اخر كلام في التغيير الی زيت فيسكو MMamdouh

[A.Elmosallamy]

السلام عليكم و رحمة الله و بركاته
استاذ محمد تحياتي لك و لجهدك في الرد علی الزملاء
و بعد بحثي في كل كل ردودك بما يخص زيوت فيسكو نويت باذن الله ان التغيير الجاي يبقی لزيت فيسكو 3000 20w-50 المعدني بما ان ده اللي موجود في مصر و ده علی حسب كلام الزملاء في كذا موضوع و حضرتك كنت نصحتني بيه قبل كده بس فيه اجماع بردو ان ال 5000 التخليقي احسن كتير بس مش عارف هينفع عندي ولا ﻷ علما بان عربيتي لانوس جولييت 99 عاملة 195000 كم بس كان متغيرلها موتور 1500 و حالته جيدة جدا و مش ملاحظ اي بخر في الزيت الموجود حاليا ( شل الاصفر )
فياريت حضرتك تنصحني اخر كلام في نوع الزيت المناسب لعربيتي و ايه نوع الضرر اللي ممكن الزيت التخليقي يعمله لو حالة الموتور مش مناسبة و لو ينفع الزيت التخليقي عندي ايه المطلوب اعمله في تنظيف دورة الزيت قبل التغيير ... الف شكر علی اهتمامك و تعبك معانا

[A.Elmosallamy]

منتظر الرد

[A.Elmosallamy]

طيب ياجماعة اي حد عنده فكرة يرد عليا

[modyegypt]

انا نقس الكلام ومحتار من تغير النوع بس شل على صوت التكيهات عندى
وفكرت اجيب فيسكو 3000 بس قرات ان فى زمل لينا حطة فى نوبيرا وزعلة اوى
وبفكر فى ولف .. وحاليا بحط موبيل hxp

[swimmer25]

هو محمد ممدوح فين...فين الكبير مش شايفه بقالي فترة!!

[eng.m.abdo]

متابع جدا

[A.Elmosallamy]

انا نقس الكلام ومحتار من تغير النوع بس شل على صوت التكيهات عندى
وفكرت اجيب فيسكو 3000 بس قرات ان فى زمل لينا حطة فى نوبيرا وزعلة اوى
وبفكر فى ولف .. وحاليا بحط موبيل hxp

انا بردو عندي شل و فاضل فيه 500 كم و انزله علی 3000 و مش قادر اوصفلك صوت الموتور اول مرة اسمعه كده بس فيه ناس كتير بردو شكرت في فيسكو 3000 متهيألي بتختلف من حالة موتور للتاني

[A.Elmosallamy]

هو محمد ممدوح فين...فين الكبير مش شايفه بقالي فترة!!

مش عارف منفضلنا ليه كده مش متعودين منه علی كده

[مداح القمر]

سيدي الفاضل ..
نصيحة ... ماتوجهش سؤالك دايما لشخص بعينه مع كامل احترامي لزميلنا العزيز محمد ممدوح لأن ممكن حد من الزملاء يكون عنده رد السؤال
بس مايرضاش يقوله عشان انت موجه سؤالك لشخص واحد بس ...
وجه اﻷسئلة دايما يا باشا لكل اعضاء الدايو حتلاقي الاجوبة نزلة عليك زي المطر .
بالنسبة لنوع الزيت المناسب ليك في اعتقادي ان فيسكو 3000 هو الانسب لحالة موتور عربيتك لان التخليقي بيناسب
مواتير العربيات الجديدة لغاية 100 الف كيلو .
في نوع تاني بصراحة ممتاز جدا جدا وده عن تجربة ... عربيتي عاملة 250 الف كيلو و بستعمله على طول و هو زيت وولف 20w-50

[A.Elmosallamy]

سيدي الفاضل ..
نصيحة ... ماتوجهش سؤالك دايما لشخص بعينه مع كامل احترامي لزميلنا العزيز محمد ممدوح لأن ممكن حد من الزملاء يكون عنده رد السؤال
بس مايرضاش يقوله عشان انت موجه سؤالك لشخص واحد بس ...
وجه اﻷسئلة دايما يا باشا لكل اعضاء الدايو حتلاقي الاجوبة نزلة عليك زي المطر .
بالنسبة لنوع الزيت المناسب ليك في اعتقادي ان فيسكو 3000 هو الانسب لحالة موتور عربيتك لان التخليقي بيناسب
مواتير العربيات الجديدة لغاية 100 الف كيلو .
في نوع تاني بصراحة ممتاز جدا جدا وده عن تجربة ... عربيتي عاملة 250 الف كيلو و بستعمله على طول و هو زيت وولف 20w-50

