مستوي زيت الموتور زاد لوحده

[asteraster]

النهارده بقيس مقاس الزيت لقيته بعد ما كان بين ال min و max لقيته عدي الماكس بشويه معرفش من ايه وللعلم انا مغير زيت موبيل ون من حوالي اسبوع ومعملتش غير 250 كيلو حد يعرف ده سببه ايه

[aymanshebl]

ممكن نعرف ظروف القياس يعنى العربية كانت بردة و لا سخنة الارض مستوية ولا لا

[asteraster]

الارض مستوية وكنت باخد المقاس قبل كده وانا راكنها في نفس المكان والعربيه كانت بارده من امبارح

[aymanshebl]

ممكن لو انت بتاخد المقاس و العربية سخنة يكون فيه زيت لسه فى الموتور علشان كده بيكون الزيت بين المينى و الماكس اما لما بتقيس الزيت و العربية باردة بيكون الزيت كله فى الكارتيره علشان كده بيكون فوق الماكس بشوية غير كده يبقى غريبة و فيه حاجة غلط الزيت عمره ما هيزيد لوحده ابدا

[Mecha]

لو فضل يزيد يبا ميه ,حل طبه الزيت ونزل شويه وشوف

[asteraster]

هقيس تاني قبل ما اروح ان شاء الله وهبقي اقولكم وربنا يستر ومتشكر جدا لتعاونكم

[Sameh samy]

ربنا يستر لو الزيت مكانش زيادة في الاساس في احتمال تنفيس في جوان وش السلندر

[مداح القمر]

الخوف ليكون الزيادة دي سببها مياه الردياتير

[asteraster]

بس العربيه مسخنتش مني نهائي

[asas630]

متقلقش من الجوان ادام الزيت لونه طبيعي مش مطحن

قيس الزيت تاني قبل مدور العربية الصبح وامسح مسطرة الزيت اول متطلعها من المكنة وركبها تاني وقلي ايه النتيجة وانا متابع معاك

[asteraster]

جزاك الله خير م/ احمد صبحي

[asteraster]

قست تاني بعد ما وقفت العربيه حوالي 12 ساعه لقيت برده المقاس معدي الماكس بس لون الزيت زي ما هو مش متغير بس حاسس ان ريحته بنزين بس ممكن يكون بيتهيألي بس لما بدوس بنزين مفيش لون عادم خالص

[waga]

استاذي بلاش وسواس الدكاتره .. زيت موبيل اساسا خفيف انا بستعمله من زمان ولما بيشتغل مع الماتور بيخف شويه فا فعلا بلاقي عندي المقياس زياده والمره اللي جايه ناوي اسيب شويه في الجركن مش ها احطه كله

[asteraster]

يعني انزل منه شويه واظبط المستوي ولو زاد تاني يبقي فعلا في مشكلة ؟؟؟؟ وانزل منه شويه ازاي طيب ؟؟

[asas630]

يعني انزل منه شويه واظبط المستوي ولو زاد تاني يبقي فعلا في مشكلة ؟؟؟؟ وانزل منه شويه ازاي طيب ؟؟

روح اي ينزينة يشفط شوية بمكنة شفط الزيت خلي يشفطلك نصف لتر وهيا بيبقي فيها مؤشر بيبين الزيت الي اتسحب اد ايه