللانوس أنا نزلت من الانوس وجبت صنى من 3 سنين عربية محترمة جدا وعلى قد فلوسك ممكن تجيب موديل 2010 فبريكة برا وجوة وعداد قليل كمان فى حدود 80 الى 85 ومش هتندم أحسن من الانوس بمراحل وقطع الغيار موجودة ومش غلية نسبيا ولا حاجة

النيسان الصنى يا باشا عربية فعلاً محترمة جدا و جميلة بس من عيوبها معدل إستهلاك البنزين عالى جداً
و كمان قطع غيارها غالية جامد و احياناً بتكون غير متوفرة

متابع ....

[dodo1086]

حرام الرقم ده فى لانوس صنى مستعمله اكيد أحسن زى م الاخوة تفضلوا

[طارق _عبد السلام]

طيب ماتفكر بالمبلغ ده تركب اوكتافيا a4 مانيوال لانك غاوى لانوس يعنى مانوال ....... المبلغ ده يجيب عربيه مانوال محترمه وبجد عربيه روعه........ انا لسه جايب لقريبى واحده اوتو 2005 .... ومع انه كان ركب اوبل.. بيشكر جدا فى الاوكتافيا وطاير بيها وبادائها

[ARKOON]

A4 اختيار كويس .

[مصطفى عبداللاه]

انا هديك الحل عليك وعلى عربية جيلى اميجراند الجديدة عربية ممتازة وسعرها زيرو 87000 جميع الكماليات الماتور 1600 متسوبيشى وباقى العربية صينى على اتحاد اوروبى ناجحة جدا فى السوق وسعرها فى ارتفاع واسال وشوف