عملت فوطه زفره

[Elgazar 7007]

السلام عليكم ورحمه الله وبركاته
ازيكوووووو يا محترمين
كنت رايح اسأل ف بنزينه موبيل ع غسيل دوره التبريد في عندهم
ولا لأ لاحظت وانا بسأل في فوط صفره بس حجم كبير وسميكه حبه عن ال بنشوفها
قومت شاري واخده ب ٥ ج وروحت وحطيت باقي جركن الزيت ال عندي ع الفوطه بخطوت رفيعه عرضي وطولي
وسيبتها وطبقتها ع بعض يومين كده والفوطه الحديده ابقي جاهزه

شكرا
اسف لو طولت

[ashouhdy]

؟؟؟؟ و دى بيتعمل بيها اية ؟؟؟

[hugan]

لازم تسيبها في الشمس اسبوعين علي الاقل لحد ماتنشف تماما
والا هاتبهدل لك العربيه وتزيت وتلم تراب

[yasser100]

هاتضيع لك طبقة الورنيش اللى على دهان العربيه .

[adel1212]

طيب و حضراتكم بتنظفوا عربيتكم ازاي
لو في افكار افضل يبقى تساعدونا
تحياتي

[Elgazar 7007]

؟؟؟؟ و دى بيتعمل بيها اية ؟؟؟

دا بجد ؟؟!

[Elgazar 7007]

طيب و حضراتكم بتنظفوا عربيتكم ازاي
لو في افكار افضل يبقى تساعدونا
تحياتي

بص حضرتك انا عندي فوط ميكرو فيبر
وفوطه جوانتي كدا ليها شراشيب ميكرو فيبر
وفوط صفرا عاديه
وشامبو ارمور اوول للغسيل شامبو و شمع مع بعض
كل دول كوم والفوطه الزفره كوم تاني
ف ثانيتين تكون مسحت العربيه وتدور وتطلع ع طول

[Elgazar 7007]

هاتضيع لك طبقة الورنيش اللى على دهان العربيه .

اخرها شهرين الفوطه عماتا لو بقت خشنه خلاص اعمل وحده تانيه

[Elgazar 7007]

لازم تسيبها في الشمس اسبوعين علي الاقل لحد ماتنشف تماما
والا هاتبهدل لك العربيه وتزيت وتلم تراب

طب والله كويس ان حضرتك قولتلي خلاص هاسيبها ف الكرتونه ال عملتها عليها ف جنينه البيت تحت

[Elgazar 7007]

بالمناسبه حضراتكم كلكم ماشاء الله
عضو ماسي وبرونزي وبلاتيني وذهبي
انا عايز م الحاجات دي !!

[yasser100]

بالمناسبه حضراتكم كلكم ماشاء الله
عضو ماسي وبرونزي وبلاتيني وذهبي
انا عايز م الحاجات دي !!

هههههههه لسه شويه . لما تكتب و تشارك هاتاخد عضو فعالىو بعدين برونزى و بعدين فضى و هكذا . هاتمشى فى الرتب و يا سلام بقا لو اخدت لك ميداليه هههههههه

[ashouhdy]

انتو بتنضفوا عربيتكم معلش في الجملة بالفوطة القذرة دي

[ashouhdy]

يعني معقول حتحطوا هذة القذارة علي دهان ورش اصلي متعالج ضد الصدأ و البارومة و فية فيلر خاصة عشان تحمية حتحوطوا علية فوطة جربانة عليها زيت واتنقعت في شمس ولمت تراب الكون

!!!!! المصريون قادموووووون

[amr_8800]

انا من اعداء الفوطه الزفره دي
وبكرهها بجد
وعمري ما حطيتها على عربيتي
ولما حد من العيال بتوع الاشارات بيفكر يحطها على العربيه
بلحقو واقولو تعالى واديله اي حاجه واقولو ابعد عني

بجد بدمر بوية العربيه وخرابيش ودواير وقرف

نصيحه بطل تستعملها

[S O P H O S]

يعني معقول حتحطوا هذة القذارة علي دهان ورش اصلي متعالج ضد الصدأ و البارومة و فية فيلر خاصة عشان تحمية حتحوطوا علية فوطة جربانة عليها زيت واتنقعت في شمس ولمت تراب الكون

!!!!! المصريون قادموووووون

هههههههه
لو العربية جديدة اكيد مش هيجي قلب لكده
انا معاك ان الموضوع صعب ولكن حتي لو خليت حد يمسح العربية
شوف الفوطة الي بيستخدمها