تشغيل السخن فى تكييف لانوس

[احمد الصباغ]

بسم الله الرحمن الرحيم

الاخوه الكرام
عندى عربيه لانوس والتكييف فيها شغال بارد ولما اغير المؤشر على السخن برده بيشتغل بارد
وكمان المنفذ اللى بيطلع منه الهوا الساقع اللى تحت الزجاج علشان الشابورة مش شغال مابيطلعشى منه اى شىء
السؤال بقى لو حبيت اروح لحد علشان اشغل التكييف سخن كمان وشغلى المنفذ بتاع الزجاج الامامى ياترى يتكلف كام الموضوع ده او اعمل ميزانيه كام وياترى اللى هاحتاج تركيبه
وشكرا للاهتمام
سلام

[asas630]

هتحتاج تجيب 4 ويرات جداد
واحد بتاع زرار سخن الي بارد
و 3 ويرات يتوع اوضاع هواء التكيف
تمن الواير الواحد علي ما افتكر كان اصلي gm 70 جنيه
ولمصنعية كانت 30 ج
يبقي اعمل حسابك في 300 ج

[احمد الصباغ]

شكرا على المعلومة

[tarek_2005]

الانوس مفهاش غير 3 ويرات تحكم وكلهم اصلي تمنهم من 75 -90 جم
السخن ليه سربنتينة لوحدة بتاخد مياه من دورة تبريد العربية وعندك حسب كلامك دي ملغية اما لتسريب بها او عدم تركيب خراطيمها
يجب الكشف عن هذه السربنتينة من حيث صلاحيتها للاستخدام وتوصيلها ودي الميكانيكي هيعملها ومش هياخد اكتر من 25 جم لتوصيلها اذا كانت الخراطيم بتاعتها متواجدة

[احمد الصباغ]

الف شكر على الاهتمام