رجاء الافادة - دايو ليجانزا

[mohmahalikha]

العربية بقالها معايا شهر واستهلاك البنزين عالى جدا لتر البنزين بيعما 5 كيلومتر فقط يعنى الصفيحة بتعمل 100 كيلومتر
ايه اللى ممكن اعمله وشكرا مقدما

[mohamed 33351]

مبدئيا كدة هى الليجانزا 2000 ccيعنى سحب بنزين عالى بس مش للدرجة دى كدة كتييييير
انت اكيد جايبها مستعملة دور كدة شوف صاحب العربية القديم كان مركب فلتر سبور او معدل اى حاجة تزود السحب

[moko_2004]

100 كيلو في الصفيحة رقم كبير جدا رقم زى دة هو المعدل الطبيعي لعربية 8 سلندر 5700 سي سي
العربية لو اوتو بتعمل 180 الى190 كلم في الصفيحة
انا رأيي تراجع على الفلاتر كلها هوا بنزين زيت "يتغير الوسخ منها مينفعهاش تنظيف "
و تراجع على العفشة وخصوصا ممكن الفرامل اللى ورا تكون قافشة "العفشجي اللى يقولك "
وتشوف البوجيهات و الموبينة و الكابلات
واخيرا الحساسات "افضل شيئ كشف كومبيوتر " طبعا عندك حساس الtps و الmap و الاوكسجين الشكمان و حساس الكرنك بيأثرو على استهلاك البنزين
او "تاخد حاجة من الميكانيكي تجربها الاول قبل ما تغير بالنسبة للموبينة او الحساسات "