استاذي الكريم اتقبل نصيحتك و مع احترامي بردو لاستاذ محمد الا ان كلامك منطقي و مقنع انا بس حبيت اوجه سؤالي ليه مباشرة عشان مفتحش مجال لحوار كبير و تعليقات كتير خصوصا ان الكلام ده اتهرس في مواضيع كتير قبل كده و بعد ما قرأت في المواضيع دي و استقريت اني اغير ل فيسكو لاحظت انه مجربه و بيشكر فيه جدا .
اما بالنسبة لزيت وولف فبصراحة اول مرة اسمع عنه عامة او في مواضيع المنتدى بس بعد بحث حاسس انه حاجة نضيفة فهسأل حضرتك كام سؤال اسمحلي
-- بالنسبة للزيت ممكن الاقيه فين و بكام ؟
-- اقدر اغيره بعد كام كيلومتر تقريبا ؟
-- هل هو يعتبر زيت معدني او تخليقي ؟
-- و بما اني دلوقتي بحط شيل الاصفر فضروري اني اعمل دورة تنظيف قبل ماحط وولف او حتى
فيسكو 3000 ؟

الف شكر لردك و اهتمامك

[مداح القمر]

استاذي الكريم اتقبل نصيحتك و مع احترامي بردو لاستاذ محمد الا ان كلامك منطقي و مقنع انا بس حبيت اوجه سؤالي ليه مباشرة عشان مفتحش مجال لحوار كبير و تعليقات كتير خصوصا ان الكلام ده اتهرس في مواضيع كتير قبل كده و بعد ما قرأت في المواضيع دي و استقريت اني اغير ل فيسكو لاحظت انه مجربه و بيشكر فيه جدا .
اما بالنسبة لزيت وولف فبصراحة اول مرة اسمع عنه عامة او في مواضيع المنتدى بس بعد بحث حاسس انه حاجة نضيفة فهسأل حضرتك كام سؤال اسمحلي
-- بالنسبة للزيت ممكن الاقيه فين و بكام ؟
-- اقدر اغيره بعد كام كيلومتر تقريبا ؟
-- هل هو يعتبر زيت معدني او تخليقي ؟
-- و بما اني دلوقتي بحط شيل الاصفر فضروري اني اعمل دورة تنظيف قبل ماحط وولف او حتى
فيسكو 3000 ؟

الف شكر لردك و اهتمامك

زيت وولف ممكن تجيبه من موزع زيت وولف في شارع دمشق جنب محل ابراهيم بتاع الاستيكرات
او ممكن تتصل بيهم على رقم 19728 و هما حيجولك لغاية عندك و يغيرولك الزيت
اما سعر الزيت 150 جنيه و هو زيت معدني 20w-50 و يتغير كل 5000 كم
وعلى فكرة حوار انك تعمل فلش للموتور مش مستحب لاسباب كتيرة اوي الا على فترات كبيرة
يعني انت مش محتاج تعمل تنظيف للموتور .
انا بعتلك رسالة على الخاص ياترى شوفتها ولا لسه ؟

[A.Elmosallamy]

زيت وولف ممكن تجيبه من موزع زيت وولف في شارع دمشق جنب محل ابراهيم بتاع الاستيكرات
او ممكن تتصل بيهم على رقم 19728 و هما حيجولك لغاية عندك و يغيرولك الزيت
اما سعر الزيت 150 جنيه و هو زيت معدني 20w-50 و يتغير كل 5000 كم
وعلى فكرة حوار انك تعمل فلش للموتور مش مستحب لاسباب كتيرة اوي الا على فترات كبيرة
يعني انت مش محتاج تعمل تنظيف للموتور .
انا بعتلك رسالة على الخاص ياترى شوفتها ولا لسه ؟

للأسف انا من بورسعيد مش من القاهرة و تقريبا ملهمش موزع عندنا انا رديت على رسالة حضرتك

[waga]

ياتري انت فين يا MMamdouh

ما عدش فيه منه خلاص في القسم ... ياخساره
.
.
.