دواسة الدبرياج

[هيثم الشرقاوى]

السلام عليكم ورحمة الله وبركاته
انهاردة الصبح بدوس دبرياج لقيت الدواسة طرية قوى والدواسة ملهاش تاثير الى فى النص الاخير ليها ونص الدوسة الاولانى بحس انه على الفاضى والغيارات فيها سنة عضة صغيرة اوى بس لازم ادوس على الاخر خالص عشان متعضش ياترى الدبرياج عايز ياخد هوا ولا اية والسلام عليكم

[hamdynel]

ممكن طقم اصلاح للدبرياش

[eng.m.abdo]

متابع

[هيثم الشرقاوى]

جزاكم الله خيرا
وانا لاحظت ان العربية ظبطط لوحدها مش عارف بقى كان اية السبب

[هيثم الشرقاوى]

الحمد لله الدبرياج علق تانى ورجع ظبط تانى لوحدة والنهاردة وانا راجع من الشغل علق خالص والدواسة علقت تحت ورفعتها برجلى قعدت اكارك ولقط معايا وبعدين وانا ماشى على التانى حلف ماهو لاقط والطريق وقف والعربية مش عايزة تقف وترجرج وقعدت ادوس ولقط معايا وجريت شوية ورجع اشتغل كويس تانى سبحان الله
وسالت واحد زميلى قالى كدة الماستر العلوى بيهيس اى رأيكم والماستر دة ينفع يتصلح يعنى لية طقم اصلاح او يتغيرلو جلد ولا لازم يتغير ولو هيتغير اجيب جديد ولا استيراد والسعر فى حدود كام
معلش صدعتكم معايا
السلام عليكم ورحمة الله وبركاته

[aelmohamady]

ماستر دبرياج هايفضل يعلق شوية ويشتغل شوية نصيحة غيره وماتجيبش طقم اصلاح علشان مابيعيش

Sent from my samsung GT-I9152 using Forum Runner

[هيثم الشرقاوى]

طيب اجيب جديد ولا استيراد والسعر فى حدود كام

[هيثم الشرقاوى]

اى يا رجالة حد يفيد اخوكم عشان هشتغل انهاردة فى العربية ان شاءالله

[هيثم الشرقاوى]

نزلت دلوقتى لقيت تحت العربية زيت باكم فتحت الكابوت لقيت الماستر السفلى عمال ينقط ومغرق الدنيا يبقى كدة هوا الى بايظ ولا احتمال العلوى كمان بايظ

[aelmohamady]

طالما الفرامل كويسة يبقى السفلى بس ونصيحة هاته جديد

Sent from my samsung GT-I9152 using Forum Runner

[asas630]

هات الماستر جديد مش غالي حتلقيه في حدود 40 ج

[aelmohamady]

بالظبط كده واوعى تعمل طقم اصلاح

Sent from my samsung GT-I9152 using Forum Runner

[هيثم الشرقاوى]

كلمت الميكانيكى وطلع رجولة بصراحة وجالى على الشغل وجاب معاه ماستر سفلى استيراد وعلبة زيت باكم كبيرة وركب الماستر والدنيا ظبطت والحمد لله بس هاخد بنصيحتكم وهجيب واحد جديد واخلية معايا احتياطى لما الى راكب يبوظ ابقا اركبة وجزاكم الله خيرا