غيرت الطنابير الامامي والخلفي وبرضه فيه رجه

[ahmad--ezzat]

السلام عليكم
الواحد مش عارف يعمل ايه مع النوبيرا

كان عندي رجه مع الفرامل
نزلت اشتريت طنابير ريمسا امامي وتيل gm اصلي ولسا فيه رجه مع الفرمله
قلت اكيد العيب من الطنابير الخلفي...واتاكدت من كده لاني كنت برفع الهاند بريك وانا ماشى بلاقي رجه ...نزلت جبت طنبورتين خلفي وتيل اصلي من هشام ابراهيم موزع gm
بعد التركيب برضه في رجه !!!!!!!!!!!!!
وبتبان لما اكبس فرامل جامد من 70 لحد 10 مثلا....العيب فين.!؟
ايه رايكم !؟؟؟؟؟؟؟؟؟

[A.Saad]

وانت واقف هز الدشمة الامامى بايدك
وشوف فيها رجة
ولا لا
لو فيها ممكن يبقى مسامير الدشمة فيها بوش

اتاكد ان الطنابير ممسوكة ومتقفلة صح ومساميرها متركبة كويس

[A.Saad]

وانت واقف هز الدشمة الامامى بايدك
وشوف فيها رجة
ولا لا
لو فيها ممكن يبقى مسامير الدشمة فيها بوش

اتاكد ان الطنابير ممسوكة ومتقفلة صح ومساميرها متركبة كويس

[مداح القمر]

صدقني والله العيب في الطنابير الامامية ...
للاسف معظم الطنابير زي الزفت في السوق
نفس موضوعك حصلي بس مع طنابير اوبتيمال الماني و الرجة فضلت موجودة ..
واضطريت اني اخرطهم و هما جداد و سبحان الله الرجة راحت .
والطنابير كنت جايبها من البنا في التوفيفية ...

[ahmad--ezzat]

وانت واقف هز الدشمة الامامى بايدك
وشوف فيها رجة
ولا لا
لو فيها ممكن يبقى مسامير الدشمة فيها بوش

اتاكد ان الطنابير ممسوكة ومتقفلة صح ومساميرها متركبة كويس

حضرتك قلت نقطه مهمه جدا انا فعلا هشوفها
بس لو ممكن مكان الدشمه بالتحديد فى النوبيرا

صدقني والله العيب في الطنابير الامامية ...
للاسف معظم الطنابير زي الزفت في السوق
نفس موضوعك حصلي بس مع طنابير اوبتيمال الماني و الرجة فضلت موجودة ..
واضطريت اني اخرطهم و هما جداد و سبحان الله الرجة راحت .
والطنابير كنت جايبها من البنا في التوفيفية ...

صدقني انا عارف ان المشكله فى الطنابير...انا مغيرها قبل كده مرتين وبرضه نفس الهزه والرعشه اللى بتيجي

[Dr.Solom]

سؤال بس انت بتلاقى رجه فى الدركسيون ف ايدك
ولا رجه ف جسم العربية عموما

[ahmad--ezzat]

الرعشه ف جسم السياره

[zendo]

ابه الفرق لو الهزة فى الدريكسيوت لانها بتتحصل معايا

[مداح القمر]

الطنابير بتسبب رعشة جامدة في الدركسيون مش في جسم السيارة