مشكلة ظهرت لما غيرت وش السلندر

[احمد الصباغ]

بسم الله الرحمن الرحيم

[justify]الاخوه الكرام
عندى لانوس 2005 والمياه دخلت على الزيت وبعد الفك طلع وش السلندر فيه مشكله فى اكتر من مكان ، وانتهينا الى اننا نغيره
و غيرناه بواحد استعمال بس نضيف
المشكلة اولا العربيه بتغيب فى الدوارة وممكن لما تدور تبطل تانى
العربيه لماتكون على مطلع تطبل ولزما اكون دايس بنزين كتير علشان تطلع ويمكن تبطل برده
العربيه صعب تزود عن سرعة 120
المشاكل دى ماكنتش فيها قبل تغيير وش السلندر
ظنى انا المشكله هى فى كميةالبنزين اللى بتوصل للماتور ضعيفة
هل فيه حد عنده افكار
وشكرا
سلام[/justify]

[georgedada82]

لو شاكك في كمية البنزين ... راجع طلمبة البنزين
وراجع برضو علي الكويلات والكهربا لان وارد اوي تكون مشكلة في الكهربا

[blazer]

راجع على تقسيمه الكاتينة

[احمد الصباغ]

شكرا على الاهتمام ياجماعة
انا رحت للميكانيكى اتأكدلى من ان التقسيمة كويسه وبعدين ارسلنى للكهربائى لتغير ماتور البنزين او الطرمبه لكن لما رحت للكهربائى قالى الطرمبه كويسه والفلتر فيه وساخه نغيرة ........... ولما غيرناه لقيت المشكله زى ماهيا فقالى دى اكيد الوساخه سدت الرشاشات روح نضفها
رجعت للميكنيكى قالى ما تنضفشى امشى بيها شويه لما نشوف نتيجة
وللاسف مر كام يوم ولسه المشكله موجوده

[samy33]

متابع باهتمام
واشك ان ممكن تكون البوبينة

[احمد الصباغ]

شكرا واليكم ما وصلت اليه اليوم
العربيه الان بتبطل فى السلانسيه يعنى كل ما اشيل رجلى عن دواسة البنزين العربيه تبطل وساعات لما مش هاتبطل يبقى الماتور كانه هيبطل وبعدين تحس ان العربيه مخنوقة
ان شاء الله بكره رايح للميكانيكى
وشكرا على المتابعة والاهتمام
سلام مؤقت

[sameh zaghlol]

متابع الموضوع عندى نفس المشاكل بعد تغيير وش السلندر

[احمد الصباغ]

روحت للميكانيكى تانى وقولتله بتبطل فى السلانسيه قام جايب بخاخ وقعد ينضف حساس بيه ... الحساس دا اللى بعد الخرطوم اللى جاى من عند فلتر الهوا داخل على الماسورة الالمونيوم اللى فوق الرشاشات
المهم النتيجة زى ما هى بس فيه تحسن طفيف قمت رحت للكهربائى اصلح حاجه كدا وقام ركب معايا يجرب العربيه واثناء التجربة قالى العيب فى طرمبة البنزين هيا مش بايظة هيا بضعيفة ودا اللى عملك المشكله ايه رأيك ... قولتله غير على طول ، قام مغيره بواحد من عنده جدبد طلب فيه 100 جنيه وكان معاه كيس كدا ابيض كمان ركبه المهم ظبط الكلام وبعد كدا اخدت العربيه والصراحة من ساعتها وهيا مظبوطه معايا
شكرا على الاهتمام والمتابعة
سلام